Sa isang linggo na pananatili ni Savanna sa bahay nina Andy ay wala naman naging problema. Gabing-gabi na kung minsan umuwi si Alec dahil sa busy nang pag-aasikaso nito sa papadating na anniversary ng kompanya nito, kagaya na lang ngayon.
Napatingin si Savanna sa pinto nang bumukas ito. Nakita niya si Alec na kakapasok lang habang nakabalatay sa mukha nito ang pagod. Nakabukas ang ilaw sa sala kaya naman nakita siya nito. Kagagaling niya lang sa kusina. Bumaba siya kanina dahil nakaramdam siya ng uhaw.
“Bakit gising ka pa?” tanong ni Alec sa kanya.
“Uminom lang ako ng tubig.”
Tumango naman ito. Hinubad na nito ang suot nitong sapatos saka nagsuot ng tsinelas. “Si Andy?”
“Nasa kwarto niyo na. Nakatulog na sa paghihintay sa ‘yo.” Nakita niya ang pagbuntong-hininga nito. “Teka, gusto mo
