Hinihingal na ako nang makarating sa tapat ng club house. Tumingin ako sa pinanggalingan ko para masigurado kung hindi ba ako sinundan ng doppelganger ni Joshua o nakasunod pa rin sa akin. Mabuti naman at wala na siya. Nakahinga ako nang maluwag dahil doon.
“Scarlett?” Napaayos ako ng tayo nang marinig ang tawag sa akin ni Mark, isa sa pinsan ni Joshua. “Hey,” bati ko. Pinilit ko na maging normal ang itsura para hindi siya makahalata na may nangyari sa akin.
“Bakit ka narito sa labas? Malamig na at anong oras na. You should be with Joshua’s side for your safety.”
Hindi ko alam kung bakit pakiramdam ko ay masyadong makahulugan ang sinabi niya na ‘yon. Na para bang may iba pa siyang ibig sabihin sa binitawan niyang salita. Umiwas siya ng tingin sa akin nang siguro ay mahalata niya na nagt
