Maingat kong inayos ang mga display at paninda sa convenience store ni Ninang Nelly. Inisa-isa ko ang bawat store shelves at pagkatapos no’n ay nilinis ko ang buong store. Inabala ko ang sarili ko at hindi ko hinahayaan na mabakante ang oras ko na wala akong ginagawa. Nang matapos ako sa paglilinis at pag-aayos ng store ay nagbabasa at nag-aaral naman ako kapag walang customer na dumadating. Sa ganitong paraan ay hindi ko namamalayan ang paglipas ng oras.
“Good evening, welcome to Daily Mart,” pagbati ko nang marinig ko ang pagdating ng customer. Pero sandali akong natigilan nang mag-angat ako ng tingin dito. “Vernice…” gulat na sambit ko. “Anong ginagawa mo dito?”
Nakangiti itong lumapit sa akin. “Dinadalaw ka,” tugon niya saka siya bahagyang naglibot ng tingin sa paligid. “Hindi ka pa
