"Kamusta kayo ng asawa mo?"
Humigop muna ako sa tasa na hawak ko bago ibinaba 'yon sa lamesa at tumingin kay Mama. "Okay na kami, ma. Mas okay na kami ngayon kaysa dati."
"Nakatulong talaga na nagsama kayo hano?"
"I think so." Ngumiti ako.
"Bakit ang tipid ng mga sagot mo? Nandito ka lang ba dahil sa papa mo?"
Nagkunwari akong natatawa sabay higop ulit sa tasa. "Hindi ba pwedeng ma-miss din kita, ma?" bola ko.
"I know you, Jayson. Hindi mo ko madadaan sa ganyan. Buo na ang desisyon ng papa mo tsaka isa pa, hindi ba makakabuti naman sa inyo ito? Bakit hindi mo siya sundin? Bumuo na kayo ng pamilya ni Lisa."
"Ma, ano na lang ang sasabihin sa akin ng iba? Lalo na 'yung papa ni Lisa. Ako ngayon sa aming mag-asawa ang walang trabaho."
"Ituring mo lang kasi 'yang rest days mo. Hindi ka n
