"Layla, bakit ikaw lang ang nandito? May nagpa-deliver na ba agad?" Mabilis akong lumingon-lingon sa paligid para hanapin si Jack. Malakas namang bumuntong hininga si Layla habang nakapalumbaba sa isang pwesto. Tinignan ko siya ulit at nilapitan.
"Beshy Boss, wala ka na bang magagawa para hindi umalis si Jack?"
"Gusto mo ba si Jack?" taka kong tanong bago siya tabihan. Natawa ko dahil sa reaksyon niya. "'Wag mo ng itago. Halata na kasi, eh," sabi ko.
"Hindi niya ko gusto." Bumusangot siya at nagbuntong hininga ulit. "Para sa kanya, easy go lucky lang ako. Sabi niya, hindi raw kami bagay dahil siya seryoso sa buhay at ako hindi."
"Sinabi niya 'yon?" Hindi ko pagsang-ayon.
Bumulalas naman siya. "'Di ba?! Kahit ikaw boss alam na alam mong ganito lang ako dahil hindi ako makapagtapos. Il
