Sa loob ng kaniyang silid ako nagtatrabaho habang binabantayan ko ang aking kapatid. Kahapon pa siyang hindi gumigising, mahimbing pa rin ang kaniyang tulog. Wala rito ang kaniyang guwardiya. Palihim iyong nagbabantay sa labas ng mansiyon dahil sa aming kasunduan na hindi siya magpapakita sa aking kapatid.
Hindi ako nag-abalang tumingala ng tahimik na bumukas ang pinto. Amoy ang pamilyar na amoy ng aking kasintahan.
“Jayden,” malambing na saad ni Olivia.
Tumigil ako sa pagtitipa ng aking laptop at tuluyang tumingin sa kaniya. Nakangiti itong lumapit sa akin habang may hawak na isang basong tubig. Inabot niya iyon na agad ko namang kinuha. Ipinulupot ko ang isa kong libreng kamay sa kaniyang baywang at ininom ang tubig. Sinuklay niya ang aking buhok at hinalikan ako sa tuktok ng aking
