Hindi pa rin tumitigil ang mga putukan mula sa labas ng mansiyon. Nananatili pa rin akong nakatayo habang ang ibang mga kasama ko ay bakas pa rin ang takot sa mukha.
Rinig din mula rito ang ilang sigaw at daing nila. Tahimik lamang ako habang nakakatitig sa may pintuan. Gusto kong lumabas ng mansiyon upang makipaglaban kasama si Daddy. Hindi ko tiyak ang kaniyang kalagayan ngayon, kung ayos lang ba siya o may tama ng baril.
Nagtiim-bagang ako at nagsimulang ihakbang ang isang paa palapit sa pinto nang hindi ko na mapigilan ang sarili.
“Jayden!” sigaw ni Mommy ngunit hindi ako nakinig. Pinagpatuloy ko lamang ang aking paglalakad ngunit agad napatigil nang puwersahang bumukas ang pinto saka iniluwa no’n si Dad na aking ikinahinga nang maluwag. Pawisan ang kaniyang noo ngunit kalmado an
