“HINDI mo pa rin ba siya nahahanap?”
Napahinto ako sa pagsubo nang marinig ko ang tanong ni papa. Kasalukuyan kaming naghahapunan nang oras na iyon.
“Sino po ang tinutukoy ninyo?” Alam kong si Stella ang tinutukoy niya. Pero nagkunwari akong hindi ko alam kung sino ang tinatanong niya.
“Si Stella. Hindi pa ba siya nahahanap ng mga tauhan mo?”
Umiling ako. “Wala pang ibinabalita sa akin ang mga tao ko. Bakit po ba atat na atat kayong makita si Stella? Matagal na siyang wala. Ni ang sarili niyang kapatid ay hindi alam kung nasaan siya. Paano pa kaya ako? Nalibot na ng mga tauhan ko ang lahat ng sulok ditto sa Pilipinas pero hindi pa rin siya makita. Para siyang bula na bigla na lang naglaho.”
Nagsasawa na akong lagi na lang kinukulit ni papa tungkol kay Stella. Bakit patuloy pa rin niya
