ANG UNA kong pinuntahan ay ang bahay nila. Nagbabakasali akong makakuha ng kahit anong impormasyon. Tanging ang mag-asawang katiwala sa bahay nila ang nadatnan ko roon. Ipinakita ko ang marriage certificate at ang wedding ring para lang mapagsalita ko ang mag-asawa ko. Kaninang dumating kasi ako at nagtanong ay wala silang masabing kahit ano.
“Matagal nang panahon noong huling nagpunta rito si Ma’am Stella. Pero natatandaan kong kasama niyang umalis noon ang kanyang Tita Inez. Narinig kong sa probinsiya raw sila pupunta.”
“Saang probinsiya po iyon?” tanong ko sa matandang babae.
“Hindi ko sigurado. Basta ang naaalala ko ay sa isang isla sila pupunta. Parang I-Isla Monte…Montello…Montebello? Hindi ko na matandaan. Basta parang ganoon iyong pangalan ng lugar.”
Nagpasalamat ako sa mag-as
