“WHY DIDN’T you tell me about them?” tanong ko kay Stella habang patingin-tingin ako sa kambal na natutulog sa kani-kanilang kama. Katatapos kong maibaba sa kama niya si Shiloh. Nakatulog silang dalawa sa hita ko kanina pagkatapos naming maghapunan.
Hindi na ako hiniwalayan ng dalawang bata mula pa kaninang umaga nang malaman nilang ako ang daddy nila. Pinilit nila akong makipaglaro sa kanila. Sa oras naman ng kainan ay salit-salit ko silang inaasikaso. Naglalagay ako ng pagkain sa plato nila. Ipinagbabalat ko sila ng hipon at talangka. Ako rin ang kumukuha ng inumin nila.
Pagkatapos naming mananghalian ay kinuwentuhan pa nila ako ng mga pinaggagawa nila sa school at sa bahay. Nang maubusan na sila ng kuwento ay ako naman ang in-interview nila. Ang daming tanong ni Bethany. Dinaig pa ni
