“ANO ANG bibilhin mo? Samahan na kita,” saad ni Manang Jovie nang makarating kami sa mall.
Hindi ko malaman ang isasagot ko sa kanya. Kasama naming pumasok iyong dalawang tauhan ni Rodel. Nagmistula silang mga bodyguard ko dahil nasa likuran lang naming sila ni manang. Naiwan naman iyong driver sa sasakyan.
“Sandali lang po. Mag-iisip muna ako.” Iyon na lang ang sinabi ko kay manang dahil wala naman talaga akong bibilhin sa mall. Kumpleto naman ako ng mga gamit sa mansion. Ang daming damit sa closet. May mga sapatos, bag, pabango, at kung ano-ano pa. Karamihan doon ay naka-plastic pa. Iyong iba ngang damit ay may mga tag pa. Kahit siguro anim na buwan akong araw-araw na magbihis ay wala akong uuliting damit sa dami ba naman ng naroon sa closet.
Hindi naman ako mahilig mag-shopping. Kar
