“I have to go,” bigla na lang na sabi ni Tita Harriet. Hindi man lang nito sinagot ang tanong niya kung ano ang ikinamatay ng mga magulang at mga kapatid ni Erin.
“Tita—”
“Umuwi ka na rin—"
“Pumunta po si ate Beatrice sa condo na tinitirhan ko, Tita Harriet.” putol niya rito. Natigil din ito sa akmang pagtayo nito at bumalik sa pag-upo.
“Anong sabi mo?” Nasa mukha ng ginang na hindi nito nagustuhan ang narinig nito mula sa kaniya.
“Pumunta si ate Beatrice sa condo ni Chance at sinabi niya sa akin na malaki ang kasalanan ng pamilya ko sa pagkamatay ni Erin at ng anak niya.”
Nakita niya kung paano kumuyom ang mga kamay ni Tita Harriet na nakapatong sa ibabaw ng mesa.
“Ano pa ang sinabi niya sa ‘yo, Ariyah?” tanong nito.
“S-Sinabi niya na layuan ko na si Chance, na umalis na ako sa
