Magkasabay nilang tiningnan iyon ni Zeus. “Week ‘yan ng flight natin papuntang farm,” kaswal na sabi ni Zeus na kung hindi lang niya ito iniiyakan kahapon ay mapapaniwala rin siyang may flight nga sila. “Imo-move ko na lang para maka-attend tayo?”
Hindi niya sinagot si Zeus, bumaling siya sa dalawa. “Susubukan namin,” sabi niya na nakatingin kay Leida. “May naunang plano si Zeus sa week ng kasal n’yo pero susubukan pa rin namin. Puwede namang i-move na lang ang flight.”
Wala nang gana ang tango ni Leida. Si Elton ay tahimik lang, mas madalas na sulyapan si Zeus kaysa sa kanya.
Ilang minuto pa, sa wakas ay nagpaalam na rin ang dalawa. Hinatid nila hanggang sa kotse ang mga ito. Hindi sila umalis ni Zeus hanggang umusad na ang sasakyan.
Tumingala siya
