11.11 Make a Wish

Chapter 1 Roxie Halos mabunggo ko na ang mga tao dito sa airport para lang makaabot sa oras ng pagdating ni Tita. Hindi ko palalampasin ang pagkakataong ito dahil ito ang kanyang utos! Ang kanyang golden rule! Bawal kang ma-late kapag siya ang nag-set ng oras. Kaliwa’t-kanan ang hingi ko ng sorry sa mga nakakabangga ko. Hays! Pero infairness rin naman napapangiti ako dahil may mga nahahagip ang aking bionic ears na magagandang komento. Gwapo ko daw! Siyempre naniniwala ako do`n `no! Love your own `di ba? Lakad-takbo ako nang ini-announce na ang pagdating ng eroplano kung saan siya nakalulan. Nakipagsiksikan ako sa mga tulad kong nag-aabang rin sa kani-kanilang kamag-anak. May mga bitbit pa nga silang mga placards kung saan nakasulat ang pangalan ng kanilang susunduin. Angkorni pero wait! Paano niya ako makikita kung wala akong placard? Tatalasan ko na lang ang paningin ko. Lakas magyakapan ng isang pamilya dito. Gaano kaya katagal nilang hindi nakita ang isa’t-isa? Kasi parang sa burol kung humagolgol `yung babae e! Tsk! Roxie, angdami mong side comments! Tama na! Masyado ka nang tsismosa! Gusto ko batukan ang sarili ko. Nanghihimasok ako sa buhay ng ibang tao e. Ilang balik-bayan pa ang nagsidatingan. Kailangan kong habaan ang aking pasensya! Chineck ko nga ulit ang text niya kung tama ba ang flight number na binigay niya e. Tama naman! Muntik ko nang mahulog ang cellphone ko nang mag-ring ito. Number ni Kaiya ang nagfa-flash sa screen. Kapatid si Kaiya ng EIC ko na si Miss Jewel. Idol ko `yon tas love ko `yon. Pero hindi ako love. Saklap ng kapalaran. Hay. Pero okay pa naman ako, kinakaya ko pa ang bawat araw na lumipas. “Hello! Bakit? Problema mo?” “Kailan ka ba magiging mabait sa akin ha? Hindi ako makatulog. Asan ka? Samahan mo ako. Kain tayo sa labas.” Hayan na naman siya e. Utos here, utos there. Utos everywhere! Porke alam na lab ko ate niya e. Tsk tsk. Mapagsamantalang babae! “Andito ako sa airport. Mamaya ite-text kita kapag may free time pa ako.” “Meron yan! Bye bye!” Instant yaya ang papel ko sa buhay niya bigla! Kung nabo-bored siya at nagiging emotional ay ako ang iistorbohin din naman niya. Kung humingi kaya ako ng sweldo `no? Aba! Hindi madali ang gigisingin ka niya ng madaling araw para lang magkwento tungkol sa hirap niyang pagmo-move on! Paulit-ulit na nga siya e at paulit-ulit rin ang mga sinasabi ko. Saktong pagkabulsa ko ng phone ay nahagip na ng paningin ko ang kanina ko pa hinahanap! “Tita!” Napalakas yata ako ng sigaw? Napatingin kasi sa akin ang ilan sa mga naghihintay din e. Kung bakit kasi dalawang kamay ko pa ang winagayway ko. Parang bata lang? Gusto kong Makita niya ako agad! Nahiya tuloy ako bigla. Tinanggal niya ang shades niya nang papalapit na ako sa kanya. Lord, bakit nakakunot ang noo niya? Anong kapahamakan ang naghihintay sa akin? “You’re late.” Walang ekspresyon niyang bungad sa akin. “Luh! Hindi ah! On time kaya ako!” Pagtatanggol ko sa sarili ko. “Ikaw `tong mabagal maglakad e. Sign of aging na, Tita?” Pang-aasar ko sa kanya. Muli niyang isinuot ang shades niya. Nagulat pa ako nang pagka-snap niya ng kanyang daliri ay may dalawang babaeng bitbit bitbit ang mga gamit niya. Nagpasundo pa siya kung may kasama naman siyang mga secretaries! In-escortan pa kami ng dalawa pang guard papunta sa parking space kung saan may isang kotse na naghihintay sa amin. “Welcome to the Philippines Miss Dela Merced.” Bati ng driver sa kanya. “Give me the key.” Nilahad ni Tita ang kanang palad niya sa driver. “President Choi instructed us to bring you to the hotel Miss Ingrid.” Hindi ko alam kung anong magic meron ang pag-snap niya ng kanyang daliri dahil ibinigay agad ng driver ang susi sa kanya. Bumaling sa akin si Tita saka hinagis ang susi. ”You drive.” Mabilis na inilagay ng mga babae ang lahat ng bagahe niya sa compartment ng kotse. Nag-courtesy ang mga ito nang pinaandar ko na ang engine. “Go back to the office. Tell him I am having a three day rest.” Sabi nito sa dalawang secretaries bago tuluyang sumakay sa kotse. Ang-smooth imaneho nitong kotse. VIP talaga ng Persona itong si tita Ingrid. Isi-switch on ko sana ang music pero pinalo niya ang kamay ko. “Jetlag. Don’t you dare.” Grabe! Parang bata pa rin ang tingin niya sa akin kung makapang-utos. Susuwayin ko sana siya pero naalala ko ang mga gadgets na pasalubong niya sa akin. Papakabait muna ako! Kanina pa nagva-vibrate ang phone sa bulsa ko kaya sinamantala ko ang red light para i-check kung sino ang nagtetext o na-missed kong tawag. Pangalan nina Kaiya at Idol Jewel ang nag-appear sa inbox ko samantalang number naman ni Gael ang nasa missed calls. Si Gael ang girlfreind ni Idol Jewel. Ang-friendly ko ano? Haha! Ifi-friend ko pa ang girlfriend ng mahal ko. Infairness naman kay Gael kasi, nakikita kong masaya si Jewel kaya mas tanggap kong sawi ako. Pinasak ko ang Earphone sa tainga ko at nag-callback ako kay Gael. “Hello. Nasaan ka?” Angganda naman ng bungad ng babaeng `to sa akin! “Bakit ba lahat na lang ng tatawag sa akin nagtatanong kung nasaan ako? Nasa byahe ako sinundo ko ang Tita ko. Anong problema niyo?” “Kami wala, Ikaw meron…” “Hoy! Roxie! Bumalik ka sa office! Ngayon na! Marami kang e-edit! May pupuntahan ako!” Boses ni EIC `yon! “Aba! Kung Linggo-linggo na lang kayong magdi-date ni Idol, magresign na siya sa trabaho. Lagi na lang pinapasa akin ang trabaho ah…” “Narinig ko ‘yon! Basta bumalik ka sa office. Bye! “Was that Jewel?” Seryosong tanong ni Tita. Umiling ako. “Si Gael `yon pero magkasama sila ni Jewel. Pinapabalik ako sa opisina. May mga kailangan pang tapusin e. Saan kita ihahatid?” “Sa bahay niyo. Doon muna ako.” “Okey.” Pinaharurot ko na ulit ang kotse. ”Tita, `yong isang slot sa workshop mo ha? Arbor ko na ‘yon. Nabanggit ko na sayo kung bakit diba?” Nakita ko naman sa peripheral view na tumango siya. “Martir mo.” “Uy Di ah! Gusto ko lang makatulong.” “Pero kapatid pa rin siya ng mahal mo.” “Huwag ka nang ano diyan. Palibhasa kasi hindi ka pa nagmamahal kaya hindi mo ako maintindihan.” “You just don’t get it.” Singhal pa niya. “ Ganyan lagi ang depensa e. Iinglesin ako para lang matigil ako sa kakakulit sa kanya. Cool si tita pero kapag napikon na maghahalo ang balat sa tinalupan kaya shut up na ako.  Pagkahatid na pagkahatid ko sa kanya ay ginamit ko naman ang motor ko para mabilis na makabalik sa opisina. Naratnan ko sina Jacob at Trina, mga bagong staffs ng CKM magazine, na nakasubsob sa trabaho. Rinig ko pa nga ang bawat pagtipa nila ng keyboard e. “Saan si EIC?” Tanong ko agad. Shrugger ang dalawang to e! Nagkibit-balikat lang tapos balik sa pagtipa ulit! Hard working pero wapakels sa paligid. Naku! Bibigyan ko ng red card `tong mga `to. Kumatok ako sa office ni Maam Sol. Hindi niya ako feel niya pormal-pormalan kami. “Miss, si EIC?” Tanong ko nang bahagya kong binuksan ang pinto. “Kakaalis lang. May note sa mesa niya. Para sa`yo daw.” Mabilis akong natungo sa office ni Idol. May pink na sticky note sa mesa nito. Anglaki pa nang pagkakasulat niya ng ROXIE! “Hello future EIC, special day ni Jeid ngayon. Maiintindihan mo naman diba? May shopping date sana kami ni Kaiya ngayon, can you please accompany her? Thanks! Bye!” May drawing pa ng tatlong puso ang note. Minsan gusto ko nang maawa kay Gael. Kung ganito si Jewel sa akin, paano pa kaya sa kanya? Gaano kaya siya kalakas mang-utos? Wala namang paperworks na iniwan pero isang malaking alagain works ang dadatnan ko sa bahay nila. Tumutuloy na pala ulit si Kaiya sa bahay ng papa nila. Buti na lang ang sinunod niya ang payo naming doon muna manatili para hindi siya gaanong mag-isip tungkol sa recent heart break niya. Byahe na naman. Buntong hininga ako habang nasa elevator pababa ng building.   Gusto ko nang patulan `tong mga nakasabay ko. Nang makilala kasi nila kung sino ako ay siniko nung babaeng kulay blonde ang buhok ang kasama niya. Nagbubulungan e naririnig ko naman! Mga papansin! Pinag-uusapan nila si Kaiya. Hindi na nagsawa sa mga social media. Hay naku! Kaibigan ko na rin `yong tao, Kahit papano ay nasasaktan ako sa mga negatibong komento nila. E ang mga versions pa man din nila parang eleksyon. May dagdag-bawas! “Grabe. Akala mo kung sinong santa-santita.” “Oo nga. Pinagsisiksikan ang sarili. Dapat nalaos na `yon e.” Hindi na ako nakatiis ang kinalabit ko itong babaeng hitad na angkapal ng foundation! “Bakit?” Tinanggal ko ang earphone ko saka ko siya tiningnan mula ulo hanggang paa. “Miss, Gusto mong makarinig ng katotohanan kaysa sa mga pinagchichismisan niyo diyan?” “Sino ka naman?” Inilahad ko ang kanang kamay ko sa kanya. ”Roxie Ico….” Hindi siya agad nakapagsalita. Napangisi ako dahil kitang-kita sa mga mata niya ang pagkagulat. Ako na ang umabot sa kamay niya. “Sa susunod na magpapapansin ka huwag mong idadamay ang mga kaibigan ko ha?” Sarkastiko kung paalala sa kanya. Namutla ang dalawa na kasabay naman ng pagbukas ng pinto ng elevator. Lumabas na ako pero muli ko silang nilingon. “Siya nga pala. Magkasingpangit na ang mukha at ugali mo.” Wala akong pakialam kung sino man silang pontia pilata! At wala rin akong pakialam kung ibabash nila ako sa tabil ng dila ko ngayon! Wala akong pakialam sa mga bashers kung kaibigan ko ang pinagtsitsismisan nila. Bueset `yan! Nasa parking space na ako. Suot-suot ko na ang helmet ko nang makatanggap ako ng text galing kay Tita Ingrid. Tita Rid: Workshop starts next week. Inform her of the schedules. Btw, you still have a year here in the Philippines. Spend it well my dear niece.