الغيمة الحادية عشر

3303 Words

الغيمة الحادية عشر …. …. …. سالم يقف ويهم بالخروج من غرفة وفاء ، تمسك وفاء يده، وتشد وفاء يده لكي يجلس وفاء تنظر إلى سالم بحب وسعادة وفاء: كدا هتخبي على أختك حبيبتك وفاء يجلس سالم بجوار وفاء على السرير سالم : عايزه مني أيه يا وفاء؟ وفاء تضع يدها على كتف سالم وفاء : عايزه أعرف مين اللي كاتب لها الشعر دي؟ سالم : اللي كاتب لها الشعر ، تبقى…… وفاء: أيوه تبقى مين بقى؟! سالم بتردد: تبقى مافيش حد معين ، دي تخيلات، الكلام دا أنا كاتبه لنفسي أنا وفاء تنظر لعيون سالم الحزينة وفاء بحنان : يا سالم ٱنا أختك ، لو فيه حاجة لازم عرفني سالم بهدوء: مافيش حاجة يا وفاء تقلب وفاء في الدفتر فتجد رسوم لوجه فتاة وفاء: مين دي اللي أنت رسمها؟ سالم يشد الدفتر من يد وفاء بعصبية سالم: مش من حقك تقلبي في دفتري كدا ، في خصوصية لكل واحد وفاء تنظر إلى سالم مبتسمة وفاء: أنا أسفة ، عندك حق يا سالم ، بس كنت بتأكد من حاجة سالم بتعجب : تتأكدي من أيه بقى!!؟؟ … … … في منزل سحر تستيقظ سحر من النوم سحر تبتسم: لازم أعمل حاجة حلوة وأعملها على مزاجي ، عشان لما تيجي ماما تتفاجئ كدا وتفرح بشطارة بنتها في عمايل الحلويات تدخل سحر المطبخ وهى تبحث عن بعض المكونات سحر : طيب ، عايزة بقى أيه ؟ سحر تفتح الأدراج فتجد السكر، والسمن والزيت سحر تفكر وتنظر حواها: مافيش بقى أي أكياس حلويات تفتح الثلاجة،فتجد فيه الجبنة الرومي والجبنة البيضاء ،والمربى والحلاوة والزيتون، علبتين تونة سحر تنظر للثلاجة بسعادة سحر : يا حبيبتي يا مامتي ، جايبة ليا كل اللي بحبه، ربنا مايحرمني منك أبدا تفتح سحر فريز الثلاجة ، فتجد ثلاث دجاجات، وكيلو لحمة ،وأكياس من الفول ،و أكياس من البطاطس، وأخرى طعمية، وبعض أكياس الفاكهة المقطعة لعمل العصير تبحث سحر عن أي كيس للحلوى فلا تجد سحر تفكر : طيب أعمل أيه ، كريمة ولا كونافة سحر تفكر: أعمل كيكة ، لا سحر: هعمل بسبوسة تفكر سحر : كفاية جايبة ليه كل اللي بحبه، لازم أعمل لها صينية بسبوسة جامدة تسرع سحر لغرفتها ، تفتح حقيبتها وتخرج حقيبة صغيرة بها سحر تبحث عن جزء مجوف خفي في حقيبتها، تفتحه بدبوس ، وتخرج منه كيس صغير، ثم تخرج كل ما بالكيس الصغير على السرير، سحر تعد النقود التي على السرير سحر: عشرين جنية، و خمسة جنية، و عشرة جنية، وخمسين جنية ، وعشرين جنية، وعشرة جنية ، وخمسين جنية ، وعشرة جنية ، وخمسة جنية سحر تجمع المببغ كله ، سحر: كدا يبقوا كلهم، ماية وتمانين جنية سحر تمسك بيدها النقود الفكة سحر : ايه الفقر دا ، جنية ، اتنين جنية، خمسة جنية، كدا كل الفاكة ، سبعة عشر جنية فاكة سحر تفرك في رأسها سحر : يعني كدا ماية وثمانين جنية ، وسبعة عشر جنية سحر : يبقى كدا كل اللي معايا ،ماية سبعة وتسعين جنية سحر تكلم نفسها بلوم سحر: يعنى مش عارفة اشد الحزام شوية لما أخليهم ماتين ، ولا ماتين وخمسين جنية سحر تواسي نفسها سحر: معلش بقى يا بت يا سحر برضوا كدا كويس سحر تحدث نفسها سحر: أنا كدا هاخد سبعة وستين جنية من الفلوس دي ، وأعين ماية وخمسين جنية سحر: محدش عارف الفلوس دي هحتاجها في أيه تاني بعد كدا؟ تعد سحر : كدا سبعة وستين جنية ثم تضع المبلغ المتبقي في الكيس الصغير، وتضعه في الجزء المجوف الخفي في الحقيبة ، وتغلقه بدبوس ،وتبتسم سحر تضع السبعة وستين جنية في حقيبتها ، وتذهب للدولاب لترتدي ملابسها ، تردي سحر فستان لبني فاتح واسع ، وطرحة طويلة زرقاء تخرج من باب المنزل وتغلق المنزل بالمفتاح ، وتضع المفتاح في حقيبتها …. ….. ….. في منزل أميرة تذهب أميرة وتجلس في غرفة الطعام ينظر لها عمها حسن حسن بتعحب: أمال فين الفطار يا أميرتي، هو أنتي مش ناوية تفطرينا ولا أيه؟ تبتسم أميرة وتجلس على المقعد المجاور لعمها حسن ، وهى صامته ينظر صادق لحسن بعتاب تدخل سالمة حاملة صينية الطعام ويبدو على وجهها الحزن و البكاء تنظر أميرة إلى سالمة وهي حزينة من أجلها ولكنها تكابر أميرة لنفسها بكبرياء: أيوه أنتي ياسالمة صعبانه عليه ، بس لازم تتعلمي أزاي تتكلمي عن بابا باسلوب أحسن، معلش يا سالمة شدة ودن ، بس هارجع أصلحك حسن ينظر إلى أميرة بعتاب حسن: يعني سالمة اللي عملت الفطار بردوا سالمة تضع الأطباق ولا ترفع نظرها من على المائدة، ينظر صادق لوجه سالمة ، و يفهم صادق أن هناك شئ غامض، لكن بكاء سالمة في صالحه أي كان السبب تنظر أميرة باسمة لعمها حسن وتقول أميرة بتكبر : أنا أشرف على الأكل بس يا عمو حسن تشير أميرة بتعالي على سالمة أميرة مبتسمة: أمال سالمة لزمتها أيه هنا؟ ينظر حسن إلى أميرة متعجب، وينظر صادق إلى أميرة مبتسم ، بينما سالمة تغمض عيناها من الألم ولا ترفع رأسها وتضع الأطباق بسرعة وتخرج مسرعة إلى المطبخ صادق مبتهج يتحدث لنفسه صادق: هو فيه أيه يا أميرة أنتي قلبتي على سالمة كدا ليه؟ يبتسم صادق في نفسه وهو يقول صادق: أحسن اللي حصل دا، دا اللي كنت عايزة يا واد يا صادق بالضبط ينظر صادق إلى أميرة وتتسع عيناه صادق مبتسم لنفسه صادق: أنتي عملتي لي اللي أنا عايزة ، وجبتيه ليه على طبق من ذهب يا أميرتي صادق ينظر لحسن بسعادة ويغمز له صادق :يلا نفطر، دا الفطار النهاردة شكله حلو أوي ، ورحته مفحفحه حسن ينظر إلى صادق بلوم حسن: أنت هتاكل ومش هتستنى دكتور شريف تنظر أميرة إلى حسن وصادق بتعجب حسن ينظر إلى أميرة متحدثا إليها مبتسما حسن: ينفع كدا يا أميرتي ، يتصل بالدكتور شريف دلوقتي ، ويتحايل عليه أنه يجي يفطر معانا ، ويقوله تعالى دوق عمايل أيد أميرة ، ويا جمال عمايل فطار أميرة ، وفي النهاية عايز يفطر قبل ما دكتور شريف يجي يبتسم حسن إلى أميرة وهو ينظر لوجهها الذي أرتسمت عليه علامات استفهام حسن : ينفع كدا يعني يا أميرتي؟ …… في شركة سعاد حامد: يبقى نعمل خطة ، أنا وحضرتك وعمر، عشان وفاء تثق فيا ، وتعرف أن مش كل الرجالة زي عيلتها، وساعتها لما تعرف أني عايز أتقدم لها ، هتوافق و هترضى نتجوز تبتسم سعاد إلى حامد وتشير له بابهامها سعاد : حلو اوي ينظر حامد إلى سعاد بحزن حامد : لا مش حلو سعاد بقلق: ليه ماهي الخطه ماشيه تمام أهي حامد: لا ، فيه مشكلة كبيرة سعاد بضيق: هي أيه؟؟ حامد بضيق: خايف أن سالم يرفض أن وفاء تيجي تكمل دراستها في القاهرة سعاد تنظر إلى حامد مبتسمة سعاد : هو ممكن يرفض ، بس دي حلها سهل حامد ينظر إلى سعاد بسعادة حامد : أيه الحل؟ سعاد: هعمل أنا خطة مع وفاء حامد ينظر إلى سعاد مبتسم حامد : هتعملي أيه؟ سعاد مبتسمة :ساعتها هتعرف هعمل أيه حامد ينظر إلى سعاد مترجيا حامد بترجي : عايز أعرف هتعملي أيه؟ سعاد ضاحكة: لا حامد مترجي: عشان خطري سعاد ضاحكة: تدفع كام؟ حامد مبتسم: عمري كله سعاد تنظر إلى حامد مبتسمة بسعادة سعاد: للدرجة دي بتحبها يهز حامد رأسه مبتسم وهو يقول حامد: وأكتر من الدرجة دي كمان سعاد تبتسم إلى حامد بسعادة سعاد: خلاص هقولك حامد ينظر لها مبتسم حامد: ها، قولي؟ …. … … .. في الشارع تمشي سحر وتذهب إلى المول الكبير سحر تدخل وتلف في أطباقه الثلاثة مستمتعة برحلة المشاهدة و الشراء يتابعها شاب ويصعد وراءها جميع الأدوار الشاب يقترب من زميله الشاب: يا أنور أنور ينظر له بتعجب أنور : أيه اللي طلعك هنا يا طارق، مش أنت يا أبني ماسك الدور الأول طارق وهو ينظر إلى سحر طارق: أيوه ، أيوه أنور: طيب ليه طلعت هنا؟ ، المدير بيمر ، ولو شافك هتبقى حكاية كبيرة، وأنت لسه جديد هنا ، وهتترفد يا أبني من قبل ما تثبت طارق: طيب، طيب نازل أهو، يا ساتر يا شيخ على تكبيرك للمواضيع وتقل دمك أنور: هو اللي يقول الحق دلوقتي بيبقى دمه تقيل طارق وهو لا يهتم بكلام أنور وينظر إلى سحر. طارق : هو سؤال واحد بس ، وهنزل على طول أنور: إن كان سؤال واحد ، اتفضل قول طارق يشير بابهمه إلى سحر طارق مبتسم: شوفت الأنسة دي قبل كدا؟ ينظر لها أنور باعجاب أنور: أيه الجمال دا كله ، عندك حق تسيب الدور الأول وتيجي وراها طارق بغضب كبير طارق غاضب: أيه مالك ما تحترم نفسك أنور مبتسم وهو ينظر لوجه طارق الذي أحمر من الضيق أنور مبتسم: أيه أنت زعلان أوي كدا ليه؟ طارق وهو يحاول يكتم ضيقه طارق : مافيش حاجة بس نعتبرها أختنا أنور ينظر إلى طارق ويحاول أن يضايقه حتى يعرف بماذا يفكر أنور: لا هي مش أختنا ، وبعدين أنا ماشوفتش انسات حلوين بالشكل دا قبل كدا؟، طارق وقد أحمر وجهه مرة من الغضيب طارق: تاني يا أنور ، عيب عليك والله الكلام دا أنور وهو يضحك ويداعب طارق أنور: هى تخصك؟ طارق بضيق: تخصني أزاي يعني؟ أنور: يعني أختك ،بنت عمك ، من عيلتك ، زميلتك أنور يبتسم ويغمز إلى طارق أنور: أي نوع من الأختصاص يعني؟ طارق بضيق: لا ، ولا أعرفها أنور يبتسم إلى طارق ويغيظة أنور: طيب كويس عن أذنك بقى يمشي خطوات بطيئة مبتسم إلى طارق طارق يمسك يد أنور طارق بغضب: هتعمل أيه؟ أنور مبتسم: هروح أتعرف عليها طارق وقد أستشاط غيظا طارق : هتروح تتعرف عليها أزاي إن شاء الله؟ أنور مبتسم: وأنت زعلان أوي كدا ليه؟ طارق بضيق: أنا غلطان إن سألتك عليها وخليتك تاخد بالك منها أنور يضع يده على كتف طارق مبتسم أنور مبتسم: لا بقى دا الموضوع كبير أنور: هو أنت تعرفها؟ طارق بضيق: لا أنور مبتسم : شفتها قبل كدا؟ طارق بضيق: قلت لك لا. لا أنور مبتسم : أمال بتاكل في نفسك كدا ليه يا أبني؟ ، دي أعراض خطيرة يا طارق ولازم تتعالج طارق بضيق: تصدق أنا غلطان أني بكلمك ، وأني عرفتك أصلا طارق يتجه للسلم بضيق ، أنور يجري وراء طارق أنور مبتسم : خلاص ، خلاص ما تزعلش طارق ينظر إلى أنور بضيق أنور : خلاص يا طروقه ، أنا هخليك تكلمها وتتعرف عليها تتسع عين طارق طارق : أزاي، دي باين عليها مؤدبة، لابسه طويل وواسع وطرحة كبيرة أنور يضحك: يا أبني أنا بقولك ع**ها، بقولك هتكلمها في حدود الشغل طارق ينظر إلى أنور ولا يفهم طارق: أزاي أنور ينظر تجاهاها فيجدها تقف أمام الركن الخاص بالحلوى أنور: تعالى معايا أنت بس أنور يمشي ويمشي بعده طارق، بينما تقف سحر أمام الركن الخاص بالحلوى، تسأل المسئول عنه وهو رجل خمسيني يرتدي بنطلون بني وقميص بني وله لحيه بيضاء وأصلع وملامحه طيبة سحر : السلام عليكم المسئول : عليكم السلام ورحمة الله وبركاته، أؤمريني سحر: الأمر لله وحده ، من فضلك عايزه اسأل على البسبوسة بكام؟ يقترب أنور وطارق أنور بصوت مرتفع وهو ينظر للرجل أنور مبتسم: لو سمحت يا عم مسعد تعالى عايز منك طلب مسعد ينظر إلى أنور وطارق مسعد مبتسم: حاضر لما أخلص طلبات الانسة أنور يشير نحو طارق أنور: ياعم مسعد ، طارق هو اللي هيتعامل مع الانسة ، وحضرتك تعالى عايزك ينظر مسعد إلى أنور نظرة متعجبة ، وينظر أنور له نظرة متوسلة مسعد : طيب يا أبني بينما يشير طارق لنفسه وينظر إلى أنور طارق متعجب : أنا؟! أنور مبتسمة: أيوه ، اتفضل يخرج مسعد ويمشي مع أنور ، ويدخل طارق بقلق لا يعرف ماذا يفعل سحر: من فضلك عايزة أعرف البسبوسة بكام؟ ينظر طارق لها بقلق طارق: هو عم مسعد مالقيش على الأسعار؟ سحر : لا طارق بقلق وهو يمسك الهاتف ويبحث عن رقم عم مسعد طارق : ثواني اسأله سحر: طيب يتصل طارق بعم مسعد ، فيرد عليه طارق : السلام عليكم صوت مسعد: وعليكم السلام ورحمة الله وبركاته ، هو فيه أيه يا طارق يا أبني ، أنور عمال يدخلني في متاهات ومش عارف أنتم خلتوني اسيب شغلي وانزل مع أنور ليه طارق ينظر إلى سحر بقلق طارق بصوت منخفض طارق: أنور هيفهمك يا عم مسعد صوت مسعد : ماهو أنا مش فاهم منه حاجة يا أبني ، فهمني أنت طارق : هو سعر البسبوسة بكام؟ صوت مسعد: أي نوع فيهم ، فيه ثلاث أنواع طارق يترك الهاتف وينظر إلى سحر. طارق: أي نوع فيهم ، فيه ثلاث أنواع سحر : ممكن أشوفهم وأعرف أسعارهم كلهم طارق ينظر لها ويبتسم بقلق، ويمسك الهاتف طارق: أيوه يا عم مسعد ، هما فين مكانهم ،وأسعارهم أيه؟ صوت مسعد عندك يا أبني على الرف الثالث في الجهة اليمين، الأسعار سبعة جنية، وعشرة جنيه ، وعشرين جنية طارق: طيب شكرا يا عم مسعد يغلق طارق الخط وينظر إلى سحر مبتسم ، ويبحث في الأرفف حتى يجد البسبوسة، ويقدم طارق البسبوسة إلى سحر طارق: الأسعار سبعة جنية ، وعشرة جنيه ،وعشرين جنية سحر تمسك كيس وتقول سحر: طيب دا بكام؟ طارق ينظر لها في حيرة طارق : مش عارف ، استنى لما اسأل عم مسعد سحر بضيق: طب ما تطلعه يبيع لي هو أحسن طارق بقلق وهو ينظر لها طارق: معلش ، أصل هو بيعمل شغل تاني طارق يمسك بالهاتف ويتصل برقم عم مسعد طارق: السلام عليكم، نوع (..) في البسبوسة بكام ؟ صوت مسعد بضيق : عليكم السلام ،أنا مش عارف أنتم محتجزني هنا ليه ؟ هو فيه أيه؟ طارق: معلش يا عم مسعد، بكام؟ صوت مسعد : بعشرة جنيه ونص سحر تنظر في ساعتها بضيق سحر: خلاص، مش هشتري ، شكرا لتعبك تستعد سحر أن تمشي يخرج طارق ينادي عليها فتض*ب يده احدي الأرفف الزجاجية ، وتتساقط الزجاجات الشيكولاته والبندق ، وتتبعثر في الأرض يسمع المدير الصوت ، فيسرع إلى طارق المدير: فيه أيه اللي بيحصل عندك يا طارق ؟ طارق : مافيش يا فندم ، حصل خير المدير غاضب: أنت أصلا أيه اللي مقعدك هنا، مش أنت مكانك في الدور الأول، صح طارق ينظر إلى سحر وقد أحمر وجهه خجلا طارق: صح يا فندم المدير: أنت قاعد مكان عم مسعد ليه ؟ طارق يحمر وجهه ولا يستطيع الرد في**ت المدير: يعني مش قاعد مكانك ، وقاعد مكان حد تاني، وبت**ر في الحاجة طارق لايستطيع النطق، تتعجب سحر من موقفه المدير: عقابا أنك **رت الحاجات دي، هتدفع ثمنها ، واتفضل حضرتك مرفود ينظر طارق إلى الأرض وقد أحمر وجهه خجلا، ويمشي المدير مبتعدا بخطوات بطيئة تتحدث سحر بهدوء سحر يا سيادة المدير، ينظر لها المدير المدير: أيوه يا انسة سحر: أنا أسفة جدا المدير وطارق ينظران لها بتعجب المدير: آسفة على أيه؟! سحر : أنا اللي **رت الرف ، غصبن عني وأنا بشارور للأستاذ على الحاجة، ولو فيه حد هيدفع التكاليف فهو أنا ، الأستاذ طارق مالوش ذنب في حاجة ينظر لها طارق باستغراب طارق : أنا…. تقاطعه سحر: حضرتك شوف التكلفة كام ، ممكن الأستاذ طارق يدفعها على ما أجيب الفلوس وأحسبه بكره ، لأني مش عامله حسابي في فلوس دلوقتي تنظر سحر إلى طارق سحر: ممكن يا أستاذ طارق؟! طارق يهز رأسه بالموافقة سحر تبتسم إلى المدير سحر: ولو سمحت ، تسيبه المرة دى عشان ما حسش انه مشي من شغله عشان خطري، وعشان كمان اقدر اجى بكره اسدد له الدين اللي عليه المدير مبتسم: حضرتك تشرفي في أي وقت، الحقيقة طارق رغم أنه لسه جديد بس متميز معرفش أيه اللي حصل له النهارده سحر والمدير ينظران لطارق الذي اكتفى برفع كتفه سحر مبتسمة : كلنا عندنا ظروف يقدم طارق البسبوسة إلى سحر، فتاخدها وتمشي ، ويطير قلبه خلفها تدخل سحر وتحاسب على البسبوسة، وتمشي فتجد طارق ، تتجه إليه مسرعة لتعرفه أنها لن تدفع أي نقود لأنه هو أسقط الرف، وعندما تقترب تسمع أنور يهمس إلى طارق أنور: أيه يا أبني هو أنت لسه عيل صغير ، أول ما تشوفها كدا تخبط الرف وتوقعه، أفرض المدير دلوقتي سأل عم مسعد هيقوله أيه ؟ أنور بضيق: هيقوله أنور خدني عشان طارق أول ماشاف الانسة وقع في حبها نظرت له سحر مبتسمة وهى تهز رأسها ،فقد فهمت سبب وقوف طارق مكان عم مسعد، وفهمت ارتباك طارق، وفهمت أنه ض*ب الرف من توتره قالت في نفسها: أيه دا مالي متلخبطة كدا؟ ،معقولة؟! … … ... في شرفة مراد يقف عمر بغضب عمر: خلاص هقوم أشرب قهوة عند سالم يمسكه مراد من ذراعه الأيسر مراد بهدوء: استنى لازم أعرف عمر : تعرف أيه؟ مراد ينظر إلى عمر بضيق وحزن مراد: سمر بتحب مين؟ ، وعيزاه يتقدم لها عمر بغضب وهو ينظر إلى مراد عمر: سمر ما بتحبش حد، فاهم يا مراد، سمر ما بتحبش حد مراد بصوت مرتفع عنيف مراد: كلامك معاها دا معناه أن فيه واحد وعيزاه يتقدم لها ، بطل ضحك عليه يا عمر، مابقتش أصدقك ولا أكل من كلامك خلاص عمر بغضب: يا مراد سمر ما بتحبش حد، بنات العيلة مؤدبين مش بتوع حب وكلام فارغ ، ولو حتى سمر بتفكر في حد ما تقدرش تقولي مراد بصوت مرتفع: وما تقولش لك ليه إن شاء الله هتت**ف ، ولا هتخاف عمر ينظر إلى مراد بضيق عمر : الاتنين يا مراد ، هتخاف تقولي عشان ممكن أ**ر رقبتها ، وهتت**ف تقولي لأني راجل مش صحبتها ولا أختها ، ولو كانت سمر بتعملني غير أي حد فدي لأسباب ، وأنت عرفها كويس أوي يتلجلج مراد وينظر إلى عمر وي**ت يقترب عمر من مراد ويضع يده على كتفه عمر بعطف: كل اللي بتفكر فيه دا غلط يا مراد مراد ينظر لعمر بعيون دامعة مراد: يعني لما قلت لها هو هيتقدم لك ، ولما قلت لها يعني لو ما تقدمش هتروحي أنتي تتقدمي له ، مكنش فيه حد معين؟ ينظر له عمر وهو يفكر في حيرة عمر يتحدث مع نفسه: أقولك أيه بس يا مراد ، أقولك سمر عايزة تتجوز شريف عشان عارفة أن شريف عايز يتجوز أميرة ، وسمر بتغير من أميرة وعايزه تاخد اللي بيحب أميرة وخلاص ،وأطلع بنت من العيلة بتحب ،عشان تطلع عليها سمعه ، وسمر يعني كفاية لبسها واسلوبها اللي لوحده هيوديها في داهية مراد يقطع حبل تفكير عمر مراد: ما ترد يا عمر، سمر بتحب مين؟ ينظر له عمر ، لا يعرف بماذا يحيب على سؤال مراد …. …… في منزل سحر سحر تحتضن كيس البسبوسة وتدخل المنزل وتغني سحر: أنا حبيت ولا أيه؟، أنا حنيت ولا أيه؟ سحر تدخل المطبخ سحر تبتسم وتحدث نفسها: هعمل أحلى صينية بسبوسة من أحلى سوبر ماركت ، وأحلى أيد تعمل بسبوسة سحر تقف تعد صينية البسبوسة، وخيال طارق لا يغفل عن عينها، وتبتسم من وقت لأخر عندما تتذكر ما حدث سحر كدا البسبوسة في الفرن وعملت الشربات وكله تمام تبحث سحر عن الشاي فلا تجد شاي سحر: هضطر اروح اجيب شاي ، لا كدا كتير ، بس لازم أخرج عشان البسبوسة محتاجة الشاي، والشاي محتاج بسبوسة أما أقوم أجيب شاي من المحل اللي جمبنا تفكر سحر وتبتسم سحر: أروح أجيب الشاي من المول؟ سحر مبتسمة: لا ،لا ، هتبان أوي سحر تحدث نفسها: كنت عايزه اطمن المدير عمل معاه أيه رفده ؟؟، ولا لا سحر راجيه: يارب يكون ما رفدوش، يارب سحر تخرج صينية البسبوسة وتضع عليها الشربات سحر تبتسم: لا أحسن لو روحت ، يعمل لخبطة أو حاجة تاني ، والمدير المرة دي يرفده بجد سحر تنظر إلى صينية البسبوسة مفتخرة سحر: يا سلام يا شيف سحر، أحلى صينية بسبوسة في الدنيا ، وكأنها من أفخم حلواني سحر: أدوق حته؟ سحر تكلم نفسها سحر: لا ،لا ، خليكي مؤدبة واستني مامتك سحر تنظر للساعة سحر: ياه دا لسه مجاش الظهر سحر تذهب لغرفتها تردي فستانها وطرحتها. سحر تخرج من المنزل وتغلق الباب بالمفتاح وتذهب تشتري الشاي ……. في غرفة بمنزل صادق ترتدي سالمة عباية بنية طويلة وطرحة بنية طويلة ، وأمامها حقيبة سفر ،وهى تمسك فستان أحمر صغير لطفلة وتبكي وتقبله سالمة باكية : كدا يا أميرة ،أنا تعامليني كدا، بعد ماربيتك وكبرتك ، تكلميني أنا كدا. تضع الفستان على وجهها وتبكي سالمة: أنا تشمتي فيه صادق وحسن ، وتعامليني زي الخدامة، أنا تقولي عليه لزمتي أيه؟ تمسك سالم الفستان وتضعه في حقيبة السفر وتغلقها وهى تبكي سالم تبكي: أنا خلاص همشي ، مابقاش ليه مكان في البيت دا، أنا كنت قاعده هنا عشان وعدي لأمك أني أحميكي من الكلاب اللي حواليك تبكي سالمة بمرارة سالمة: الكلاب اللي خلتيهم أ**د ، وأنا خلتيني خدامة قدامهم سالمة تحمل الحقيبة وتبكي سالمة: أنتي اللي أختارتي الكلاب ، خلاص خليهم يحموكي بقى، بس بكره تعرفي مين بيحبك ، ومين عايزة ياكل عظمك قبل لحمك تمسك سالمة بالحقيية بيدها ، وتخرج من الحجرة باكية سالمة تنظر للحجرة نظرة وداع وتبكي سالمة: بكره هنشوف هيعملوا أيه فيك يا أميرة ، بكره هنشوف؟ ……. في منزل سحر تعود سحر إلى منزلها تجد باب المنزل مفتوح سحر بتعجب: مين فتح الباب ،أنا متأكده إني قفلاه ورايا بالمفتاح قبل ما امشي سحر تدخل المنزل وتجد خمس سيدات يقفون في الصالة تنظر سحر للسيدات بتعجب تنظر سحر فتجد أمها نائمة على كنبة الصالة تنظر سحر للسيدات الباكيات سحر : حصل أيه لمامتي؟ تجري سحر على أمها وتحركها سحر تبكي: مالك يا ماما ، مالك يا ماما …... غيمة بلا أمطار بقلم نانيس خطاب

Free reading for new users

Scan code to download app

App Store Google Play

Facebookexpand_more