Aila
"HINDI AKO AALIS DITO."
Buo ang aking loob habang sinasambit ang mga salitang iyon sa lalaking nasa aking harapan. Kahit sobra akong nasasaktan ngayon, handa akong tiisin ang lahat. Dahil hindi maaring masayang ang pinunta ko rito.
Hindi.
Sinubukan kong huminga nang malalim, kahit tila hindi ko na mapigilan ang aking emosyon. Inaamin ko, na ano man ang gawin ko ay para bang hindi nababawasan ang kirot mula sa 'king dibdib. Gayunpaman, pinipilit ko itong paglabanan— dahil kailangan.
"Ganyan kadali sa 'yo ang lahat?"
Hindi ko na napigilan ang aking sarili na sabihin iyon habang lumuluha sa harapan niya. Masama ang aking loob at tila nais ko itong ibuhos lahat, habang kasama siya.
"Susuko ka na . . ." Pinunasan ko ang huling luhang pumatak sa aking magkabilaang pisngi, saka isan
