رواية وللنصيب رأي أخر

وللنصيب راي اخر الفصل ( 3)

رواية

وللنصيب راي اخر

الفصل ( 3)

عادت علا من الجامعه في تمام الخامسه مساء وجلست تستريح قليلا... ثم. بعد لحظات اهتز هاتفهاا فامسكته واجابت قائلة

ايوة يامريم معاكي

مريم: معاتبة لها كده ياعلا تمشي وتسبيني مش كنا متفقين نروح مع بعض

علا: بخجل اسفه يامريم مكانش قصدي والله وبعدين انا اتصلت بيكي كتير انتي مردتيش عليا قلت يمكن لسه قاعده مع باسم فمشيت

مريم: لا والله ماشي يا علا المهم

علا: ايه

مريم: البنات واقفين معايا دلوقتي وعايزين يعرفوا اذا كنتي هتشاركي معانا في الفان داي اللي منظمه حازم وباسم ولا لا

علا: اسفه يا مريم قوليلهم اني مش هينفع اشارك في حاجه زي كده لان الفان داي وحفلات التخرج كل دي حاجات بيبقي فيها اختلاط بالشباب فمش هقدر

مريم: يا بنتي خايفه من ايه ده يوم هتخرجي فيها مع دفعتك مستكترة علي نفسك يوم متبقيش معقدة يا علا

علا: باستغراب معقده هو انا عشان مش عاوزه اختلط بشباب ابقي معقده يامريم ده مش تعقيد انا واحده بتجاهد. نفسها وبتحاول تتجنب الفتن علي ما قد ما تقدر خصوصا يعني اننا بقينا في زمن ما يعلم بيه الا ربنا الفتن بقت فيه حوالينا من كل ناحيه وانا بقول يارب الثبات

مريم.: يعني هو الدين قالك تبقي قافله علي نفسك بقفل كده الدين يسر يا علا

علا: مش موضوع قافله ع نفسي موضوع اني مامنه بعقيده ومش هقدر اعمل حاجه تغضب ربنا مني الفان داي والحفلات بتاعة التخرج كل دي حاجات حرام

مريم: انتي حرة خلاص هقولهم انك. مش موافقه

علا: انا اسفه. بس صدقيني مش هقدر بلغي اسفي واعتذاري للبنات

مريم: باستياء ماشي هبلغهم باي

علا: مع السلامه

اغلقت علا هاتفها وهمت بالدخول الي غرفتها لتبديل ملابسهاا فاستوقفتهااا والدتها قائلة علا انت جيتي امتااا

علا: من شويه ياماما هي شمس فين

ليلي: شمس جوة اوضتهااا بتذاكر

علا: طب انا هدخل اغير هدومي وارتاح شويه ولا في حاجه عايزاني اعملها معاكي ياماما

ليلي:. لا ياحبيبتي مفيش حاجه بس اول ما تصحي عاوزه اتكلم معاكي في موضوع كده

بدا علي علا علامات القلق والحيرة فخاطبتها قائلة

خير ياماما موضوع ايه ده

ليلي: روحي بس غير هدومك وناميلك. شويه يا حبيبتي ولما تقومي نبقي نتكلم وهتعرفي وقتها انا عاوزاكي في ايه

علا: ماشي ياماما عن اذنك

ليلي: اتفضلي ياحبيبتي

علا: لنفسها ياتري موضوع ايه ده اللي ماما عاوزاني فيه يارب ميكونش الموضوع اللي في بالي!!!

*******************

عادت شروق بصحبة ابنتها واخيها جاسر والتعب والارهاق يحتلون ملامحهااا فقامت بالضغط علي الجرس... بعد. لحظات فتحت لها والدتها الباب قائلة؛:

شروق كويس انك جيتي ده عمر ابن. خالك. مستنيكي من بدري

شروق: وهي تضع يدها اعلي جبهتهااا اه يا دماغي ادخل يا زفت انت والزفته دي يلااا

عمر؛: من الداخل حمد. الله ع السلامه يا شروق

شروق: الله يسلمك ازيك ياعمر عامل ايه وخالي والولاد عاملين ايه

عمر: كويسين الحمدلله

شروق: مجبتش معاك نها ليه دي قالتلي انها هتيجي معاك

عمر: بعد ان لاحظ تغير ملامح شروق نها عندها درس كيميا المهم انتي تعبانه ولا ايه

شروق: متظاهرة باللاشئ لا لا انا كويسه زي الفل اهووو

عمر: شكلك بيقول غير كده خالص مالك يا شروق

شروق: بعد. ان. صمتت للحظات مصدعه شويه ياعمر بسبب اللي عملته فيا المفعوصه دي النهارده

عمر: بعد ان ضم لوجين اليه مزعله مامي ليه بقي عملتي ايه النهارده

شروق: خدتها هي وجاسر فسحتهم قالتلي هروح العب مع البنات انا وجاسر قلتلها روحي بس متغ*يش علي بال ما سلمت علي خالي محمود وقالي فين لوجي وجاسر عشان اسلم عليهم ملقتهاش قدامي اختفت

عمر: اختفت ياخبر ابيض طبعا دوختي ع بال ما لاقيتيهااا

شروق: هي مسالة دوخه ده انا اتبهدلت واتهزقت بسب المفعوصه دي

عمر: بابتسامه من خالك. محمود مش كده

شروق: ياريت لو خالو مكنتش هدايق كده

عمر: اومال من مين

شروق: هقولك...

? فلاش باك ?

شروق: انا خايفه ياخالو مش لاقيه البنت

محمود: اهدي يا شروق عشان نعرف نلاقيهااا

شروق: بعد ان وقع نظرها علي بائع الايس كريم لوجين

محمود: هي فين انا مش شايفهااا

شروق: اهي ياخالو عند بتاع الايس كريم

هرولت شروق كالمجنونه لتلحق بابنتها وعندما وصلت اليهاا امسكت يدها بقوة قائلة لزين لوجين حبيبتي سيب البنت

زين: باستغراب هو انا خطفتها يعني ولا انتي بتداري اهمالك بالكلمتين دول ازاي بنوته في سنها كده تسيبيهااا لوحدهاااا ايه الاهمال والتسيب اللي انتي فيه ده

شروق: بعصبيه انت هتعملي فيها شريف وانك. لاقتها عشان تهرب بعملتك. بس ده بعدك

محمود: يا بنتي اهدي مش كل حاجه تاخديهااا بعصبيه كده

شروق: اهدا ازاي يا خالي ده كان عايز يخطف بنتي وتقولي اهدي

زين: انا مخطفتهاش انا لاقتها ماشيه لوحدها بتدور علي حد قلت يمكن تايهة وفعلا طلعت تايهة يعني ملكيش حق تتكلمي معايا بالطريقه دي

لوجي: مامي عمو زين مش كان خاطفني ده هو اللي قالي هرجعك لماما وانا قلتله عاوزه ايس كريم مكان اللي وقع مني

شروق: وضعت يدها علي فمها ثم نزعتها قائلة انا اسفه يا استاذ مكانش قصدي

زين: وهو ينظر اليها ويطيل النظر لعينيهاا ولا يهمك حصل خير بس ياريت طفله زي دي متسبيهاش من ايدك عشان متعرفيش ايه اللي هيحصل بعد كده ولا بنتك. هيحصلها ايه

شكرته قائلة: متشكرة اوي لحضرتك. يلا يا لوجي

محمود: متشكرين. اوي يا ابني ربنا يكتر من امثالك

زين وهو ينظر لها وكانه قد فتن. بجمالها العفو يا حاج علي ايه بس ده واجبي

لوجي: باي ياعمووو زين

زين: وهو لوح لها باي ياقلب عموو

عمر: يااه الحمدلله انها عدت ع خير ياشروق

شروق: اه والله ياعمر ربنا سترهاا

بعد. لحظات دخلت عبير قائلة: عمر ازيك عامل ايه

عمر: مطيلا النظر لعينيه الحمدلله تمام انتي عامله ايه

عبير: الحمدلله

عمر: كويس انك جيتي عشان اللي هقوله ده يكون قدامك.

عبير: لنفسها مش فاهمه تقصد ايه

عمر: هي شروق حكتلكيش حاجه

عبير: بتجاهل قالتلي ايه

عمر: انتي مقلتلهاش حاجه يا شروق

شروق: باحراج لا ياعمر لسه وعشان ما تفهمش غلط او تقول اني اتجاهلتك او طنشت لا والله بس الفترة دي انا كنت مشغوله بحاجات كتير اوووي

عمر: بعدم. رضاا ولا يهمك ياشروق خلاص هستاذن انا دلوقتي

عبير: بنفاق يا ابني انت لحقت تيجي عشان تمشي

عمر: مرة تانيه. بقي عن اذنكم

شروق: متزعلش ياعمر والله غصب عني بس اوعدك اني هقولهااا النهارده وهبلغك ردهااا

عمر: عادي يا شروق حصل خير يلا عن اذنكم

عبير: اتفضل

خرج عمر حزيناا يملئه الحزن والياس يخاطب نفسه قائلا

هو ايه الحكايه انا مش فاهم حاجه خالص معقوله شروق تكون قالت لعبير وعبير رفضتني بس شروق م**وفه انها تقولي كده عشان ما ازعلش ولا ايه تفسير اللي بيحصل ده!!!!

*******************

داخل مكتب جنة للد*كورات الهندسية والعقارات

تجلس السكرتيرة وامامها بعض الملفات التي تقوم بمراجعتهااا فيقطع تركيزها دخول شخص ما برفقة خطيبته قائلا

مساء الخير

السكرتيرة: مساء الخير يافندم اتفضلوا

_: لو سمحتي عاوز اقابل بشمهندس سامي ضروري

السكرتيرة: طب يافندم البشمهندس مشغول دلوقتي تقدر تجيله وقت تاني او حضرتك. تكلم بشمهندس نادر.

خطيبته: نادر وهو حد جابنا المكتب هنا غير بشمهندس نادر بتاعكم ده

السكرتيرة: خير يافندم هو فيه حاجه

الشخص: استني انتي يافريدة البشمهندس نادر كان المفروض يخلصلنا الشقه من اسبوع ولحد دلوقتي معملش فيها حاجه وفرحنا الاسبوع الجاي تقدري تقوليلي اجيب منين انا دلوقتي بشمهندس يخلصلي شقتي خلال اسبوع

السكرتيرة: طب لحظة يافندم. هدخل لبشمهندس سامي وابلغه

فريده: اه ياريت لان احنا مش هنمشي من هنا الا لما نلاقي حل للموضوع ده

بعد لحظات ضغطت علي الانتر كام فاجابها البشمهندس سامي قائلا

ايوة يا نيفين

السكرتيرة: في ناس عاوزين يقابل حضرتك ضروري بخصوص شغل كان المفترض بشمهندس نادر يخلصه. وما خلصش

سامي: بغيظ نادر طب دخليهملي يا نيفين ومتدخليش حد تاني عشان ده رابع عميل يشتكيلي من نادر النهارده

السكرتيرة: اوكي يافندم

اتفضلوا بشمهندس سامي في انتظاركم!!!!

*****************

تجلس نغم. في غرفتها كعادتهاا تصطحب روايتها وقهوتها المفضلة فجاءة استوقفتها عبارة محتواهااا

لا تقل ان للنصيب يدا في فراقكم بل قل ان احدكماا اتعبه البقاء

اغلقت نغم الروايه وبدات في تفسير هذه العبارة قائلة

الكاتب ده معاه حق احنا دايما بنعلق فشلنا وخيبتنا علي شماعه النصيب المفروض نحاول مرة واتنين والف وبعدين نقول نصيب بس احنا اللي اتعودنا علي كلمة نصيب

ثم.قطع تفكيرها دخول والدتهااا

نغم :ماما

ياسمين: اه ياحبيبتي عاوزه حاجه انا خارجه

نغم: لا يا ماما ميرسي جدا بس كنت عايزه اسالك علي حاجه كده

ياسمين: اسالي ياحبيبتي

نغم: هو فعلا كل حاجه قسمه ونصيب ولا فيه فرق بين القسمه والنصيب

ياسمين: بصي مش هقدر اجاوبك.بالظبط عشان انا مش فيلسوفه بس هجاوبك علي قد معرفتي

نغم:اوكي ياماما اتفضلي

ياسمين: العلاقات اللي بتبقي مبنيه علي حب صادق بتكمل لان.اللي بدايته صح طبيعي تكون نهايته صح واللقا نصيب بس التكمله اختيار

نغم:يعني ايه اللقا نصيب والتكمله اختيار يا ماما

يعني انك.تقابلي انسان وتحبيه ويحبك ده نصيب لكن انتي اللي بتحددي هتكملي ولا لا لو بتحبيه بجد هتتمسكي بيه وهتعافري وبكده هتكوني اختارتي تكملي اما بقي لو دخلتي علاقه ومش مرتاحه فيها فبتقرري انك هتبعدي وده برضو بيكون اختيارك ولو ركزتي هتلاقي في الحالتين ان انتي اللي بتختاري تكملي او لا وده بقي اسمه الاختيار

نغم: بس انا دايما ياماما بسمع لما حد.بيسيب حد بيقول نصيب

ياسمين: النصيب يا بنتي ملهوش.علاقه.باختياراتنا احنا اللي بنختار وبناء علي اختياراتنا بيتحدد مصيرنا اللي هو بنسميه نصيب ده بعد ارادة ربنا طبعا انا بتكلم علي افعالنا احنا اللي هي دايما رابطينها بكلمة نصيب فهمتي

نغم: افهم من كلامك ده ياماما ان اللي بيحب حد بجد يعافر ويحاول مرة واتنين ومليون لحد ما يجيب اخره وبعدها يبقي يقول نصيب لو لا قدر الله ربنا ما ارداش انهم يكونوا لبعض

ياسمين: بالظبط ياحبيبتي احنا نعمل اللي علينا ونمحي كلمة نصيب دي من قاموس حياتناا عشان النصيب برئ مننا ومن افعالنا براءة الذئب من دم سيدنا يوسف

نغم: بابتسامةميرسي يا احلي مامي اسفه عطلتك

ياسمين: ولا يهمك ياحبيبتي

نغم: لنفسهااا يعني انا لما قابلت حمزة صدفه ده. نصيب... طب ياتري نصيبي هيخليني اشوفه. تاني ولا لا....

****************

علي مائدة للطعام. يجلس دكتور محمد برفقة والده ووالدته واخته الصغيره سلمي فتداعبه. سلمي قائلة

ايه ياسطا مالك. بتفكر في ايه.

محمد: بابتسامة ياخسارة كل السنين. دي اللي درستها في طب ياسطاا ياسلمي هههه

سلمي: ههههه مزعلاك. ياسطاا ياسطا

والدته: عيب يا سلمي ايه الالفاظ السوقي اللي بتقوليه دي

محمد: بعد ان انهي طعامه سبيها براحتها ياماما انا بحب . سلمي تهزر معايا

سلمي: حبيبي ياشبح ههههه والده: كمل اكلك. يا محمد. يا ابني انت اليوم كله في المستشفي

محمد: الحمدلله يابابا

سلمي: ايوة بقي ياعم بابا ثروت بنفسه بيقولك. كمل اكلك. وانتي ياهبه مفيش كملي اكلك. ياسلمي

هبه: بابتسامة يابت بطلي غلبه وكلي وانتي ساكته

ثروت: مش عارف البنت دي طالع غلباويه كده لمين

محمد: اكيد بتقعد مع نجلاء كتير عشان نجلاء دي عدوة ومنتشرة في العيله كلها

ثروت: ربنا يهديهم

سلمي: كده ياسطا. بتسيحلي قدام الخلق دي كلها طب ايه رايك بقي مش هقولك. صحابي قالوا عليك ايه النهارده

محمد: ههههه وانا مالي ومال صحابك

سلمي: ما انت لو عرفت اللي قالوه مش هتقول كده

محمد: بعد ان غمز لها اجري ذاكري بقي يلااا

سلمي: اذاكر اه صح. انا بقول انا ناسيه ايه طب متتاخرش عشان احكيلك..... قصدي عشان تشرحلي

محمد: ههههه انتي كارثه والله عن اذنك. ياماما عن. اذنك. يا بابا

ثروت: اتفضل يا دكتور

هبه: ايه رايك. تفاتح محمد. في موضوع الجواز يا ثروت

ثروت: طب مش يمكن محمد. ابنك ميكونش بيفكر في الموضوع من اصله او في حد في دماغه

هبه: حد حد زي مييين

ثروت: معرفش يا هبه انا بقول يمكن

هبه: ده لو كلامك طلع صح زي ما بتقول يبقي كل حاجه مخططالهااا باظت!!

***************

عاد. بشمهندس سامي من عمله مجهداا يحمل علي وجهه الكثير من الارق وعلامات الاستفهام فجلس يستريح قليلا وهو يفكر في حل لما يحدث.... فيقطع تفكيره دخول نغم قائلة

بابا انت جيت امتااا

بشمهندس سامي: لسه حالا يانغم هي مامتك فين

نغم: ماما خرجت تعمل شوبنج هي وطنط الفت

سامي: طب اعمليلي قهوة ياحبيبتي عشان حاسس اني راسي هتنفجر

نغم: بخوف وقلق علي ابيها سلامتك. يابابا مالك

سامي: الله يسلمك ياحبيبتي متشغليش بالك اجري بس اعمليلي القهوة

نغم: ازاي بس ما اشغلش بالي يلا يا بشمهندس قول لبنتك. حبيبتك بتفكر في ايه وايه. اللي مدايقك وتاعبك كده

سامي: نادرقرب يجنني باللي بيعمله زي ما يكون حد.مصلطه عليااا عشان يخسرني شغلي والعملاء بتوعي

نغم: باستغراب نادر ماله يابابا وايه اللي بيعمله

سامي: امبارح بقوله ياخد. باله من شغله ويبطل اهماله لان الناس عاملين يتصلوا بيا ويقولولي ان الشغل اللي المفروض متففين عليه يخلص من اسبوعين لحد دلوقتي لسه ما خلصوش فلما كلمته بيقولي انا زي زيك في المكتب وانا مش شغال عندك وكلام ع**ط كده مفهمتهوش

نغم.: طب سيبك منه المهندسين كتير واي حد يتمني يشتغل معاك. يابابا

سامي: عارف ان المهندسين كتير بس مش في نفس خبرة ولا كفاءة نادر يا نغم

نغم: لا يابابا فيع مهندسين زي نادر واحسن كمان بس انت دور واكيد هتلاقي

سامي: لسه هدور واعمل مقابلات والعملاء مستعجلين عاوزين يخلصوا شغلهم . ومعاهم. حق يا بنتي هما دافعينلنا عشان نعملهم شغلهم مش نطنشهم. يا نغم

نغم.: بعد لحظات من الصمت والتفكير

ولا تدايق نفسك يا بشمهندس

سامي: ما ادايقش نفسي ازاي بس يانغم. ياحبيبتي الناس دي لو شغلهم مخلصش خلال اسبوع انا بيتي هيتخرب

علا: متقلقش يا بشمهندس انا عندي الحل!!!!!

✍️ علي محمد