الجزء الرابع

3579 Words

{ مسيرة حب } ( الجزء الرابع ) في احدي المستشفيات الخاصة بياسين كانت فرح تجلس تقراء في كتاب وهي تاخذ اول جرعه كيماوي لها وهي تحاول أن لا توضح الالم التي تشعر به كان ياسين يجلس بجانبها ويشعر بها ولكن التزم ال**ت فهو لا يرد أن يشعرها باي شيء خوفا من ان تنزعج اروي وهي تهمس لياسين : انا خايفه عليها اوي يا ياسين شكلها تعبانه دي بقالها نص ساعه مسكه الكتاب كدا ياسين : حبيبتي احنا عارفين الموضوع مش سهل ولازم نسيبها لحد ما هي اللي تتكلم مش لازم نضغط عليها اروي : حاضر يا حبيبي ياسين : اجبلك تشربي حاجه اروي : لا شكرا مر الوقت وخرج ياسين واروي وفرح من المستشفي اروي : حبيبتي انت كويسه فرح : ايوا يا مامي بس عايزه انام بس ياسين : هنروح كلي حاجه خفيفه ونامي يا حبيبتي …………………………………… في القصر كان الجميع جالسين في الصالون يتحدثون في مواضيع مختلفه سيف : عايزين نشوف ممرض رعد : انا كلمت المستشفي قالو هيبعتوا كذا حد واحنا نختار عز : هتجيب راجل رعد : هشوف بس الافضل هتكون بنت عشان طبعا احنا هنمشي و ماما والبنات وكدا جاسر : انا شايف كدا بردو انتبه الجميع عند فتح بابا القصر ودخول ياسين وفرح. اروي ركض الجميع عليهم ليطمئنوا علي فرح التي قابلت ذالك بابتسامه شاحبه رعد : حبيبتي انت كويسه فرح : اها يا رعد الحمدلله عز : تعالي اقعدي فرح : لا انا هطلع اوضتي عايزه انام اروي : استني اساعدك فرح : لا خليكي ملك و لين هيساعدوني تحركت فرح مع ملك ولين ودخل الباقي الي الصالون مره اخري رعد : اي الاخبار يا بابا ياسين : عشان لسه في الاول الموضوع صعب عليها و مؤلم طبعا سيف : باين اوي عليها اروي : من الجلسه الجايه هيبداء شعرها يقع مايا : متقلقيش احنا كلنا جنبها ياسين : جدكوا فين عز : في اوضته مرضاش يخرج ياسين : هروح اشوفه رعد : بابا الممرضين هيجوا بكرا عشان تختار منهم ياسين : تمام اروي عايزك تكوني معايا اروي : حاضر ياسين : طبعا جلال و رمزي هتبحثوا عنهم قبل ما يدخلوا هنا هز جلال و رمزي رأسهم بالموافقه تحرك ياسين الي زين وترك الجميع في **ت …………………………………… في غرفة فرح كانت لين تساعد فرح في الاستلقاء علي السرير بعد أن بدأت ثيابها بمساعدة ملك ملك : في أي يا فرح **تت فرح ونظرة الي لين لين : هسيبكوا انا فرح : خليكي يا لين انت الوقتي واحده مننا ملك : حصل حاجه امجد رد عليكي التمعت الدموع في عيون فرح فرح : لا وكلمته وانا في المستشفي وباخد العلاج مردش عليا من وقت ما عرف النتيجه وهو مش بيرد عليا خايفه يكون زعلان وقال علي نفسه ملك : معلش يا حبيبتي فتره وهتعدي لين : انا مش فاهمه حاجه ملك : بصي باختصار كدا علي السريع امجد يبقا زميل فرح في الكليه وهما مرتبطين ببعض لين : طب لي مش بشوفه هنا ملك : لان مفيش حد يعرف الموضوع دا غيرنا الوقتي لين : طب لي مش معروفين حد فرح : امجد شاب بسيط و مش من نفس مستوانا المادي وانا خفت يرفضوه عشان كدا فضلت أن اصبر لحد ما نخلص دراسه ويشتغل في وظيفه كويسه لين : ممممم طب هو لما عرف كان رد فعله ازاي فرح : سكت شويه وبعد كدا قعد يقولي هتكوني كويسه وهتقومي بالسلامه متقلقيش وقفل ومن وقتها مش بيرد عليا لين : هو انتو اتعرفتوا علي بعض ازاي يعني حبتيه ازاي فرح : ياااه دا موضوع طويل اوي لين : ممكن تحكيلي فرح : اقعدي يا ستي احكيلك ……………….فلاش باك…………………… كانت فرح تجلس في كافتيريا الكليه وهي تتحدث مع بعض من أصدقائها ولم تلاحظ تلك العيون التي تنظر لها شريف : اي يا امجد واقف بتبص علي اي امجد : لا ولا حاجه شريف : ولا حاجه بردو عموما مش دي يا صاحبي دي من عيلة الصادق وبنت ياسين الصادق وانت اكيد عارفه امجد : عارفه دا انا حافظه دا اللي مخلياني ابص ليها غير جمالها فلوسها شريف : انت ع**ط انت متخيل أن هي ممكن تبص ليك لا وغير كدا انت مش شايف الحراسه اللي حواليها دا غير اخواتها اللي ديما محاوطينها امجد : هجبها وهخليها زي الخاتم في صباعي كمان واخد اللي نفسي فيه كلو سواء فلوس أو جمال شريف : انت اكيد اتجننت وناوي علي موتك امجد : يعم أخرج انت منها بس وبكرا لما اوصلها هبقا اشوفلك حد زيها شريف : لا يعم شكرا مش عايز انا هروح الحق المحاضره امجد : روح يا خويه تركه شريف وتوجه الي محاضرته امجد : جتك نيله وانت فقر "تعريف سريع :امجد وشريف زمايل فرح في كلية الهندسة وهم شباب بسيطه ومستواها المادي بسيط شريف شخص طيب وخلوق له صداقات مع البنات ولكن باحترام ويعاملهم كاخ أما امجد فهو شاب سيء الخلق لا يتقرب من فتاه الا لغرض معين ويسعي دائما وراء اطماعه شريف شاب نحيل اسمر متوسط الطول ، امجد شاب طويل ابيض وعيون سوداء وشعر اسود كثيف جسد عريض ومتوسط العضلات" جرمين أحد أصدقاء فرح : فرح في شاب واقف وراكي هيكلك بعيونه فرح : مين دا شهد : مش عارفه بس دي مش اول مره اشوفه واقف واحنا واقفين وبردو يبص لفرح فرح بتذمر : انا الوقتي عايزه اشوف اشوف بافايه يعني ضحك أصحابها عليها جرمين : بصي تعالي نقوم نتحرك واعملي نفسك بتبصي عادي للجانب بتاعه وشوفيه فرح : طب لابس اي شهد : بنطلون اسود و. تيشيرت رمادي وقفت فرح وتحركت هي وأصدقائها و راءت امجد فرح : هو حلو بس بردو مليش دعوه بيه تلاقيه ولد من اللي بيعا**وا جرمين : لا انت كدا هبله ما لو كان عايز يعا** كان عا** شكله معجب من ضمن المعجبين فرح : بس يا جرمين انت عارفه أن مليش في الكلام دا انا هطلع اروح بقا عشان اذاكر الامتحانات كمان اسبوع شهد : روحي يا دحيحه ذاكري واحنا هنروح نتغدا ونرجع السكن فرح : اوكي باي ودعت فرح اصدقاءها واتجهت الي البوابه : يا انسه التفت فرح للصوت وجدته الشاب الذي كانت تتحدث عنه فرح : ايوا امجد : الورقه دي وقعت من حضرتك فرح : مني انا امجد : ايوا اخذتها فرح وجاء أحد حراسها الحارس : في حاجه يا فرح هانم فرح : لا مفيش يلا خرجة فرح أمام الحارس وركبت سيارتها وانطلق بها السائق فتحت فرح الورقه فهي كانت تعلم ان لم يقع منها شيء ولكن فصولها جعلها تاخذها منه " فرح يا اسم علي مسما انت مش متخيله انت بتتف*جي كل الناس ازاي أو خصوصا انا من ضحكتك و رقتك وكلامك عارف ان اللي بعمله دا غلط بس مشاعري نحيتك خلاص مش قادر اتحكم فيها انا بحبك جدا ومن اول يوم شوفتك فيه انت ممكن تكوني متعرفنيش بس الايام جايه وهنتعرف يا فرحتي خلي بالك من نفسك " طوت فرح الورقه وهي مبتسمه فرح في نفسها : اعمل معاه اي دا اقول لرعد ولا اسكت لا انا اسكت ومش مهم حد يعرف الوقتي مر الايام وبدأت امتحانات فرح وكانت تري امجد كثيرا وتري أنه ينظر لها بشده شريف : هي بتبص عليك لي هو انت عملت حاجه امجد : اها رميت طعم والصناره غمزة اهي يا فقر شريف : هتندم يا امجد صدقني هتندم امجد : لما يبقا معايا الفلوس انت اللي هتندم سلام بقا ترك امجد شريف واتجه لفرح وأصدقائها امجد : صباح الخير فرح : صباح النور امجد : ممكن كلمه يا فرح فرح : اها طبعا تحركت فرح معه ووقفت بعيدا عن أصدقائها فرح : خير اتفضل امجد : اذيك الاول فرح : كويسه امجد : فرح بتكلميني كدا لي فرح : لأن وقف*نا كدا غلط وانك تاخدني من وسط اصحابي غلط والله اعلم بقا اي اللي بيتقال الوقتي امجد : مفيش حد يقدر يقول عليكي كلمه واحده وانا بس كنت عايز اتكلم معاكي الماده الجايه اخر ماده والاجازه هتيجي و كنت عايز اي وسيلة اتصال بيكي عشان اطمن عليكي في الاجازه فرح : لي تطمن عليا امجد بخبث و حنين مصطنع : عشان بحبك طبعا فرح : اسفه اللي بتعمله دا غلط وانا مش هعمل كدا امجد : اديني فرصه بس فرصه صغيره كمان وانا هثبت ليكي أن بحبك كان عقل فرح يقول لها تحركي اذهبي واتركيه ولكن كان قلب فرح له رأي آخر فهو أراد أن يشعر بالحب والمشاعر خصوصا وأن من يوم رسالته وهو لم يفارق خيالها فرح : اكيد عارف الفيسبوك بتاعي تقدر تكلمني عليه باي قالت فرح كلماتها وعادة الي أصدقائها امجد : ايوا بقا يا ميجو يا جامد والله والدنيا هتلعب جرمين : اي يا فرح كان بيعترف بحبه ولا اي فرح : احم دا مجنون دا عايز رقمي مش عارفه انا اي الجنان دا يلا نطلع عشان نمتحن ونخلص شهد : دا جرئ اوي مر اليوم و في المساء جاءت رساله عبر الفيسبوك لفرح من امجد امجد : مش كان افضل لو تلفون وسمعت صوتك نظرة فرح للرساله بتردد لم تعلم اترد ام لا فبداخلها مشاعر متناقضة فرح : اصلا كويس أن هرد عليك انا عايزه اعرف انت عايز اي امجد : انا بحبك وعايز نرتبط ببعض عارف ان صعب بس انا بجد بحبك انت معايا في كل حاجه شايفك قدامي في كل وقت بنام بحلم بيكي انت كل حاجه في حياتي فرح : انا مليش في الكلام دا انت لو بتحبني تكلم بابي امجد : مش هينفع فرح : لي امجد : عشان انا مش نفس المستوي اللي يليق بياسين الصادق وعيلته انا عايزك جنبي لحد ما تتخرج واشتغل و وقتها هاجي الاباحي وانا متاكد لكن الوقتي مستحيل بالأمس يوافق فرح : بابي مش بيبص للحاجات دي امجد : لما الموضوع يكون متعلق ببناته هيبص صدقيني فرح : ايوا انا المفروض اعمل اي الوقتي امجد اديني فرصه ونقرب من بعض اكتر فرح : اوكي ابتسم امجد بانتصار فهو يري فرح الكارت الفائز لديه مرة الايام وفرح وأمجد يتحدثون كثيرا وفي كل شيء عن حياتهم وبعد إصرار امجد أخذ رقم هاتفها واصبحوا يتحدثون في الهاتف كثيرا بحجة أنه يريد أن يسمع صوتها الذي يريحه الي اليوم الذي كان امجد يقرر أن يبداء في اللعب علي فرح و الوصول إلي هدفه ولكن أخبرته هي بمرضها واختفي ……………….انتهي الفلاش باك……………….. لين : عايزه الصراحه يا فرح انا مش مرتاحه الواد دا اي حد لو بيحب بجد مش هيسيبك في الوقت دا ويختفي فرح : ما ممكن يكون خايف عليا و زعلان عشان كدا مختفي لين : مظنش يا فرح عموما بطلي ترني عليه لحد ما تشوفي هو هيكلمك امتا فرح : اوكي ملك : طب يلا نامي ارتاحي خرج لين وملك من غرفة فرح وتركوها تنام لين : وانت عرفتي ازاي يا ملك ملك : سمعتها وهي بتكلمه في مره واحنا في باريس وفضلت إذن عليها لحد ما حكت ليا وحلف*ني مش اقول لحد لين : اها ربنا يستر ومش يطلع بيضحك عليها ملك : يارب …………………………………… في غرفة زين ياسين : هتفضل قاعد هنا ومش هتخرج يعني زين : أخرج لي ولمين يا ياسين كتر خيرك مقعدني في بيتك ياسين : تاني يا عمي وبعدين أخرج اقعد مع الولاد قربهم منك حسسهم انك جدهم وهما هتلاقيهم حبوك علطول زين : رعد ابنك مش طايقني خالص ياسين : رعد طيب بس هو مش سهل يتقبل الناس بسهوله شغله كدا بقا زين : ربنا يخليهولك ياسين : بكرا هنشوف ممرضين وتكون قاعد معانا عشان تختار حد زين : ماشي دخلة اروي بعد أن دقة الباب وفي يدها صنية اكل اروي : يلا عشان تاكل وتاخد علاجك زين : حاضر جلسة اروي تطعم زين وكان ياسين يتحدث معهم وينظر إلي اروي بفخر فهو كل يوم يحمد الله علي وجودها في حياته أنهت اروي إطعام زين وأعطته دوائه خرجة هي وياسين وتركوا زين يرتاح ياسين : مش هنتغدا اروي : هبلغهم يحضروا الغدا حالا وهطلع اشوف فرح اقترب منها ياسين وقبل يدها : بحبك اوي اروي : وانا كمان بحبك اوي عز من الخلف بصوت عالي : اي دا اي اللي بيحصل دا اي اللي انا شايفه دا اي الحلاوه دي اي الطعامه دي كان عز يقول هذا الكلام و هو يرقص ياسين : انت يا متخلف اتظبط واسكت عز : بتبوسها يا باشا كدا وفي صاله طب خليها في المستغطي ياسين بنفاذ صبر : مستغطي اي يا حمار انت اروي وهي تضحك : اهدي يا حبيبي عز : حبيبي اي يا حجه انا واقف امسك ياسين عز من رقبته ياسين : عارف ياض اي اللي مصبرني عليك عز : اي يا باشا ياسين : انك شبه اروي ومنها عارف انت لو مكنتش شبها وابنها كنت قتلتك اروي محاوله تخليص عز من يد ياسين إلي أن نجحت : خلاص يا حبيبي سيبه امشي يا عز انده للكل عشان الغدا يلا عز : افتكر بس انا عامل حساب انك ابويا كان ياسين علي وشك إمساكه من جديد إلي أن ركض عز وهو يضحك ياسين : الواد دا ازاي كدا اروي وهي تضحك : معلش بقا الصغير بتاعنا …………………………………… في غرفة رعد ومايا مايا : حبيبي كنت عايزه اروح بيت بابا قبل ما نروح عندكوا رعد : لي يا حبيبي مايا : في حاجات ليا هناك عايزه اجبها رعد : حاجات زي اي مايا : كتبي وبعض الهدوم وشوية حاجات كمان للكليه كدا رعد بخبث : حاضر نبقا نروح نجبها مايا : انا متشوقه اشوف جناحك هناك اوي رعد : لي مايا : ديما فرح وتالا كانوا يقولوا أن م***ع حد يدخلوا غيرك أو ماما اروي بس حتي انت اللي كنت بتنضفه بنفسك لي يا رعد رعد : لما تروحي هتعرفي مايا : مممم متشوقه اوي قبلها رعد من رأسها مايا : حبيبي كنت عايزه اتكلم معاك في حاجه رعد : قولي مايا : احم رعد انت عارف ان انا خلاص دي اخر سنه ليا في الكليه صح رعد : صح مايا : عايزه انزل الشركه اشوف الشغل ازاي وكدا هنزل شركة بابا رعد : هنزل شركة بابا انت تخدني قرارك خلاص يعني وبتعرفيني مايا : لا طبعا انا بقولك عايزه وباخد رايك يا رعد لسه رعد : لا يا مايا مايا : لا مفيش لا علطول كدا في حاضر هفكر يا مايا انت وهترجع شغلك وهتغيب بالشهر عليا وانا هقعد لوحدي فاضيه هنزل الشركه ولما تكون موجود هاخد اجازه نظر لها رعد طويلا مايا : فكر يا حبيبي وهكون مع بابي وكمان بابي ياسين رعد : ماشي هفكر يا مايا بس موعدكيش أن اوافق مايا : وانا متاكده انك مش هتزعلني رعد وهو يهمس لها بالقرب من شفايفها : لا ممكن ازعلك واصالحك تاني عادي ضحكت مايا بصوتها كله رعد : بدايه مبشره ومشجعه دق الباب فجاه رعد بغضب : ايوا سيف من خلف الباب : بتزعق كدا لي يا بني ادم يلا الغدا رعد : مش هنتكلم روح انت سيف : ماشي يا ش*ي رعد : سييييييف ولكن كان سيف ركض إلي الأسفل …………………………………… علي السفرا جلال : مايا ورعد فين سيف : قالوا مش هيتغدوا ضحكت اروي ونظرة إلي ياسين غمز لها رمزي : انا الواد دا كل شويه يقنعني أن ربيته صح ياسين : تربيه زفت كل وانت ساكت حسام : لي يا ياسين ابنك مشاء الله حابس البت ولا انت في زمانك انا اظن مشوفتش اروي من بعد فرحكوا غير يوم ولادة رعد وسيف ياسين : وانا اقول انا صحتي في النازل لي واروي حبيبتي خسه اتاري يا روحي ناس عينيها وحشه قاعده معانا ضحك الجميع الا جلال ياسين : مالك يا جلال جلال : مضايق يا ياسين ابنك من يوم ما اتجوزها وانا مش عارف اشوف بنتي ولا اقعد معاها ولا انا ولا ساره اروي : معلش يا جلال هما عرسان وبكرا هيسافر شغله و هي هتفضل معاك جلال : والله خايف ياخدها معاه ياسين : لا مش اوي كدا متخفش هما بس عشان لسه في الاول جلال : ربنا يستر من ابنك عز : الحق اشبع من ملوكه بقا عشان انا لما اتجوزنا هختفي انا وهي سيف : يا شيخ اتنيل هو انت عارف تتجوز اصلا ضم عز فمه وحركه يمين ويسار عز : عجبك كدا يا ياسين بيه اهو بدأنا تريقه سيف : انا كلها شهرين واتجوز وانت لا فهد : اي كل الجوازات دي متجوزوني معاكوا بدل ما افضل لوحد عز : لا ما انت ادهم قاعد معاك متخفش ياسين : شاور بس علي اللي نفسك فيها وانا اجوزهالك فهد : هي موجوده بس انا حاسس ان هي مش جاهزه أو مش هتوافق عليا حسام : لي اي حد انت ولا اي كانت لين تسمع هذا الحديث وقلبها يدق بعنف لين في نفسها : طلعت بتحب حتي في دي كمان حظي وحش اه يا قلبي بتوجعني لي دلوقتي وخائف مش توافق عليه طب دا انا لو مكانها هقوم اطلب ايدك انا جاسر بهدوء : باشا ياسين : نعم يا جاسر جاسر : انا يستأذن حضرتك اروح انا وتالا بتنا نكمل اجازتنا هناك ياسين : ماشي يا جاسر بعد العشاء امشو رغم أن هو صعب عليا أن هي تبعد عني بس ماشي جاسر : تبعد اي بس دا احنا بنا وبينك فيلتين استمر الغداء بين الحديث والضحك دخلة فرح : انتو اكلتوا من غيري اروي : طلعت لقيتك نايمه مش رضيت اصحيكي فرح : انا اصلا مش جعانه انا بهزر هاا هنخرج فين ولا اقولكوا احنا نعمل سينما هنا في الجنينه نطلع الشاشه ونسهر كلنا سوا نتف*ج علي افلام اي رايكوا الكل وافق علي فكرة فرح ياسين : مفيش خيار يا جاسر اسهر معانا وبعد كدا امشي فرح : رايحين فين تالا : بتنا فرح : بجد تالا : اها بس هاجي هنا كل يوم من الصبح فرح : اوكي هقوم بقا اظبط الحاجه …………………………………… في المساء كان الجميع حتي زين يجلسون في الحديقه سويا يضحكون وهم يشاهدون أحد الافلام الكوميديه في سعاده نظر ياسين للجميع وكل شخص يجلس بجانب نصفه الاخر ويضحكون في سعاده ودعا في سره بأن يديم الله عليهم هذه السعاده الي الابد بعد مده أخذ جاسر تالا واشيائهم واتجه الي بيته بعد أن ودع الجميع متمنين لهم السعاده وهو متمنيا من الله أن يكون سعيد في هذا البيت مع من اختارها قلبه وصل جاسر الفيلا وفتح الباب جاسر : اتفضلي يا روحي ومال جاسر وحمل تالا تالا : بتعمل اي يا جاسر جاسر : بيقولوا ميصحش العروسه تدخل بيتها اول مره علي رجليها لازم تتشال للسرير كمان تالا وهي تضحك : جاسر نزلني عايزه اتف*ج علي البيت لم يسمع لها جاسر وأخذها الي الغرفه جاسر : نورتي بيتك وحياتي ودنيتي كلها تالا بحنان : انا اللي حياتي منوره بيك يا حبيبي نظرة تالا حولها وجدة الغرفه م**مه بشكل عصري وألوانها هادئه كما تحب تالا : الله الأوضاع تجنن جاسر : الصراحه اخواتك تعبوا معايا اوي في تجهيز البيت عشان اختار كل حاجه زي ما بتحبي واعملهالك مفجاءه تالا : حبيبي يا جاسر انا بحبك اوي جاسر : وانا بحبك اوي اوي مر الاسبوع سريع ولم يحدث فيه الكثير واليوم عاد كل شخص الي بيته أخذ ياسين زين معه لكي يكون تحت اهتمام اروي والممرضه التي اختاروها **مت ساره العوده الي بيتها إلي أن تنتهي عدتها …………………………………… عند مايا ورعد كانت مايا تجلس بجانب رعد وهم في طريقهم الي البيت مايا : حبيبي ندخل عند بابي الاول رعد : بعدين مايا بهدوء: اوكي لاحظت مايا أن رعد لم يدخل قصرهم بل دخل من بوابة الفيلا التي أمام قصر ياسين مايا : رعد انت دخلت هنا لي رعد : عشان احنا هنعيش هنا مايا : هنعيش هنا ازاي هو مش احنا المفروض هنعيش في القصر رعد : لا طبعا احنا نعيش لوحدنا والقصر انت هتقعدي هناك بس لما اكون انا مسافر طول ما انا هنا احنا هتكون في بتنا يا حبيبي مايا بفرحه : الله يعني دا بتنا رعد : مممم عجبك مايا : اوي يا رعد اوي نزلت مايا من السياره تنظر حولها بسعاده بينما انزل رعد الشنط رعد : اي رايك انا عارف انك بتحبيه الجنينه كبيره مايا : جميله اوي يا رعد دخل رعد و مايا الفيلا وكانت مايا مبهوره بزوقها الفريد والجميل رعد : عجبتك يا حبيبتي مايا : انت بتهزر صح دي تجنن يا رعد ترك رعد الشنط وحمل مايا واتجه بها الي السلم مايا : بتعمل اي يا رعد رعد : شششششش انا مسافر بكرا ومش عايز اي حاجه تعطلني الوقتي مايا بدلع : بس انا عايزه اتف*ج علي البيت رعد : اهو عشان دلعك دا انا مش هف*جكك علي الفيلا …………………………………… في قصر ياسين بعد أن اطمئن علي زين وان جميع بسلام صعد الي جناحه وجد اروي ترتب ملابسهم ياسين : اساعدك اروي : انا خلاص خلصت اهو ارتاح انت خرج ياسين الي الشرف واخذ ينظر حوله وجد جلال يجلس في حديقته يقرأ كتاباً فهو لا يفعل ذالك الا عندما يكون سعيدا وجد رمزي ومنه يجلسون في شورفة جناحهم يشربون القهوه ويضحكون وزينه تتحدث في الهاتف نظر اللي الاسفل وجد سيف يقف أمامها ويتحدث معاها نظر إلي منزل تالا وجاسر وجدهم يركضون خلف بعضهم في الحديقه ويضحكون فابنته رغم سنها وأنها تزوجة الا وأنها طفله صغيره مدللة اروي : حبيبي واقف بتبص علي اي ياسين وهو يوقفها أمامه ويحتضنها من ظهرها : شوفي يا اروي الكل مبسوط ازاي وفرحان عيلتنا كبيره اوي يا اروي وجميله اروي : حبيبي العيله كبيره وجميله بوجودك جنبنا ومعانا قبل ياسين رأسها ياسين : ربنا يديم الفرحه دي يارب ومفيش حاجه تحصل تخرب كل دا اروي : امين يا حبيبي امين ياسين : تعالي بقا هنا عشان انت كنت مشغوله عني وانا زعلان منك ولازم اصالحك اروي وهي تضحك : ياسين انت اللي زعلان وهتصالحني ياسين : طبعا اروي : ازاي بقا ياسين بخبث : تعالي بس هقولك كان الجميع سعيد وينظر الي المستقبل بنظرة امل وحب فهل سوف تدوم هذه النظر؟ هل سوف تظل السعاده ملاذمه لهم ؟ ام من الممكن أن تهدم هذه السعاده ويهدم الحب بينهم ويعم الحزن؟ يتبع……… بقلم الاء ابو العز ❤️

Free reading for new users

Scan code to download app

App Store Google Play

Facebookexpand_more