الجزء الثالث

4292 Words

{ مسيرة حب } ( الجزء الثالث ) انتفض كل من في القصر علي صوت ياسين وهو ينادي علي فرح ورمزي باعلي صوته فرح بفزع : هو في اي يا اونكل رمزي بهدوء : اللي كنت خايف منه حصل تعالي يا فرح متخافيش اقتربت فرح من رمزي وامسكت يده وخرجوا من الصالون متجهين الي المكتب اروي : هو في اي يا رمزي عملتي اي يا فرح فرح بدموع : مش عارفه أمسكت اروي يد فرح وتقدمت معاها الي المكتب دخل الثلاثه المكتب واغلقوا الباب وتركوا ورائهم افكار كثيره …………………………………… دخلة رمزي وجلس بهدوء وظلت فرح تنظر برعب لياسين الذي كان يجلس يسند يده علي المكتب وينظر إلي الأسفل ووجه احمر بشده اروي في نفسها : اي بس اللي فرح عملته يوصل ياسين للمرحله دي من الغضب حاول ياسين التحكم في غضبه والتحدث بهدوء ياسين : مستني اسمع رمزي : يوم خبر موت معتز انا شوفت فرح وهي بتكح وان في بعض قطرات الدم بتخرج مع رزاز الكحه ولما سالتها قالت أن دا بيحصل من فتره وان هي مجرد التهابات في الحنجره لكن انا شكيت واخدها انا ومنه ورحنا المستشفي اروي : ازاي مش تقولي ليا حاجه زي دي فرح بدموع وخوف من شكل ياسين : كنت شايفه أن حضراتكوا مشغولين مش حبيت ازيد عليكوا ياسين بغضب : اخرسي مين قال إن احنا بننشغل عنكوا هااا مين قال كدا الدنيا كلها متسواش حاجه جنب دمعه منكوا تخبي عليا يا فرح وانت يا كبير ازاي مش تيجي انت تقولي رمزي : فرح اللي طلبت مني أن هي اللي تبلغك اروي بدموع : عندك اي بنتي فيها اي يا رمزي **ت رمزي ونظر لياسين وكان ياسين رغم غضبه إلا أن دموعه ظاهره اروي : ردو عليا فرح فيكي اي يا حبيبتي قوليلي ياسين : فرح عندها كانسر يا اروي والمفروض كانت هتروح تاخد العلاج من اول الاسبوع بس هي مش راحت عشان كدا الدكتور كلمني اروي : ياسين انت بتهزر صح اقترب منها ياسين بهدوء وحاوطها بيده : حبيبتي اهدي هي هتكون كويسه صدقيني اروي : لا لا مش مصدقه لا أشار ياسين الي رمزي لكي يأخذ فرح و يخرج من المكتب وقف رمزي واقرب من فرح التي كانت تبكي وهي تري اروي تبكي بحضن ياسين امسك رمزي يدها وسحبها خلفه للخارج ياسين : اروي بصي ليا كانت اروي تبكي بشده ولم ترد عليه ابعدها ياسين عن أحضانه وسحبها وجلس بها علي احد الكراسي ياسين : اروي تصرفك غلط فرح الوقتي محتاجه حضنك ومحتاجه اهتمام مننا مش وقت عياط هي هتتعالج ولو المفروض تسافر هتسافر لكن انك تعيطي كدا وتنهاري هي كمان هتنهار اروي : مش قادره استوعب يا ياسين حسه أن دا كبوس ياسين : هو كبوس بس احنا هنعيش فيه لفتره وبعد كدا هنصحي منه علي فرحه كبيره انشاء الله اروي : اعمل اي اتصرف ازاي أنا مش عارفه افكر ياسين : كل اللي مطلوب منك تشجعيها و تاخديها في حضنك اروي : وانت هتعمل اي ياسين : هشوف افضل علاج ليها اي عشان لازم تبدأ تتعالج ……………………………………. خارج المكتب كان الجميع يجلس وهم في حالة زهول الاول مره يسمعون صوت ياسين يصرخ علي احد أبناءه خصوصا فرح فهي الأقرب لقلب ياسين والجميع رعد : هو في اي سيف : مش عارف والله بس شكل رمزي وفرح عكين الدنيا دخل عز الصالون وجلس بإحباط رعد : متكلمتش عز : هي فتحتلي اصلا قفله علي نفسها ومش بترد عليا رعد : لا كدا كتير انا هقوم ليها أو لرمزي مسكت مايا يد رعد تمنعه من الحركه مايا بهدوء : استني لما بابا يخرج من المكتب وانت هتعرف رعد : مايا هو انت تعرفي حاجه مايا : لا والله بس انا بقول أن اكيد بابا ياسين متعصب الوقتي بلاش تدخل فتح باب المكتب وخرج ياسين وهو ممسك باروي ويبدو عليا التعب و البكاء ركض عز ورعد وسيف إليها رعد : مالك يا امي في اي سيف : ماما انت كويسه ياسين : اهدو هي كويسه مفيش حاجه انتظروا علي السفرا لحد ما نطلع فوق وننزل لم ينتظر ياسين أن يسمع رد من أحد منهم وسحب اروي وصعد إلي غرفة فرح زين : ادهم وديني الاوضه ادهم : حاضر فهد لحسام : بابا هو في اي حسام : الوقتي نفهم …………………………………… في غرفة فرح كانت تجلس تبكي بشده فهي كانت تحتاج أن تشعر بالأمان في أحضان والدها ليس التانيب هي من كانت تحتاج أن يضمها ليس والدتها دق الباب بهدوء فرح : امشي يا عز مش هفتح ومش عايزه اتكلم ياسين من خلف الباب : دا انا يا فرح افتحي وقفت فرح واتجهت للباب وفتحت وجدة اروي وياسين أمامها دخل ياسين واروي وجلست اروي علي الاريكه بهدوء فتح ياسين يده امام فرح ياسين : تعالي يا فرح وكانت هذه الاشاره التي تريدها ركضت بكل قوه الي والدها ترتمي في أحضانه وتبكي تبكي بشده فهي الان تحتاج للشعور بالحب والحنان والأمان ياسين وهو يمسح بيده علي شعرها بهدوء : اهدي يا حبيبي اهدي فرح من بين بكاءها : لي أنا يا بابي انا خايفه اوي ياسين : مفيش حاجه اسمها لي في حاجه اسمها الحمدلله يا فرح وكمان انت خايفه لي دا انت تفرحي فرح باستغراب : افرح؟! ياسين : طبعا تفرحي انت ربنا بيحبك مش انا ديما بقول" أن الله اذا احب عبدا ابتلاه" هزة فرح رأسها بالموافقه ياسين : طيب انت ربنا بيحبك اهو وابتلاكي وان شاء الله تخرجي من الابتلاء دا بفرحه حلوه زيك كدا يا فرحتي فرح : خايف اموت يا بابي خايفه اوي ياسين : بعد الشر عنك يا حبيبت بابي متقوليش كدا تفائلوا بالخير تجدوه فرح : شعري هيقع يا بابي مفيش علاج غير الكيماوي ياسين بابتسامه : شوفي انت لو حصل اي هتفضلي زي القمر واحلي البنات فرح : مامي مش بتتكلمي لي اروي : هقول اي بابا قال كل الكلام مش سابلي حاجه اقولها ضحكت فرح واقتربت منها وضمتها فرح : مامي انا بحبك اوي اروي بدموع : وانا مقدرش اعيش من غيرك يا فرح انت اخر العنقود وروحي فيكي ياسين : احم طيب الوقتي كل حاجه تمام فرح احنا هننزل نتغدا وتقولي لاخواتك ماشي عايزك قويه ومتخافيش احنا جنبك فرح : حاضر يا بابي ربنا يخليكوا ليا …………………………………… علي السفرا كان يجلس الجميع في **ت بانتظار ياسين دخلة اروي وفرح وياسين وقف رعد واتجه لفرح بسرعه عندما وجد شكلها الباكي رعد : مالك يا حبيبتي انت كويسه حاولى فرح عدم البكاء واكتفت هز رأسها بنعم ياسين : اقعد يا رعد عشان ناكل وبعدها نتكلم شويه رجع رعد مكانه بهدوء جلس ياسين يترأس السفره وبجانبه اروي وجلست فرح مكانها ياسين : جدو زين فين ادهم : دخل اوضاع وقالي هينام ياسين : ساعدته أن ينام مرتاح ادهم : ايوا ياسين : أروي خلي بالك منه اروي : اول ما نخلص اكل هروح اطمن عليه و اغديه بنفسي التزم الجميع ال**ت أثناء الطعام وهذا غير طبيعي في هذه العائلة انتهي الجميع من الطعام وكانوا بانتظار بدء ياسين الحديث ياسين بهدوء : الوقتي احنا ربنا بيحبنا جدا و كارمنا في حاجات كتير أولهم عيلتنا وحبنا لبعض سيف : هو في اي يا بابا جلال : ياسين اي اللي حصل ياسين : احنا ربنا ابتلانا ابتلاء ودا علشان يثبت لينا قد اي هو بيحبنا ويشوف احنا هنصبر ازاي ونحمده علي كل شيء تالا : بابي في اي انا خوفت امسك جاسر يدها محاولا التخفيف عنها ياسين : فرح عندها كانسر نظر الجميع لفرح بصدمه التي ردة عليهم بابتسامه حزينه رعد : ازاي مين قال كدا حصل امتا الكلام دا ياسين : اشرح بقا يا رمزي اللي حصل يومها رمزي : يوم موت معتز انا اخدة فرح ورحنا المستشفي طبعا أنا كنت عارف بس حبيت اتاكد يمكن اطلع غلط رحت انا ومنه مع فرح واول ما الدكتور كشف بس عليها عرف بس بردو طلب التحاليل عملنا التحليل واستعجلناها طبعا عشان كدا اجينا يومها متاخر وعرفنا سيف : ازاي متقولش حاجه زي دي منه : فرح اللي طلبت محدش يعرف وهي اللي هتبلغكوا تالا ببكاء : يا حبيبتي يا فرح كدا تخبي عليا فرح وهي تبتسم : يستي هو انت كنت فضيالي انت كان كل تركيزك مع جسوره الله وقف رعد وتحرك الي فرح و أوقفها رعد : انا مربي وحش صح فرح : صح رعد : احنا مش بتخاف و اقويا وهنتعالج وهنكون زي الفل فرح : بس شعري هيقع انا اها كنت بفكر اتحجب بس مش بالطريقه دي سيف : يا ستي ربنا بيحبك وعايزك تتحجبي بسرعه هنعترض ضحكت فرح واقتربت البنات منها وضموها وهم يبكون بسبب خوفهم علي فرح كل هذا تحت أنظار عز الذي ينظر للامام بشرود وكان ياسين ينظر له ياسين : عز نظر له عز ثم نظر إلي الجميع وتحرك الي غرفته اروي : مالو عز اروح اشوفه ملك : خليكي يا ماما انا هشوفه ياسين : لا مفيش حد منكوا يروح فرح روحي لعز هزة فرح رأسها بالموافقه واتجهت خلف عز بعد خروج فرح نظر ياسين للجميع بهدوء ياسين : مش عايز حد يعيط قدام فرح تاني ولا تشوف حزن في عين حد هي هتقوي بينا مش بجد تاني …………………………………… وصلت فرح أمام غرفة عز آخذة نفس عميق ثم دقت علي الباب ودخلة نظرة فرح في انحاء الغرفه وجدة عز ينام علي السرير و هو يضم رجله إليه كالجانين فرح بمرح : عز عز عز عز نظر لها عز و**ت فرح : مش بترد عليا لي عز : لي يا فرح فرح : لي ايه ؟ عز : لي مش قولتي ليا يا فرح انا سالتك انا كنت حاسس بيكي وانت قولتي مفيش حاجه فرح : كنت خايفه يا عز كنت خايفه وكنت شيفاكوا مشغولين عز : مهما حصل تعرفيني انا توأمك يا فرح احنا بنحس ببعض لو مش شاركتيني هتشاركي مين فرح : كنت مستنيه بس لما الجو يكون مناسب عز : امشي يا فرح لأن كل ما بتتكلمي بكون عايز اقوم اض*بك فرح بمزاح : الله وانا مالي يا لمبي لم ينظر لها عز فرح : عز وحياتي عندك خلاص بقا وقوم يلا عز : توعديني مهما حصل تيجي تعرفيني وتحكيلي فرح : اوعدك بس قوم يلا عز : اقوم لي انا هنام فرح : تنام اي قوم نخرج عز : نخرج فين فرح : معرفش بس قوم ناخد ملك ولين ونخرج عز : حاضر روحي البسي وقولي ليهم لما انا اقول لبابا فرح : اوووكي …………………………………… في غرفة ياسين كان ياسين جالس علي السرير وهو شارد في فرح فهي تعني له الكثير ويخاف عليها من الم المرض والعلاج جلست اروي بجانب ياسين و أمسكت يده اروي : مالك يا حبيبي ياسين : مفيش يا حبيبتي بفكر بس في كام حاجه اروي : ياسين احنا بنسند بعض مينفعش تشيل المره دي لوحدك دي بنتي بردو واحنا هنشيل سوا نظر لها ياسين لفتره ياسين : خايف عليها اوي يا اروي اوي خصوصا وقت الجلسات بيقولوا الموضوع مؤلم اروي : فرح قويه زيك وهتستحمل واحنا كلنا جنبها اهو و هتقوم بالسلامه إن شاء الله تعالى ارتاح انت بس نام ياسين وأخذته اروي في أحضانها وكانت تمسح علي شعره ياسين : عارفه نفسي في أي اروي : اي يا حبيبي ياسين : أن كل دا يكون حلم بايخ وطويل واصحي الاقي الاسبوعين دول محصلوش اروي : قضاء الله مفيش منه هروب يا حبيبي احنا بس نصبر ونقول الحمدلله وهتعدي علي خير رفع ياسين رأسه ونظر لها ياسين : اول مره تكوني بالقوه دي اروي بابتسامه : بحاول اشيل معاك شويه انا معدتش صغيره أن كل حاجه اجي اعيطلك وخلاص ياسين بحنان وهو يعتدل ويضم وجهها بكفه : لا يا اروي خليكي صغيره وتعالي عيطيلي واجري استخبي في حضني انت مش مراتي بس يا اروي انت بنتي الاوله واول فرحه ليا انت كل حاجه يا اروي اروي : بس لازم اشيل شويه بقا وبعدين انا عيطت وخلصت كفايه كدا مركز في اللي جاي واللي المفروض يحصل بقا ياسين : وايه اللي المفروض يحصل اروي : انك ترتاح شويه وبعد كدا تصحي تفهم كل حاجه عن علاج فرح وتفهمي ياسين : وانت ؟ قطع اروي عن الحديث دق الباب ياسين : ايوا عز من الخارج : بابا كنت عايزك اروي : ادخل يا زيزو دخل عز وهو يبتسم : مش مبهدلني وجايبني الارض غير زيزو دي ضحكت اروي علي تذمر ابنها ياسين : خير يا عز عز : بابا هاخد فرح و ملك ونخرج ولين كمان ياسين : هتروحوا فين عز : مش عارف بس فرح اللي عايزه تخرج ياسين : ماشي بس خد الحراسه وخد سيف و زينه معاك كمان هما كمان محتاجين يغيروا جوا عز : حراسه لي بس يا بابا مش الموضوع خلص ياسين : عز نفذ الكلام وخد الحراسه عز : حاضر مش عايزني اخد ماما بالمره ياسين : تاخدها فين يا غ*ي امك مش بتتحرك غير وانا معاها عز وهو يغمز لوالده : مسيطر انت اوي يا بوب ياسين : غور من قدامي يا عز عز : طب سلام بقا تكير يا بيبي ياسين : بيبي انا بيبي يا اروي اروي وهي مستمره في الضحك : معلش يا حبيبي طايش معلش ياسين : ماشي عشان خاطر العيون القمر دي بس بدل هما هيخرجوا ما تخليكي معايا هنا اروي : انا هقوم اروح ل عمو زين الدين فاته صحي واديله علاجه واطمن علي تالا ومايا وشوف رعد إخباره اي في الجواز ياسين : يادي رعد و تالا ومايا ماشي يا حبيبتي روحي اروي بهدوء : بس مش تمد بوز كدا لازم اطمن عليهم واخلص بس كل اللي ورايا دا و هقعد في حضنك للصبح ابتسم ياسين لكلام حبيبته فهي تستطيع أن تنزله من قمت غضبه وياسه الي أحضانها بمنتهي السهوله تحركت اروي من علي السرير وتركت ياسين يرتاح وخرجت من الغرفه …………………………………… في غرفة سيف عز : هااا هتيجي سيف : مش عارف هشوف رمزي كدا وزينه عز : رمزي يبني دي مراتك سيف : انت غ*ي ياض مهي مراتي بس لسه عند ابوها اوعي يا عز تكون مش قولت لجلال عز : لا مش قولت سيف : لا دا انت غ*ي بجد بقا عز : لي مش هي مراتي سيف : مراتك بس لسه عند ابوها لازم تستأذن قبل ما تاخدها وتمشي وتراعي وجود باباها يبني عز : مش عارف بس انا شايف أن عادي سيف : لا مش عادي وبلاش تزعل جلال منك واعمل ليه حساب اكتر من كدا عز : طيب هروح اقول ليه هز سيف رأسه بالموافقه وخرج عز من الغرفه سيف : ربنا يستر وتعرف تتصرف في حياتك يا عز بدل الهبل اللي انت بتعمله دا …………………………………… اصبح عز يدور في القصر كله يبحث عن جلال وجد ساره تجلس في الحديقه عز : طنط هو جلال فين ساره : نايم يا عز في حاجه عز كنت عايز استأذنه أن هخرج مع ملك و لين وفرح معانا و سيف وزينه ساره : مش عارفه يا عز روح ولما يصحي هقوله انك استأذنت مني عز : طب تمام شكرا لحضرتك ساره : عز هو انت لي بتعاملني كدا هو انت مش قابل وجودي عز : اكيد لا انا بعامل حضرتك عادي ساره : بحسك متحفظ معايا اكتر من اي حد دا حتي رعد اول ما مايا سمحتني هو كمان بقا بيتكلم معايا وبيتعامل معايا الا انت بحسك بتكرهني عز : اسف انا مقصدش اكيد بس انا بس مش اخد عليكي وبخاف اهزر او اقول حاجه انت مش تقبليها مني لانك مش عارفه هزاري ولا انا عارف انت هتقبلي مني هزار ولا لا ساره : يعم هزر برحتك انا اصلا بحب الهزار جدا عز : بجد مع انك تباني جد اوي ساره وهي تقترب منه وتقول بصوت هامس ساره : دا انا مش وقعت جلال غير بالهزار والضحك والجنون ضحك عز بشده وقال جلال دا اكتر واحد نفسه يولع فيا بسبب هزاري جلال من الخلف : وهولع فيك عشان قاعد تضحك وتهزر معاها عز بفزع : في اي مش انت بتقولي نايم جلال : لي خير كنت عايزني ولا حاجه عز : كنت عايز استاذنك أن ملك هتخرج معانا جلال بجديه : بعد ما جهزتوا جاي تستاذني يا عز انت بتتعامل معاها كأنها في بيتك وانا مش موجود عز : بص انا مش هكدب عليك انت طول عمرك صاحبنا كلنا واحنا بنعتبرك اخونا مش عمنا ولا زي ابونا انا مش كنت بفكر كدا ولا مركز في الموضوع لكن سيف شرح ليا الحته دي وعشان كدا جيت استاذنك جلال : ماشي يا عز أتمني انك تاخد بالك بعد كدا من التفاصيل دي عز : يعني أحدها ولا لا جلال : هي اصلا لبست بعد ما جت عرف*ني اصل بنتي يتركز في الحاجات دي ضحك عز واقترب منه وقبله من خده عز : قلبك ابيض يا جلجل اخر مره جلال : عارف يا حيوان لو قولت جلجل دي تاني مش هخليك تتجوز بنتي عز : وعلي اي انا عيطت وامشي سلام يا جلجل قالها عز وركض بعيد عن جلال تحت ضحكات ساره …………………………………… في غرفة زين دخلة اروي بعد أن دقت الباب اروي بابتسامه : كويس أن حضرتك صحيت يلا عشان نتغدا وتاخد العلاج معاده فات زين : شكرا بس مش عايز اروي وهي مازالت محافظة علي الابتسامه : لا مش هينفع كدا لازم تاكل وتاخد علاجك جلست اروي أمامه وبدأت في اطعامه زين : واحده غيرك كانت رمتني برا بيتها اروي : ازاي بقا دا انت جد اولادي وعم جوزي زين : جوزك اهو جوزك دا انا مستغربه منين سجني ومنين مقعدني في بيته اروي : ياسين لو كان سجنك فسجنك عشان تحاول تعيد تفكيرك مش قادره اوصفلك هو زعل ازاي لما عرف انك خرجة ولسه زي ما انت بنفس تفكيرك ودماغك ياسين بيحبك علي فكره نظر لها زين بصدمه اروي : ايوا متستغربش كدا ياسين بيحبك جدا انا شوفت دا وقت ما وقعت قدامه ولما انت كنت في المستشفي حتي معتز ورغم اللي عمله فيا ياسين بيحبه جدا وكل يوم بسمعه وهو بيدعيله في صلاته ويقرا ليه الفاتحه زين بدموع : عز عرف يربي ابنه ويزرع فيه الحنيه رغم أن ياسين بيحاول يخبيها اروي وهي تمسح دموعه : ملوش لازمه دموعك الوقتي حاول تصلح كل اللي انت عملته حاول ت**به وتعوض كل اللي حصل زمان صدقني هتلاقي الكل مرحب بيك زين بهدوء : ولادك مش قابلين بيا في بيتك اروي : ولادي مش فاهمين حاجه لسه شباب وصغيرين أنهت اروي إطعام زين اروي : بالف هنا تحب تطلع برا زين : لا انا عايز لين اروي : لين خرجة مع عز و فرح وسيف و زينه وملك زين : طب ادهم اروي : هشوفه فين وابعتهولك هو كان بيحضر نفسه للسفر زين : شكرا اروي : مرتاح كدا ولا اعدل ليك المخده زين : لا كويس اروي : طيب هروح اخلص حاجه وارجعلك علطول زين : برحتك حملت اروي صنية الطعام وخرجت من الغرفه زين في نفسه : يا تري لو مكنتش اتشلية كنت هكون كدا ولا كنت هكمل انتقامي من ياسين شوفت ياسين بيعمل معاك اي هو مراته ياسين اللي كنت لحد قبل اللي يحصلك بكام ساعه كنت بتفكر ازاي تاذيه اغمض زين عيونه بحزن فهو الآن ندم علي كل شيء فعله في سبيل المال اين المال الآن وهو راقد لا حول له ولا قوه زين : يارب يارب عفوك و غفرانك يارب …………………………………… في الحديقه ساره : جلال انا نرجع الشقه هاخد لين وارجع جلال : دا لي بقا ساره : خلاص ملوش لازمه أن أفضل هنا معتز والله يرحمه ومش يصح أفضل هنا اكتر من كدا انا استنيت لحد ما مايا ترجع واطمن عليها ولين تكون بقت كويسه اكتر جلال : واطمنتي علي مايا ضحكت ساره بشده ساره : رعد حابسها في الأوضه ومش راضي يخرج ولا يخرجها جلال وهو يضحك : رعد دا مشكله ساره : بكرا هرجه الشقه هناك ولين اكيد هتروح وترجع لاخواتها انا بس كنت عايزه منك طلب جلال : طبعا ساره : حسين لين بالحب و الابوه طول عمرها مفتقداها ممكن تحسها معاك جلال : من غير ما تقولي انا بحاول اعمل دا بس خليكي لآخر الاسبوع دا كدا كدا هنرجع كل واحد بيته بقا لما اجزة رعد وجاسر تخلص وكل حاجه هترجع زي الاول ساره بخيبة أمل : ماشي وقف جلال وتحرك بعض الخطوات ثم التفت ورجع الي ساره من خلفها ساره وهي لم تلاحظ الواقف خلفها : خليكي لآخر الاسبوع وبعد كدا ارجع ماشي يا جلال مااااشي جلال وهو يهمس في اذنها مما جعل ساره تشهق بخجل وفزع جلال : لسه متغيرتيش يا سرسور وبتبرطمي بردو عموما مش هينفع تفضلي معايا لحد ما عدتك تخلص وبعدها مش هتبعدي عني تاني ابدا انهي جلال كلامه وانسحب وكأنه لم يقول شيء نظرة ساره خلفها وجدته ابتعد ابتسمت بسعاده فهي تاكدت أن جلال مازال يكن لها بعض المشاعر …………………………………… في احدي المولات الشهيره كان البنات يمشون بمرح وسط ضحكاتهم علي سيف وعز الذين يتذمرون بسبب اختيار فرح للتسوق هي والبنات عز : يا بنتي هروجة اي اللي انت عايزه تعملي فيها شوبنج دي فرح : يا عز عايزه ابداء اشتري لبس محجبات وكدا عشان مع اول جلسه هلبسه سيف : فرح … قطعته فرح : سيف انا كدا أو كدا كنت عايزه البس الحجاب وربنا سبب الموضوع دا ويلا اختاروا معايا ملك : انا جعلته يا عز عز : وانا. الله يا قلب عز زينه : انتو اي اكل وبس سيف : والله انا خايف من إنتاجهم هتخلفوا اي دباديب لين : لا فيله ضحك الجميع عز : هيهيهيهي خفه انتي وهو طب اي رايكوا انا هاخد ملوكي ونروح ناكل وانتو كملوا لف بقا فرح بتذمر : اللي هيتحرك من جنبي هقتله عز : اهدي يا شبح متتحولش خلاص اكملوا اليوم وسط الكلام والضحك والأكل …………………………………… بعد مده في القصر وتحديدا في الصالون كان الجميع مجتمع في الصالون يشاهدون التلفاز ياسين : هو رعد و مايا فين نظر جلال وساره لبعضهم ثم ضحكوا اروي : في اي ضحكوني معاكوا جلال : كل ما حد يخبط علي الباب بتاع رعد ونقول عايزين مايا يحلف ماهم خارجين ولا حد شايفها ياسين بصدمه : ايه لي جلال : ابنك بيحاول يستفرد ببنتي رمزي : والله كل شويه الواد دا يثبتلي أن عرفة اربيه مش زي جاسر جاسر بضحك : يعني احبسهالك عشان تبقا عرفة تربيني ياسين : دا انا اقتلك جاسر : ما انا عارف عشان كدا هي قاعده جنبك اهي ياسين : جهوي العشا يا اروي لما اطلع انزل ابنك بدل ما البت تموت اروي : مش عارفه بيفكرني بحد كدا قالت اروي الاخيره وهي تنظر إلي ياسين نظرات ذات معني ضحك الجميع علي ياسين واروي ونظارتهم المتبادله …………………………………… في غرفة رعد مايا : رعد سيبني انزل اشوف بابي و مامي رعد : لا انا اصلا مكنتش عايز ارجع عشان كدا مايا : عشان اي بس يا حبيبي رعد : هياخدوكي مني وانا عايز افضل نايم كدا وانت نايمه في حضني مايا : يا حبيبي دول اجوا خبطوا علينا وانت مش رضيت تخرجني رعد : لا بردو مش هنخرج حتي مش هنتعشي هه مايا وهي تحاول أن لا تضحك : الا العشا انا جعانه يا رعد قطع رد رعد دق علي الباب رعد بصوت عالي : قولت مش هتخرج يا جلال ياسين من خلف الباب : اسمع يالا قدامك عشر دقائق أن مش كنت علي السفرا انت ومايا عطله وأخش و وقتها مش هتخرج من تحت ايدي فيك حته نافعه رعد : احم وراك يا باشا ضحكت مايا ونظر لها رعد بغيظ رعد : فرحانه يختي اتفضلي ننزل بدل ما يطلع بجد …………………………………… جلس الجميع علي السفرا للعشاء وقد اتي عز وفرح وملك ولين وسيف و زينه من خارج وجلسوا أيضا ياسين : ادهم طيارتك الساعه 10 ادهم : شكرا لحضرتك ياسين : أتمني انك متتاخرش لأن محتاجك هنا في الشركه ادهم : ممكن نتواصل سوا لو حاجه مستعجله واخلصها وانا هناك سيف : ياريت عشان الموضوع دا بجد تعبني ياسين : اهو ادهم هيريحك منه خالص ياخويا سيف : الحمدلله يارب ياسين : لين و فهد هتدرسوا اي في مصر عشان الدراسه بعد شهرين وعشان التقديم لين : انا عايزه ادخل فنون جميله لأن بحب الرسم فهد : وانا كمان انا اصلا كنت في فنون جميله حسام : طب ما تدرس حاجه ليها علاقه بالاقتصاد والتجاره عشان تمسك الشركه معايا وخلي الفنون الجميله هوايه فهد : اوعدك أن ندرس فنون جميله وفي نفس الوقت هنمي نفسي في مجال الأعمال واساعدك حسام : اللي تشوفه ياسين : الباشا اللي المفروض مسؤل عن الجزء الإعلامي بالمجموعة ومش بشوف وشه هناك عز : هبداء اجي من بكرا حاضر ياسين : وانت يا رعد عايزك تبداء تنزل الشركه بردو وتعرف في الشغل وتمشي فيه اكتر رعد : انا عريس الاجازه الجايه ياسين : يبني انا مش بقولك متبقاش عريس بس هتفضل في البيت يعني رعد : اها ياسين : يارب صبري واستاذ جاسر جاسر : حاضر هنزل انا كمان بعد يومين كدا استمرة السهره بعد العشاء بين الحديث والضحك علي النكت التي يلقيها عز الدين إلي أن صعد الجميع الي غرفته لكي يرتاح من هذا اليوم الطويل …………………………………… في الصباح كان الجميع يجلس علي المائده ومستعد للذهاب مع فرح الي المشفي ياسين : هو انتو كلكوا خارجين رعد : كلنا رايحين مع فرح ياسين : كلكوا اي مفيش حد هيروح غير انت ومامتك انتو تفضلوا هنا واحنا هنطمنكوا و عايزكوا تشوفوا ممرض شاطر كدا عشان الادويه ويراعي جدك رعد بتذمر : حاضر دخلة فرح وهي تردي فستان طويل احمر عليه بعض الورود السوداء وحجابها الاسود فكانت جميله جدا فرح بمرح : صباح الخير الجميع بانبهار : صباح النور ياسين : اي الجمال دا يقلب بابي فرح : حبيبي يا بابي ثم بعثت له قبله في الهواء حسام : اها لو كنت اصغر شويه فرح : لالا معلش انت عارف ان بحبك كدا اروي : يلا يا لمضه علي العربيه سيف : هي مش هتفطر اروي : لا لازم تروح صايمه هتعمل تحاليل قبل اي حاجه وهتفطر هناك سلم الجميع علي فرح وخرجة فرح وهي تضحك وتركض مع أمام ياسين وتتكلم معه اروي : يارب يارب دي ضحكتها مفرحانه كلها هي فرحة البيت يارب احميها واشفيها يارب يتبع…….. بقلم الاء ابو العز ❤️

Free reading for new users

Scan code to download app

App Store Google Play

Facebookexpand_more