KASABAY nang paglapit ni Richard kay Isabella, siya namang pagluhod ni Stephen sa tabi ni Rapunzel. Nang akmang bubuhatin na ng binata ang nobya niya saka naman lumapit si Derrick para daluhan si Genevieve.
“Anong nangyari? Bakit sila nawalan ng malay?” usisa ni Derrick habang buhat nito si Genevieve.
“Masyado yatang malakas ang puwersang pinakawalan ni Richard kaya pati sila nadamay sa disgrasya,” sabi ni Stephen.
Nagpanting ang tainga ni Richard. “Anong disgrasya ka diyan? Buhay naman sila. Nawalan lang ng malay,” matigas na wika niya.
“Wala naman akong sinabing patay sila, ah. Baka iyong si Navalta ang patay,” angal ni Stephen.
“Patay na si Navalta?” tanong ni Kurt nang makarating sa kinaroroonan nila.
“Hindi ko sigurado. Pero nakabulagta pa rin siya doon.” Inginuso ni Stephen an
