“HOY, RICHARD! Hayaan mo na sila. Bahala na sina Stephen at Wilbur na magbantay sa kanila,” sabi ni Enrico nang tapikin nito sa balikat si Richard.
Awtomatiko namang napatingin si Richard sa kaibigan niya. “Kinakabahan lang kasi ako. Baka mamaya niyan sa dami nila na binabantayan nina Stephen, may mapahamak sa kanila. Hindi ko yata kayang isipin na masasaktan si Isabella.”
“Sino ba naman ang makakaya na masaktan ang mate niya? Wala naman, hindi ba? Pero kailangan nating magtiwala sa kakayahan nina Wilbur at Stephen. Kung ako lang ang masusunod, mas gusto kong bantayan na lang si Genevieve kaysa sa alalahanin ang ibang tao. Kaya lang kabilin-bilinan ng mga magulang natin na responsibilidad ng bawat taong lobo na pangalagaan ang buhay ng mga tao bukod sa mate natin,” pahayag ni Derrick.
“
