“AAH! ARAY! Mommy, ang sakit!” hiyaw ni Isabella.
Kasalukuyang inaalis ng mommy niya ang kanyang hikaw ngunit napapasigaw na siya gayong hinahawakan pa lang nito ang tainga niya. Nasasaktan siya sa paraan ng pagkakahawak nito sa kanyang tainga.
“Ano ka ba namang bata ka? Tainga mo pa lang ang hinawakan ko umaaray ka na. Ni hindi ko pa nahawakan iyang hikaw na suot mo,” naiinis nitong sabi.
“Pero ang sakit, Mommy. Ayoko na!” reklamo ni Isabella. Sobrang sakit at hindi niya kayang i-tolerate. Pakiramdam niya tinusok siya ng napakaraming karayom dahil lang sa paghawak ng mommy niya sa kanyang tainga.
Agad naman siyang binitiwan ng ina. “Ang arte mong bata ka! Pinapatanggal mo ang iyong hikaw tapos ngayon nagrereklamo ka naman. Ni hindi ko ma nasasagi iyang hikaw mo panay na ang pag-aray
