“GENEVIEVE! Uuwi ka na ba? Sabay na tayo,” wika ni Isabella nang salubungin si Genevieve sa hallway.
Umiling si Genevieve. “Hindi ako sasabay sa iyo ngayon. Nasa labas si Derrick. May pag-uusapan kami. Sumabay ka na lang sa akin palabas. Baka naroon din si Richard.”
Napakunot ang noo ni Isabella. “Richard? Sinong Richard?” Hindi niya yata kilala pangalang tinutukoy nito.
Napakamot ng kanyang ulo si Genevieve. “Oo nga pala. Nasabi mo nga pala sa akin noong isang araw na hindi mo maalala si Richard. Halika, ipakilala kita sa kanya ngayon.”
Bago pa makapagprotesta si Isabella, hinawakan na siya sa kamay ni Genevieve saka siya nito hinila palabas ng admin building. Pagdating nila sa labas, may kinawayan ang kasama niya.
Nang sundan ito ng tingin ni Isabella, napansin niya ang dalawang la
