“GRABE! Halos ayaw nila tayong palusutin, ah,” nagpapalatak na sabi ni Jade paglabas nila ng kuwarto. Katatapos lang ng kanilang defense.
Hindi rin makapaniwala si Isabella na nalusutan nila ang napakahirap na panggigisa ng panel. Akala niya kanina magre-redefense sila dahil may mga katanungan ang panel na hindi nila masagot nang maayos. Kinabahan silang lahat sa grupo lalo na silang dalawa ni Alicia dahil sila ang sumalo sa napakaraming tanong ng panel. Mabuti na lang at talaga namang matalino ang leader nila kaya kahit paano nasagot nila ang lahat ng mga katanungang ibinato sa kanila.
“O, paano iyan? Magkanya-kanya na tayo? Sa Friday na lang tayo mag-celebrate. Sa ngayon magsiuwi muna tayo dahil pagabi na. See you tomorrow, guys!” ani Alicia saka sila isa-isang kinamayan. Pagkatapos h
