“BAKIT hindi ka pinayagang mag-sleep over? Bakit daw?” usisa ni Jade nang sabihin ni Isabella sa mga kaibigan na hindi siya makakasama sa paggawa nila ng research paper.
Nagkibit-balikat siya. “Hindi ko rin alam, eh. Basta sabi ni Mommy susunduin daw ako ni Mang Romy mamayang uwian.”
“Luh? Hindi mo ba sinabi na tatapusin natin iyong research paper para makapag-defense na tayo next week?” tanong ni Katherine.
“Sinabi ko na rin iyan pero ayaw talaga ni Mommy. Sabi rin ni Daddy na nandiyan naman daw kayo kaya bahala na kayo sa research paper natin. Tutal patapos na rin daw. Tutulong na lang daw ako sa defense natin,” ani Isabella.
Napangiwi si Jade. “Magagalit si Alicia nito, eh. Pero sige, ako na ang bahalang makipag-usap sa kanya. Basta sa defense, ikaw na ang bahala sa amin.”
Tumango
