NAISIP ni Amanda na habang tumatagal ay lalo siyang naguguluhan sa sitwasyon niya ngayon. Lalo siyang nahihirapan at sa tingin niya ay hindi na niya kakayanin ang mga susunod na araw kung patuloy lang siyang magkukunwari at magbubulag-bulagan sa isang bagay na alam niyang hindi niya maaaring takasan.
Pinipilit pa rin ni Arthur na bumisita sa kanya sa Mandy’s dahil abala ito ngayon sa exhibit, pati na rin sa dumaraming schedules ng bago nitong banda. Para kay Amanda ay okay na rin siguro ang ganoon na hindi sila masyadong nagkikita hindi tulad noon dahil sa totoo lang ay ayaw niyang mas maging attached sa binata.
Kahit anong pilit ang gawin niya ay hindi talaga niya kayang ibigay kay Arthur ang matagal na niyang naibigay kay Justin. Nakakatawa man, naamin na ni Amanda iyon sa kanyang sari
