NGAYONG may iba nang mga karakter sa buhay nina Amanda at Justin, marami nang nagbago lalo na sa pagkakaibigan nila. Alam nilang hindi na lang sila ang tao sa mundo at kailangan nilang mag-adjust sa pagbabago’ng iyon. Kailangan rin pakisamahan ni Justin si Arthur, at ganoon rin si Amanda kay Samantha.
At alam ni Amanda na hindi iyon magiging madali.
“This is really good!” sabi ni Samantha nang matikman ang dessert na chocolate cake na gawa niya.
Naroon silang apat sa Mandy’s – siya, si Arthur, si Justin at si Samantha at iyon ang unang pagkakataon na nagkasama-sama sila sa isang dinner.
“That’s Amanda’s own recipe,” pagmamalaking sabi ni Justin at pagkatapos ay tiningnan siya nito. “And that’s always the restaurant’s bestseller.”
“Maybe you could teach me how to make this, Amanda?”
