WALA na ring nagawa si Amanda nang magpumilit si Justin na ihatid siya hanggang sa apartment niya nang gabing iyon. Sabi pa nito, kung ito raw si Arthur ay hindi siya nito hahayaang umuwing mag-isa lalo na sa ganoong oras.
Bumaba si Amanda ng kotse nito at sinabayan siya ni Justin papasok sa lobby. Ito pa ang nagdala ng mga bitbit niyang paper bags hanggang sa elevator, hanggang sa tapat ng pinto ng unit niya.
Mula sa coffee shop ay iniisip na ni Amanda kung tama ba na sabihin niya sa kaibigan ang totoo tungkol kay Samantha. Kinuha niya ang susi sa kanyang bulsa, iniisip pa rin kung paano sisimulan ang sasabihin. Tumalikod siya para buksan ang pinto, pero saglit na natigilan. Nanatili siyang nakayuko, seryosong nakatingin sa doorknob. Kailangan na niyang sabihin ngayon, dahil alam niya
