SA totoo lang ay nagdadalawang-isip pa rin si Amanda na ipakilala si Arthur kay Justin. Dahil sa tuwing may ipinapakilala siya rito kahit nga kaibigan lang, parati itong may komento. Marami itong pintas na alam at sigurado siya na hindi nito palalampasin si Arthur at hahanap at hahanap iyon ng mali sa binata.
Pero dahil sa pagpupumilit nitong makilala nang personal si Arthur, wala na rin siyang nagawa. Tutal, doon rin naman hahantong ang lahat, lalo pa’t habang tumatagal ay napapalapit na ang loob niya rito.
Tahimik lang ang naging dinner at hindi alam ni Amanda kung sino ang hindi komportable sa dalaawa - si Justin o si Arthur. Wala naman siyang maisip na paksa na maaring pag-usapan dahil magkaiba’ng-magkaiba ng personalidad ang mga ito kaya tahimik lang sila sa buong dinner, maliban na
