“TONY! Hindi ka binabayaran dito para makipagkuwentuhan sa telepono!”
Napatingin ang lahat ng staff sa kusina sa malakas na boses ni Justin. May mga nahulog pang mga kawali at kubyertos sa hindi kalayuan. Ilang minuto pa lamang si Tony sa pakikipag-usap sa telepono at hindi lang nito narinig ang pagtawag ni Justin ay sumigaw na ito bigla. Bagay na ngayon lamang nangyari kaya naman gulat na gulat ang lahat ng naroon, lalo na si Amanda, na kasalukuyang kausap si Arthur. Pumasok ito sa kusina nang di oras, kasunod si Arthur.
“Kanina pa kita tinatawag doon sa itaas, hindi mo ba ako naririnig?” malakas niyang. Namumula ang mukha ni Justin at tumutulo ang pawis sa leeg at noo kahit pa nga naka-ipit ang mahaba niyang buhok.
“Sir, pasensiya na po,” mahinang sagot ni Tony na nakayuko lamang at
