Dream Catcher

Ilang araw matapos ang ika-labing siyam na kaarawan ni Aliah ay may kakaibang nangyari sa kanya. Nagising na lang siya na nasa loob ng isang madilim na silid at nasa harapan niya ang isang matandang babae na may hatid na balita tungkol sa mga kakayahang taglay `di umano niya. Then she started having bad dreams. Napanaginipan niya ang pagkamatay ng lolo at lola niya. Noong una ay ayaw niyang maniwalang nagkakatotoo ang mga panaginip niya. Pero nang maulit iyon sa isa niyang tiyahin, doon na siya nagsimulang matakot. Naging mahirap na para sa kanya ang pagtulog sa gabi kaya nagpasya siyang hanapan ng paliwanag at sagot ang mga nangyayari sa kanya. Sa paghahanap niya ng kasagutan ay napadpad siya sa Floridablanca at doon ay nakilala niya ang binatang si Yuri na tinaguriang “child of the moon” at isa sa mga pinakamakapangyarihang miyembro ng lihim na samahan na tinatawag na “DIWA.” Sa tulong ni Yuri ay hindi lang kasagutan sa mga tanong niya ang natagpuan ni Aliah. Unti-unting nahulog ang loob niya sa binata kahit na alam niyang may Luna na sa buhay nito. Si Luna na sa tingin niya ay higit na mas makapangyarihan kaysa sa kanya. Aliah has a healing power while Yuri was cursed to die before he turned twenty one. And only Aliah could save him from his impending death. But for her to do that, she has to sacrifice her own life.