Sigurado akong kung sa ibang faction ako napadestino (especially kung sa Rayse kung saan artificial snowfield ang kanilang bakuran) ay ramdam na ramdam ko na ang lamig ng pasko dahil last day na ng pasok ngayong buwan ng December. Pero dahil sa Almorica ako napa-destino, heto ako, naglalakad sa maiinit na buhanginan ng katanghaliang tapat pabalik sa aming school building.
Pagpasok ko sa lobby ay automatic na natingin na ang aking mga mata sa malaking monitor sa pader para tingnan kung meron na namang bagong pahirap ang mga higher faction through the High Council para sa season of giving and sharing.
Sure enough, hindi ako na-disappoint. Isang nakakairita at nakasanayan na ng mga mata kong malaking ANNOUNCEMENT na may emblem ng university ang nasa gitna ng screen at naghuhumiyaw na "HOY M
