"Everything's ready. Come with me, ipakikilala kita sa mga pinsan ko,"
Tahimik na tumalima si Reign at sumunod kay Roj. Parang fiesta sa rancho. Halos nandoon na ang mga kamag-anak ni Roj dahil sa gaganapin nilang kasal sa susunod na araw. Parang biniyak ang puso niya. Marahil, sa lahat ng babaeng ikakasal ay parang siya ang namatayan. Right, being married to Roj was like her deathday.
Kailangan niyang tiisin ang kayabangan nito. Hindi pa rin kumukupas ang ugali nitong iyon. Marahil ay tumindi pa katulad ng pagtindi ng kaitiman at katabaan nito. Ang pinagpapasalamat na lamang niya ay mukhang hindi nga ito interesado sa kanya. Parang trophy lang siya na proud ipinangangalandakan sa lahat ng tao.
Napahinga siya ng malalim. Magmula ng sunduin siya nito halos isang linggo ng nakararaan sa L
