Kabanata 20
“Magpapaliwanag ako, Isaac…” Kita ni Nathalie ang pagkuyom ng kamao ni Isaac, alam niyang galit ito kaya sobrang kaba ang nararamdaman niya. Ayaw niyang magalit sa kan’ya ulit ang asawa gayong okay na ang relasyon nilang dalawa.
“Isaac…” kinakabahang sambit niya sa lalaki.
“Sino iyon?” malamig na tanong ni Isaac.
“Si Tiya Sonya, kapatid ng Tatay, nangangamusta lang,” palusot niya. Ayaw niyang sabihin sa lalaki ang totoong pakay ng kan’yang tiyahin dahil baka hindi siya nito paniwalaan. Baka mag-iba rin ang tingin ng lalaki sa kan’ya.
“Iyon lang ba?” tanong ulit ni Isaac kaya napatango siya. Rinig niya ang pagbuntong hininga ng lalaki saka hinawakan siya sa pulsuhan. Masakit ang pagkakahawak niyon na para itong nanggigil sa kan’ya.
“I heard everything…” Kumunot ang no
