الفصل ١٥
500 Words
انا مش جيالك يا دكتورة النهاردة عشان انا عندى مشكلة و محتاجة حد يحلها معايا، و لا علشان اكتشفت انى عندى مرض نفسي محتاج متابعة و علاج، انا جاية عشان اوجه من خلالك رسالة، هقولك رسالة تنزليها على صفحة العيادة بتاعتك تكون رسالة لكل راجل، تكون رسالة لجوزى، و حضرتك متابعينك كتير.
انا عايزاكى تنزليها بنفس الصيغة اللى هقولها دى، ممكن تسجلي؟
وافقت انى انفذ طلبها و انا عندى فضول كبير اعرف ايه هى الرسالة اللى جاتلى انا مخصوص عشان توجهها لزوجها و لكل راجل!!
بمجرد ما بدأت التسجيل هى بدأت فى الكلام و اللى كان مترتب و كإنها مجهزاه و مفكرة فيه اكتر من مرة: رسالة لزوجى (الخائن)ولكل زوج بي**ن و هو فرحان ان مراته مستحمله و ساكته و قليله الحيلة و مغصوبه على انها تعدى و تصبر علشان اولادها.
خلى بالك يا خاين انى مش ساكته و لا راضيه انا طول الوقت بدعى عليك و بتمنى موتك ..
ايوة موتك عارف ليه؟؟علشان اول ليله ليك فى القبر هتكون اول ليله ليا انام مرتاحه لانى وقتها هكون عارفه مكانك و متأكده انك مش نايم عند واحدة من عشيقاتك زى كل ليله .
هتكون اول ليله انام فيها براحتى فى الميعاد اللى اختاره و هصحى براحتى برضو من غير تحكمات .
هيخلص العزا و كل واحد يروح لحاله و هلبس اسود عليك 3 ايام حسب الشرع ما بيقول ..
.اه ما هو الشرع مش بيقول ان الراجل ليه انه يتجوز اربعه و بس كده!
و هروح شغلى عادى من غير ما اسمع منك كلام التقليل منى و الاهانه و كأن ماليش لازمه.
الاولاد حياتهم هتتنظم صح و هترجع ثقتهم فى نفسهم تانى لانهم مش هيسمعوا شتيمتك ليا و لا ض*بك فيا تانى.
د*كورات البيت هتتغير بعد ما كنت رافض يندق فيه مسمار ..
عارف هتتغير منين؟
من فلوسك اللى كنت بتبخل علينا بيها و تخببها فى حسابات منعرفش عنها حاجه ..بس دلوقتى هنعرف باعلام االوراثه
و برضو هصرف فلوس شغلى على البيت زى ما كنت بتغصب عليا.
بس دلوقتى بحريتى و عن رضا منى ..اخواتك اللى كانوا بيجوا يتخدموا خدمة فندقيه و فى الاخر يقوموك عليا و يقول لك ا**رها علشان متفتكرش انها اعلى مننا، مش هيدخلوا بيتى تانى الا لو مناسبات و ياخدوا واجبهم و يمشوا.
ده بس صله رحم لاولادى ... اه و نسيت اقولك موبايلك هعمله سوفت وير علشان انت عامله بالب**ه و بالمرة تتمسح كل القذارة اللى عليه.
هنعيش فى استقرار نفسى كل الخيانة و الظلم ليا هينتهى و جايز هيتنسى لكن للاسف هيلازموك حتى و انت فى قبرك، ما هما من اعمالك اللى هتدخل معاك القبر. و هتتحاسب عليها و طبعا انا مسامحتش فى حقى.
و مش هطلب من ربنا انه يسامحك.
لانى بتمنى ميسامحكش لا دنيا ولا اخره على كل التشويه اللى سببته فيا.
هو ده تفكير اى واحده جوزها بي**نها و دى أمنياتنا، متفرحش اوى بضعفها و خضوعها و قلة حيلتها و **تها على الق*ف اللى انت بتعمله، و تزيد فى جبروتك و خيانتك، عشان انت غلبان و معندكش فكرة عن اللى هى بتتمناهولك من جوه قلبها و اللى ممكن جدا ربنا يستجيب ليها و يتحقق فيك كل اللى هى بتتمناه و اكتر.
- Writer
