رواية إحكيلي

الفصل ١٠

المرة دى بقى حكاية راجل!، ايوا زى ما قريتوا كده، راجل هو اللى عنده مشكلة و جالى عشان يعرضها عليا و عايز حل ليها، كنت متشوقه بجد اعرف مشكلته، و توقعت انها هتكون مشكلة بعيدة عن الزوجة، اصل نادرآ لما تكون الست هى سبب المشكلة النفسية لراجل، لكن اتفاجئت بكلامه لما قال: مشكلتى زى مشاكل كتير اوى، هى مشكلة اجتماعية أسرية

انا اتجوزت من 4سنين عن حب و بحب مراتى و انا حاليا متغرب بقالى سنتين نزلت مرتين فيهم اجازة عندى بنت و فى بيبي جاى فى الطريق انا مشكلتي مع مراتى من قبل الزواج العند و تنشيف الدماغ، انا بتعصب جدا من الموضوع ده و كل مشاكلنا بسبب ده هى شايفه انى مبتغيرش و انى ما بعترفش بغلطى برغم انها كتير بحس ان هى اللى كده و بتتعمد تعمل معايا كده.

المشكلة دلوقت ان احنا خلاص تقريبا على حافة إنهاء العلاقات بسبب الآتى اسمحيلى احكى المشكلة بالتفصيل، كانت مسافرة رايحة بلد اهلها و متفقين على كده.

فى اليوم إللى كانت مسافره فيه شدينا سوا كان ردها بالنسبالى مستفز جدا، كنت قايلها على حاجه بفكرها بيها قالتلى لما تبقى تعمل انت كده هبقى انا اعمل كده، رديت عليها و قولتلها متخلنيش اقولك مش هاتسافرى خالص، كان ردها لا هسافر لاقيت نفسى من غير ما احس بحلف طلاق انها مش مسافره النهارده المكان ده.

ردت هي و قالت طلاق على طلاقك هسافر النهاردة، و طبعا انهارت و كده و قفلت التليفون.

والدتها اتصلت بيا اتكلمت معايا و قالتلي ليه تعمل كده و خليها تسافر، طبعا انا مرضيتش عشان حالف ل و نفس الكلام مع ابوها، اتصل برضو و كلمنى و حاول معايا انى اسمحلها بالسفر و انا وضحتله اللى حصل

اتصلت هى بوالدى تشكيله و تقوله انا ما بيتحلفش عليا بالطلاق و لو هيفضل كده احنا مش هينفع نكمل مع بعض و كلام تانى مكنش المفروض ان والدي يعرفه لانه المفروض أنه كان بينا عن العيشة و ظروفنا و نفس الكلام مع والدتى كمان.

و قالت لبابا لازم يتصل ببابا و ماما يعتذرلهم.

بعديها بقى لقيتها بتنشر كلام فى بوستات من إللى تحرق الدم و بقيت غلطان و لازم أعتذر و هى كده مش غلطانه و لو غلطانه يبقى انا إللى غلط الاول، كلمت مامتها و كلمت باباها و مش بنكر انى رديت برضو ببوستات تحرق الدم بس من حرقتى.

المهم الفترة دى انا تعبت و وقعت فى الشغل على رجلى و هى ما اتصلتش و لا سألت فيا برغم انها عرفت ان حصلي كده.

و بمر حاليا ب*روف ماديه صعبة عليا ديون و كده و بسد فيها فبعت مصاريف ليها و لبنتى و هى كانت عايزة فلوس تانى لحاجات تانيه فلما بقولها ظروفى دلوقتى كده ردت و قالت دى ظروفك على طول و كلام كده و انت نسيت إللى عملته معاك بقالى 7سنين.

حسيت باهانه جامده الصراحة وحسيت بنار بتغلى فى نفوخى بعت رسالة لوالدتها اشتكى من اللي بتقوله، بقولها ينفع ان بنتك تعايرنى ب*روفى لاقيت أختها الصغيرة هى اللي اتكلمت قولتلها انا مش قادر اتكلم ترد أختها انت ليه م**م تكبر المواضيع و ليه مش شايف انك غلطان و طريقة كلامك مستفزه و انا كل ردى انتوا صح سبونى فى حالى دلوقت و مفيش فايده برده م**مه انها تتكلم رديت قولتلها ياريت ما تتدخليش فى حياتنا تانى.

ازاى بقى اقولها كده لاقيت مراتى بعتالى مسيدج بتقولى حسبى الله ونعم الوكيل فيك انت خسارة الحب اللي اهلى حبوه ليك، انت إنسان ماينفعش يعيش غير لوحده و انت ما تستاهلش حاجه.

انا اتصدمت من كلامها و قولتلها و لا هقدر احسبن عليكى و لا هقدر اقول زيك عشان اللي بينا.

عدا كام يوم و بعتلها رسالة بحاول أصلح و اهدى الدنيا و قولتلها انها وحشانى و انى زعلان بس لسه بحبها.

ردت بالتالى

ان احنا بنحب بعض حتى لو مكملناش و انها مش عارفة اذا كنا هنكمل و لا لا و قبل اى كلام لازم أكلم أختها اعتذرلها.

ياريت تقوليلي اعمل ايه عشان انا مبعرفش انام بسبب الموضوع ده و خصوصا انى مسافر تانى قريب فبالتالى ببقى عايش لوحدى و بطولى يعنى لو وقعت ممكن محدش يلحقنى.

""""""""""""

اتعجبت اوى من قصته، و اتعجبت اكتر من استسلامه ليها بالشكل ده، و هو مش عارف انه كل ما يحسسها انه مش قادر و لا عارف يعيش من غيرها كل ما هى هتتمادى اكتر فى الغلط معاه، و ان كان عليه هو فغلطته انه متسرع و مش بيتدارك الامور بطريقة صحيحة فى وقتها، بيعمل اللى بيحس بيه و بعدها بيرجع يندم و يحس انه ليه انا عملت كده و ياريت ما عملت..

يمكن فى حلقة مفقودة كمان، عن ايه هو السبب اللى بيخليها تتعامل معاه كده و متسمعش كلامه و متحاولش ت**به، فى جلستى معاه حاولت اكتر من مرة انى افهم منه اكتر و اكتشف الحلقة المفقودة دى، لكن كان كل كلامه و حكاياته هدفها الوحيد انه يأكد على وجهة نظره انه مظلوم و مش بيعملها حاجة تستاهل منها كده، يمكن دى الحقيقة و هى زوجة متمردة نادرة بقا**ها فى رحلة ممارستى للمهنة، و يمكن هو بيإذيها بطريقة ما و بيخلي ده رد فعلها غصب عنها، يمكن عشان مسافر و بعيد و البعد بيولد الجفاء، انتو بقى رأيكم ايه؟؟