الفصل ١١
1274 Words
نرجع تانى لقصص السيدات المظلومة و المقهورة، عشان نشوف قصة واحدة جديدة منهم.
'"""""""""""
انا متزوجة من سنتين و نص تقريبا.
و حملت من اول شهر و لكن للاسف شوفت في ولادتي عذاب في كل شئ.
ولدت طبيعي على يد دكتوره اضطريت اسفه اني اولد معاها لان مفيش غيرها طبيبة ست هي و واحدة كمان في بلدي و الطبيبة التانيه مرضيتش تنزل تولدني لان الولاده جاتلي على غفلة يوم اجازتها من العيادة!!
ولدت مع الطبيبه التانيه و اتعذبت جدا نفسيا وجسديآ.
جسديا بسبب الخياطة الغلط و اني فضلت ٤٠ يوم بتعذب من الوجع و التشويه اللي سببته ليا.
و نفسيا بسبب بجاحتها و سوء ل**نها اثناء الولاده و الفاظها الصعبة و طريقة تعاملها معايا للاسف مش عارفه اوضح اكتر من كدا.
و اتعقدت من الولاده جدا و قررت اني مش هخلف تاني.
و لكن ربنا اراد اني احمل خطأ و كنت عايزه انزله و لكن كل الشيوخ الموثوق فيهم افتوا انه حرام الاجهاض طالما مفيش سبب قوي زى خطر على حياتى لو استمر الحمل، او انه الجنين عنده مشاكل كبيرة جدآ فالاجهاض يكون ارحم بيه.
و انا حاليا في الشهر التاسع و كل يوم مبنامش من التفكير و اعصابي تعبانه جدا مش بس بسبب الم الولاده و لكن بت**ف جدا من وضع الولاده و بحس فيه قهر رهيب عليا و اضطريت اروح لطبيب راجل و انا كلي قهر اني هكشف عند راجل لان في بلدي زي ماقولت مفيش غير الطبيبتين دول
و سالت في اقرب مدن ليا لقيت سعر الولاده غالي جدا عليا و مش مناسب لظروفي حاليا.
و حصل موقف و انا بكشف اخر مرة و هي اني حكيت للممرضة اللي حصلي في الولاده الاولي.
و انا عارفه طبعا اني غلطت لما حكيتلها.
و لكن دا اللي حصل، و هي قالتلي ان الدكتور هيقدر يصلح اخطاء الطبيبه الاولي.
فلما دخلت الكشف حكيت للطبيب وضعي و قالي هيكشف على الجرح عشان يشوف هيقدر يعمل ايه.
وقتها هي دخلت و فضلت تبص معاه على الجرح.
و للاسف ل**ني اتكتم وقتها مقدرتش اقولها بتعملي ايه.
و خرجت حاسه بقهر الدنيا كله فيا.
لاني اضطريت اكشف عند راجل، و لاني حسيت اني ف*جة لواحدة مش محترمة استحلت طيبتي و فضولها دفعها انها تجرحنى بتصرفها ده.
للاسف مفيش حل غير اني اولد مع طبيب راجل و حتى لو ولدت مع ست بحس بقهر كبير جدا جدا ان ليه جسمي يتكشف علي اي شخص ايا كان هو مين.
للاسف انا مضطره اولد طبيعي برضو، عشان التشويه اللي حصل لازم يتصلح.
و حتى القيصري بيركبوا فيه قسطرة و برضو جسمي هيكون مكشوف ليهم.
حاسه اني مقهوره و الاكتئاب مسيطر عليا من ولادتي الاولي لحد الان و مش عارفه ازاى هواجه اليوم ده تانى او انى اقدر حتى انى اعيشه.
و لما بلاقي الناس كلها جنبي خلفوا و متاثروش نفسيا زيي، و كلامهم كله ان الدكتور دا هيبص ع ايه هو فاضيلك و لا انتي بتبقي مركزة، و عندهم سلام نفسي.
الا انا على طول حاسه ب**ره نفس و ظلم
انا مش عارفه ايه الحل، و هل انا مكبره المواضيع، و لا الناس اللي مبقاش عندها احساس...
اللي تاعبنى ان الممرضه دي اصلا كانت قاعده برا بتحجز الكشوفات بس، و كان في ممرضه تانيه هي اللي بتقف مع الدكتور و لكن بدلت معاها لما انا دخلت و دخلت واقفه عند رجلي تتف*ج انا مش معترضه على وجودها في غرفه الكشف لكن ليه تتف*ج ؟؟؟
هي هتشخصلي مثلا؟ ثانيا انا بحس نفس الاحساس في الكشف سواء عند طبيب راجل او ست و ان كان مع الراجل اكتر و لكن برضو لما ولدت مع ست حسيت برضو بحزن شديد و ان الطبيب الراجل اللي روحتله محترم و شاطر جدا و اختي والده معاه و ان احساسي دا مش سببه شك في الطبيب نفسه احساسي سببه من جوايا انا بحس باحراج رهيب و انا مضطرة للطبيعي للاسف لاني حتى لو ولدت قيصري هضطر بعد كدا اعمل عمليه مخصوص لتصحيح الاخطاء و التش*هات القديمه اللي حصلت من المره الاولي و انا حاليا معييش فلوس زياده لاني اولد فى مدينه قريبه لكن فلوس الطبيب النفسي قدرت اوفرها عشان انا عندى مشكلة مش بتروح من ناحية اى طبيب سواء ست او راجل طالما هيكشف على جسمي.
ساعدينى اتخلص من اللى انا فيه ده فى اسرع وقت قبل ميعاد الولادة، ساعدينى اتقبل كل اللى هيحصلي ده من تانى.
قولتلها: مبدئيآ كده انا عايزة اشكرك جدآ على شجاعتك فى انك تيجي و تواجهى نفسك بكل مخاوفك و تحكيها و تحاولى تدورى على حل ليها، بشكرك انك لما عرفتى توفري مبلغ مقولتيش اروح بيه المدينة و ادور هناك على دكتورة اكشف عندها لانك واعية و عارفة ان المشكلة مش فى الدكتورة و لا الدكتور، المشكلة من جواكى انتى، و واعية بالقدر اللى مخليكى عارفة ان بداية الطريق الصح انك تعالجي المشكلة النفسية من جدورها لان هى اساس المعاناة عندك، مش الطبيب هو المعاناة، اولا انتى جاية متأخر شوية كان المفروض تيجى قبل الولادة بشهرين على الاقل او قبل الحمل ما يحصل خالص، بس طالما اتحطينا فى الوضع يبقى لازم نتعامل معاه بكل الطرق الممكنة فى اسرع وقت.
و كويس انك لما خدتى بالك من مشاكلك النفسية متجاهلتيهاش و حاولتي انك تحليها الاول، على ع** ستات كتير بيبقوا فى نفس وضعك و بيمروا بنفس المشكلة بس للاسف مش بيعترفوا ابدا بحقيقة وجود المرض النفسي و اهمية علاجه.
مشكلتك ليها حل و المفاجئة انه حل بسيط كمان، بس هحتاج اشوفك ٣ مرات فى الاسبوع عشان نلحق ننجز فى الوقت قبل الولادة ما تفاجئك فى اى لحظة، و عايزة اوعدك وعد كمان...
قالتلى: ايه هو: قولتلها الاول كده انتى عندك ثقة فيا ولا لسه محتاجة نتقابل و نقعد مع بعض اكتر عشان تبدئي تكونى الثقة دى؟
قالت: انا حاسة انى مرتحالك.
قولتلها: طيب لو عرضت عليكى اكون موجودة معاكى يوم الولادة هتوافقي و لا هتعتبرينى جايه ابص عشان ارضي فضولي؟
ضحكت و هى بتقولى اكيد لأ، اكيد لو جيتى هيبقى غرضك تدعمينى نفسيآ و تهونى عليا اى حاجة هتحصل معايا، مش فضول و لا حاجة..
ابتسمت و انا بقولها: طيب يا ستى انا هحضر معاكى عشان محتاجة ان انا فعلا ادعمك و اكون معاكى خطوة بخطوة و اوعدك ان ده هيفرق معاكى جدآ، و متخافيش مش هبص على حاجة..
ضحكت اوى من كلمتى دى و انا كنت مبسوطة انها بدأت تفك و تعتبر الموضوع عادى و ممكن تضحك عليه كمان.
قولتلها انى مكانش المفروض اقولها حاجة زى دى من دلوقتى لانها ممكن تكون لسه موثقتش فيا و لا خدت عليا، بس وعدتها ان ده هيحصل فى اقرب وقت، كلمتها كتير عن الولادات اللى كانت بتحصل من زمان اوى لدرجة انها بتبقى فى البيت كده وعلى سرير الست اللى بتولد عادى واللى كانت بتولد و هى فى الشارع او فى مواصلة رايحه بيها فى مكان معين، كلمتها عن جمال اللحظة اللى هتشوف فيها ابنها و اللى يستاهل اى تعب عشان تشوفه و تحضنه، فكرتها بكل حاجة ايجابية و جميلة حصلت فى ولادتها الاولى، و حاولت قد ما اقدر انى امحى التفكير فى اى حاجة سلبية، عرفتها ان اللى هى واجهته فى الولادة الاولى مش هو ده اساس الولادة، و ان ده خطأ فردي من دكتورة معندهاش الخبرة الكافية و لا الرحمة الكافية فى معاملة ست زيها بتمر بلحظات زى دى...
خدنا مع بعض ٤ جلسات و ملحقناش نكمل عشان ولدت و اول حاجة عملتها انها كلمتنى بس عرف*نى انه مينفعش حد يعرف انى دكتورة نفسية، و انى اكلم الدكاترة يدخلونى بينى و بينهم كده من غير ما حد من اهلها يعرف حاجة، و فعلا عملت كده و حضرت معاها الولادة و عدت بسلام و على خير، و خرجت من الولادة مبسوطة جدآ و استمرت على المسكنات لحد ما الالم راح و كانت فرحانه جدا ان الكابوس انتهى و قامت بالسلامة و كمان صححت كل المشاكل اللى كانت عملاها الدكتورة اللى ولدتها اول مرة.
ياريت كل واحدة تتحط فى نفس الوضع ده متسكتش و تستسلم و تسيب نفسها للاكتئاب و الوسواس يقتلوها فى كل ثانية و تعيد التجربة الب*عة اللى مخوفاها اصلا لمجرد ان جواها المخاوف دى مش عشان فعلا التجربة محكوم عليها تبقى ب*عه...
- Writer
