"Mary, my god! I've been calling you and your father since last week! Bakit hindi kayo sumasagot? Nag-aalala ako sa inyo, Mary. Ano na bang nangyayari diyan?" Sunod-sunod na bungad ng Mama ni Mary.
Hindi niya naman ito masisi na mag-alala, mahigit isang linggo na rin niyang hindi nirereply-an ang text at tawag nito.
Sumandal si Mary sa pader at yumuko sa paanan niya bago sumagot. "Mom, nandito kami ni Papa sa ospital..."
Wala siyang choice kundi sabihin na ang kalagayan ng Papa niya. Kinakapos na rin kasi si Mary financially. Hindi niya magawang mag-withdraw sa savings ng Ama dahil bank book lang ang meron ito. Kailangan pang gumawa ng kasulatan at pirma. Na wala siyang ideya kung paano.
"What?!" Gulat nitong bulaslas. “Bakit? May sakit ka ba? Anong nangyari?" Nagpapanic na sunod-s
