Diary ng Maitim

Chapter 18

Entry 21

Dear Diary,

At first, wala akong kaide-ideya bakit ganoon kaaligaga sila Ma’am Mamia at Sir Carlitos (boss niya) noong mag-duty ako sa OSA last Thursday. Tuloy, ako itong peaceful kung pumasok, bigla na lang din nahigop sa ganoong state of mind. Inabutan kaagad ako ng walis ni Ma’am at pinaglinis. Kahit sina Ma’am Ma. Sita at Onin nahawa na rin.

When I happened to sweep near Onin’s place, tinanong ko ano ang tea. “Ano’ng meron? Bakit ganito tayo ka O.A.?”

“Darating si Ms. Reign.”

Pagkarinig no’n, nabitawan ko ang walis, ang mata’t bunganga lumuwa. “Si Ms. Reign? `Yong Beauty Queen?”

Diary, you must know, I love Beauty Queens, models, and the likes. Gusto ko kasi `yong bearing nila - `yong way ba ng pagdadala nila sa sarili. But before my mind wandered even more, pinulot ko ang walis at bumalik kay Onin.

“Bakit daw?” “Magbibigay ng talk tungkol sa elegance, elegance na `yan. Inimbitahan siya ng School. Alumna siya rito. Batch 2010.”

Nabitawan ko again ang walis. “Oh my gosh! Yass!”

Sa sobra kong excited no’n, ako ang pinagkamalan nilang O.A. and not the other away. I’ve always wanted to be mentored by the Beauty Queens. Kumbaga sa fairytale, sila ang tinuturing kong fairy godmother. And what luck to know dito pala siya gr-um-aduate. Now I knew bakit gano’n ka-hype si Sir Carlitos – kung isha-share ni Ms. Reign ang footage on her social media, exposure ito sa school.

Meanwhile, habang tinutulungan ko si Ma’am Mamia sa pag-o-organize ng folders sa long table, nai-share niya sa`kin na Academic Scholar din si Ms. Reign. That said, pinakuha niya tuloy sa`kin ang folder niya do’n sa 2010 na filing cabinet, sa room kung saan usually pinagti-take ang entrance examinees.

Wala akong maaring makitang advantage ng pagkuha no’n other than their intention to get Ms. Reign nostalgic. Hindi rin kasi biro maging scholar. Ang dami mong nilalakad na papeles, papirma, and everything.

As much as I wanted na magmadali, ayaw makisama ng filing cabinet. Ang hirap hilain. But eventually, after several attempts, nabuksan ko rin. Zuñiga ang apelyido ni Ms. Reign and unfortunately for me naka-alphabetically arrange ang mga folder. Buti sana kung elongated ang biyas ko, ano? Madali ko lang makukuha. Halos mapisil na ang joga ko sa cabinet kapipilit maabot ang dulong folder before I finally used my brain at inilabas muna ang mga folders sa unahan.

When I finally got her folder, isinalansang ko pabalik ang mga nilabas kong folder. Then slouching in front of the table, pinasadahan ko ang mga grades ni Ms. Reign. Halos uno ang kanyang weighted average. Hiyang-hiya mga tres ko. Truly, Beauty and Brain nga ang babaeng `yon. Deserve na deserve ang title.

Finally, after what felt like forever, lumabas ako ng Testing Room, clutching Ms. Reign’s folder on my chest. Pero no’ng mahawakan ko na ang door knob sa OSA, ayaw magbukas ng yawa. Nakasara. So I knocked. Demure pa at first. Nang hindi ako pinagbuksan, tuloy-tuloy na. Tumigil lang ako nang tumawag si Onin.

“Dana, ikaw ba ang kumakatok?” “Oo! Bakit niyo sinara?” “Instruction ni Sir Carlitos. Para daw `di maisturbo. Andito na si Ms. Reign e.”

I felt so left out. “Ha? E pero nahanap ko na `yong folder.”

“`Di na raw kailangan. Diyan ka na lang daw muna. In case na may papasok sa OSA, sabihin mo after lunch na bumalik may important meeting lang kamo.”

“Alam niyo ang unfair niyo!” sabi kong ganyan sabay patay na ng tawag at tumalungko na animo’y girl assassin, ang mukha masama ang timpla.

Siguro sinadya talaga ni Ma’am na papuntahin ako sa room dahil alam niyang magfa-fangirling ako once nasa loob, which I probably might. I knew para rin `yon sa ikasasalba ng kahihiyan ni Sir Carlitos but I thought it’s unfair na gawin nila akong tanod dito sa labas.

Kinuha ko na lang ang oras that time para i-scan again ang folder niya. She also had a nice penmanship. Ms. Reign was a Business Ad graduate. After a while nakarinig ako ng upuang dr-in-ag patalikod. Finished na siguro ang discussion but to make sure nilapat ko ang tenga sa pinto.

Wrong move. Bumukas ang pinto. Nabundol ang feslak ko. “Put –”

Thank God, Diary, nasupil ko ang bibig ko or else si Sir Carlitos ang mamumura ko. So imbes na ituloy `yon to ‘put*!n#’ niliko ko siya into ‘put your hand on my shoulder’ at pasimpleng tumalikod, pretending I was chill.

Wala siyang kaide-ideya na nabunggo niya ako. Hindi rin ako tinanong kung okay, ako.

Binuksan ni Sir Carlitos ang pinto so wide na-trap ako sa gilid, kung saan humaging ang pinto. E ang nasa tapat ko no’n si Sir Carlitos. Nakakahiya namang utusan ko ang boss na tumabi. Plus, his attention was all over Ms. Reign at sa mga kasama nito so even if I actually said, ‘Sir Carlitos, puwede po bang lumabas muna?’ he couldn’t hear me.

Balak ko pa naman sanang ibida kay Ms. Reign itong folder niya, probably took a selfie too habang nagrereminisce siya. Pero kahit `yon, hindi nangyari. Nakakainis. Kailan lang umalis si Sir Carlitos sa unahan ko ay nang makababa na si Ms. Reign. Gusto kong sumunod, just to say ‘Hi’ pero hinahanap na sa`kin ni Ma’am Ma. Sita ang susi sa Testing Room.

Defeated akong pumasok sa office, Diary. Ma’am Mamia was busy with her computer work para makita sa ekspresyon ng mukha ko ang lumbay nang `di ko nasilayan si Ms. Reign. Hindi naman ako `yong masasabi mong die hard fan ni Ms. Reign, but when you identify women like them as your heroes, hindi mo maiiwasang ma-excite.

Pumasok ako sa G.C.O. at h-in-and over kay Ma’am Ma. Sita ang susi. Nagpatulong si Onin sa`kin na ilabas muli `yong mga stacks ng folder from the couch to the long table. Habang nasa kalagitnaan ng pagbubuhat, sinenyasan niya `kong lumapit sa kany. He put a finger on his lips, asking me to keep quiet.

Pinakita niya sa`kin kuha niya kay Ms. Reign. She was wearing a white shirt, naka-off shoulder sa isang side, skinny denim and heels. Naka-sleek ponytail siya. She was so beautiful.

“Bukas ang talk niya,” Onin said.

“Puwede mo bang i-send sa`kin `yan?” I asked. Um-oo naman si Onin. Balak kong `yon ang i-ootd tomorrow.

Later, tinawag ako ni Ma’am Mamia. She was holding a sample certificate for Ms. Reign. This was for tomorrow. She asked me how was it? Ch-in-eck ko ang mga nakasulat.

“Ma’am, Zuñiga po ang surname niya, hindi Zuniga.”

Ma’am Mamia returned to her computer and changed it. P-in-ulled out niya ang pencil pouch sa drawer na naglalaman ng petty cash. “Bili ka sa bookstore ng frame na kakasya diyan.”

“Mamia, is she going out?” Si Sir Carlitos sa office niya. Narinig namin ang sapatos nitong lumalapit.

“Uh, yes, Sir. I’m asking our S.A. to buy a frame for the certificate we’ll give to Ms. Reign.”

Huwag kang mawindang, Diary. English speaker kasi `tong si Sir Carlitos kaya kailangan kapag kinakausap ka niya, mag-E-English ka. Nagsasalita rin naman siya ng Filipino pero ang conyo pakinggan, lalo na sa mga word na may ‘r’.

“While on it, please make a canvas of roses at the mall. We’ll give her roses along with the certificate.”

“Okay, Sir. Noted,” sabi ko.

Bumalik ako sa office later on. Wala ng ilaw sa office ni Sir Carlitos. Madalas half-day lang talaga siya pumapasok kaya nga `yong mga nagpapapirma ng mga form for diploma and other reasons, would have to come the next morning para lang makuha `yong mga papel nilang may signature. Hindi kasi sila puwedeng magpapirma sa next office hanggang `di dumadaan sa kanya. Pabebe much, I know.

Pinakita ko kay Ma’am Mamia `yong mga pinicture-an kong bouquet as I told her the prices. Pinatandaan niya sa`kin `yong napili niya then called Onin para ipasuyo ang pagbili nito bukas bago mag-umpisa ang Talk.

Wala naman siyang pagtutol, just a question. “Uhm, Ma’am ako po ba mag-aabot nito kay Ms. Reign?”

“Oo, kung hindi a-attend si Sir Carlitos.”

Nahagip ko pa ang pag-‘Yes!’ kemeru ng impakto bago pumasok sa G.C.O. As if namang mafa-fall si Ms. Reign sa kanya, ano. Diary, I knew what you’re thinking, and no, hindi ako nagseselos.

Ako naman inatasan ni Ma’am na mag-document ng talk ni Ms. Reign for tomorrow. And that made me so happy that the first thing I did nang makauwi ako sa bahay ay i-ready ang glittery high heels at outfit na s-in-end sa`kin ni Onin sa chat.

Sana same kami ni Ms. Reign ng outfit bukas, para pagkamalan kaming magkapatid or something – siya gatas, ako kape.