Isang malakas na sampal ang dumapo sa pisngi ni Luis na siyang kagagawan ni Lian. Hindi iyon inaasahan ni Luis na magagawa siyang saktan ng kanyang matalik na kaibigan kaya’t hindi na siya nagkaroon pa ng pagkakataon para makaiwas. Hinawakan niya ang kanan niyang pisngi na agad naman ding namula, sobrang hapdi sa parteng iyon kaya’t napapangiwi na lang din siya. Hindi naman niya magawang pumatol dahil wala naman kasalanan si Lian at alam din niya sa sarili niyang para rin naman iyon sa kapakanan niya. “Masyado ka talagang mapanakit, Lian,” halos matawa na lang si Luis dahil hindi siya makaganti kahit gustuhin niya. Nanginginig pa ang buong katawan niya lalo na sa mukha niya dahil sa pwersa ng pagkakasampal sa kanya ni Lian. Pero nang dahil doon ay nagawa na niyang makapag-isip ng diretso a
