“Tara na,” mahinang sabi ni Luis, sapat lang para marinig siya ng dalawa na sila Ruby at Rian kasi nga tumakbo palayo si Lian kaya’t hindi nito narinig ang pag-aaya ni Luis na umalis na sa lugar na iyon. “Kailangan na natin makahabol sa elimination, baka ma-disqualify pa tayo dahil sa pagtatagal natin dito,” dagdag pa ni Luis kaya nakumbinsi na sumama si Ruby pero hindi ganoon ang pananaw ni Rian.
“Ano, iiwan na lang ba natin si Li rito? Hindi naman pwede ‘yon! Parang napakamakasarili mo naman na yata?” pangunguwestyon ni Rian sa kinikilos ni Luis habang ang kanyang mga mata ay nakairap sa binata. “Kung aalis ka na lang din naman, huwag ka nang mag-aya kungiiwan mo lang din ang isa sa atin,” sambit ni Rian na may magkahalong panlulumo at pagkainis sa lalaking nagmamay-ari ng training room
