Her heart almost climbed in her throat when Phoenix took the tiny curves of the road. Umalog-alog ang bike dahil sa mabatong daan. Humigpit ang kapit ni Andrea sa beywang ng binata.
"Saan ba tayo pupunta?"
"Lilipad," pabirong sagot ng binata. Marahan naman niya itong kinurot habang nakayakap pa rin dito.
"Ouch! Baby, not there. Baka maaksidente tayo," tatawa-tawang sabi ng binata.
Pagkatapos nilang libutun ang resort sa pagbibisikleta, pawisan silang huminto sa ilalim ng punong mangga. Pinagpagan ni Andrea ang bench na naroon bago umupo.
"That was fun!" komento niya. Nawala ang takot niya sa pagsakay ng bisikleta dahil sa ganda ng pinuntahan nila ni Phoenix.
"I'm glad you enjoyed," anang binata habang nagpupunas naman ng pawis.
Sabay silang nag-agahan nang makabalik sila sa villa.
