“Bagay na bagay sa ‘yo, Kuya! Ikot ka nga ulit!”
Napabuntonghininga na lang ako bago ko sinunod ang sinabi ni Faith. Ilang beses na akong umikot sa harapan nilang lahat para ipakita ang uniporme ng Central Guards na suot ko ngayon.
Pagkatapos akong alukin ni Acosta na maging kasapi ng grupo niya three days ago, hindi na ako nagdalawang-isip pa na pumayag na magtrabaho sa Hari. Kaya naman kahapon ay nagpunta rito sa bahay si Benz para ihatid sa ‘kin ang uniporme na ito.
Maliban sa armor na isinusuot ng mga Central Guard sa tuwing lumalabas sila sa Nava, may uniporme pa silang tabard, na ipinares ko sa puting medieval tunic ko ngayon. Ang kaliwang hati ng tabard ay kulay itim habang ang kabila namin nito ay kulay maroon. Ito ang kulay na kumakatawan sa paglilingkod namin kay Haring Agria
