“Oh! Naalala na kita! Ikaw ‘yong lalaki na weirdo at feeling lahat ng babae ay magugustuhan ka?”
Hindi ko napigilan ang reaksyon ko at nasabi ko na lang ‘yon bigla nang maalala ko na siya. Nakita ko naman na parang ‘di siya natuwa sa sinabi ko na ‘yon. Kaya naitikom ko ang bibig ko at bahagyang umiwas sa kaniya. Ngayon ay naalala ko na siya. Isang araw lang naman ang interaksyon naming dalawa kaya ‘di ko inaasahan na maaalala pa niya ‘yon. Tumatak ba sa isip niya ang nagawa ko sa kaniya at ‘di niya ‘yon matanggap?
“It was the first time that I got rejected by an unknown woman.”
“Unknown pala, eh. Bakit kasi ako pa ang napili mo na pagtripan noon? E ‘di sana ay ‘di ka na-reject. Tsaka totoo rin naman ang sinabi ko. ‘Di naman lahat ng babae ay magugustuhan ka agad. Porket gwapo ka? Hin
