الفصل الثالث (3)
2145 Words
الحلقه الثالثه
ايات :قهوه يا ماما والنبى .
فريده :عايزه سندوتشات
ايات يا ريت 10 او 15 سندوتس كده
محمود :طب لو خليناها بيتزا ايه رايك !!
ايات : حبيبى يا حوده بس عايزاها متر ونصف
محمود : انتى شويه وهتكلينا يا ماما !!
ايات: اخض عليك يا حوده كده برده ?
محمود :ماشى يا ستى عايزاها بايه ؟
ايات :مشكل جبن وبيرونى وبسطرمه وشيش طاووق .
فريده: ربنا يخليكم لبعض
احمد : فريده نادى لى محمود وخليه يجى لى على المكتب
فريده : شغل برده ولا ايه !
احمد : لا جايب له عروسه ؛ بنت مقاول شفتها مع ابوها فى الموقع وقلت ابقى اخلى محمود يشوفها ،هيه اخلاقها حلوه ، وهيه حلوه كمان .
فريده :على خيره الله .
محمود : خير يا بابا ماما قالت انك عايزنى !
احمد :ابدا عايزك تبقى تروح الموقع أ وتشوف المهندسه نور اللى هناك ، هيه بنت مقاول كبير وشاطره كمان .
محمود : منا كنت هناك امبارح واحنا بنصب وشفتها مالها يعنى ؟
احمد : طب ايه رايك فيها !!
محمود : من ناحيه ايه يا بابا !
احمد : من ناحيه انها تبقى عروسه ليك .
محمود : هيه شاطره وحلوه ،بس انا تعاملى معاها كان شغل بس طالما فيه جواز يا بوص يبقى لازم اتامل حبه ..
احمد : وهتتامل ازاى يعنى ؟؟
محمود : ايه يا بوص ،يعنى اشوف واعاين انا كنت الاول بعاين موقع وشغل، دلوقتى بقى هعاين عروسه .
احمد : فى حدود الزوق والادب ،مش عايز اخسرها او اخسر صاحبى .
محمود : ماشى يا باشا انت تؤمر امر سلام .
فى الصباح
مى فى مكتبها تتصل بشركه السما ويرد عليها اسر .
مى : السلام عليكم
اسر :وعليكم السلام
مى : لو سمحت انا عايزه اكلم مدير الشركه
أسر : معاكى يا فندم
مى : انا مى سليم مديره اداره مستشفى سليم الدولة
أسر : اهلا وسهلا ياترى فيه اخبار حلوه
مى : ان شاء الله ، لو حضرتك فاضى ممكن تيجى يوم الاربع مع المحامى علشان تشوف ال*قود ،ونتفق على البنود والتوقيع يبقى يوم الخميس ان شاء الله .
أسر : اوكيه يوم الاربع الساعه12 يناسب حضرتك ؟
مى : اوكيه .
أسر : شكرا ليكى .
مى : العفو مع السلامه .
أسر :مع السلامه .
عند محمود
محمود : صباح الخير يا بشمهندسه نور .
نور : صباح الخير.
محمود : اخبار الشغل ايه ؟
نور : تمام ،احنا ماشيين تبع الجدول الذمنى للمشروع وممكن كمان نخلص قبل المده المحدده بأسبوع او اتنين
محمود : طب ازاى !!
نور: حضرتك عارف ان رمضان هيدخل علينا، وهيكون ورديه واحده علشان الصيام، فانا هبدأ بعمل ورديتين بدل واحده ،واللى بيخلص ويتشد عضمه نبدا فى التشطيب من الاول للاخر .
محمود : دا ممتاذ طب والتكلفه اخبارها ايه ؟
نور : زياده طفيفه ،وده لانى قدرت احتياجاتى وخزنتها قبل الاسعار متشد انا متعوده على كده من شغلى مع الحاج .
محمود باعجاب : الله ينور على الحاج والدك .
نور بابتسامه : شكرا
محمود ينظر لها وهيه محرجه ثم يقول : هو الحاج بيكون فى البيت امتى ؟
نور : ليه
محمود : يعنى عايز اجى انا وا****عه علشان نلحق برده نقدر احتاجاتى قبل ما حد يسبق .اهم حاجه يعنى فيه قبول ولا ايه ؟؟
نور ب**وف: بابا بيكون فى البيت الساعه7 .
محمود : على خيره الله انهارده جايين 7 ونصف .
نور بدهشه : 7ونصف
محمود بابتسامه عذبه : 7 انا برده بقول 7 ونصف متاخر اوى انا هروح من دلوقتى احسن
نور ب**وف وضحكه : 8 كويس
محمود : وحيات الضحكه الحلوه دى يا شيخه هيه 7ونصف وعن ازنك بقى اكلم الحاج عندى وعندك .
سلام يا نور حياتى
فى المساء وفى منزل مهندس ماجد عائل المهندس احمد مع عائلة المهندس ماجد
ماجد : اهلا وسهلا نورتونا
احمد: النور نورك انت وبعدين هيبقى عندنا
فريده : اذيك يا نور ما شاء الله عليكى قمر
نور : الله يسلمك يا طنط
أيات : انا اخت محمود ثانويه عامه وادعيلى ربنا ينتعنى منها بالسلامه
نور : يا رب بس انتى عايزه تخشى ايه
أيات : اى حاجه بس اخرج بس
تم التفاق على جعل الخطوبه وكتب الكتاب بعد اسبوعين والزفاف بعد العيد والامتحانات
رجعت اسره مهندس احمد سعيده، دخلت ايات لتخبر هند فى التليفون، ودخل محمود ليكلم نور ،وبقى احمد وفريده يتحدثان فى تجهيز حفله الخطوبه
فى الصباح وفى مكتب مى
مى : د اسر حضرتك دا ال*قد اقراه مع المحامى بتاعك ولو فيه اى استفسار انا موجوده .
د اسر : كله تمام انا قريته ولقيت ان الشروطه مرضيه للطرفين لو عايزه نمضى دلوقتى انا معنديش مانع .
مى: مش هتاخد راى صاحب الشركه .
اسر : انا صاحب الشركه .
مى : الله!! منت كنت مستغرب انى مديره المستشفى طلعت زى اهه.
اسر بضحكه : اهه بصره بقى هنمضى دلوقتى ولا بكره .
مى : لحظه وهرد عليك .
مى فى التليفون : دسليم موجود .طب فاضى .اديهولى لو سمحتى . دسليم انا همضى ال*قود النهارده ممكن تيجى بس 5 دقايق عايزه حضرتك تبقى معايا .ميرسى يا حبيبى .
اسر : هو حضرتك تقربى ل د سليم ايه ؟
مى بابتسامه جميله : يبقى بابا
اسر بابتسامه وراحه : اه بابا طب الحمد لله
يدخل سليم ويتم التعرف وتوقيع ال*قود واخذ بعض الصور ثم يمشى سليم لمتابعه اعماله .
اسر ممكن اعزمك على الغدا بمناسبه توقيع ال*قود .
مى : اسفه انا متعوده اتغدى مع ماما واخواتى .
اسر : يعنى لو واحد عايز يتعرف عليكى اكتر يعمل ايه . انا جاى دوغرى اهه بس عايز اعرف يعنى فيه قبول ولا اااااا ايه ؟!
مى بدهشه وخجل : حضرتك تقصد اااا.....
اسر : بصراحه انا من اول ما شفتك وانا عايز اكلمك ،بس خفت تفكرى انى يعنى علشان العرض وكدا ....قلت استنى لحد لما ينتهى سواء بالرفض او بالقبول وبعدين اشوف موضوعى .ها د سليم فى البيت امتى ؟؟
مى : طب هحدد مع بابا معاد وابلغ حضرتك
اسر : منتظر تليفونك ، ودا كرتى لتانى مره علشان تسألوا عليا
مى : ربنا يسهل مع السلامه
اسر : الله يسلمك
ياتى اسر مع اسرته ويتم التعارف والاتفاق على الخطوبه بعد 3 اسابيع
تفوت الاسابيع ،وتاتى حفل خطوبه محمود ونور ،وتاتى اسره دسليم الحفل، وكان حفل هادى وراقى جدا، ولم تجلس ايات وهند ابدا بل استمتعوا بالحفل وظلوا يرقصوا ويغنوا مع العروسين .
ولفت نظر ياسر ايات ؛ بفستانها الروز وحجابها الرقيق، كانت مثل الملاك من يراها لا يستطيع ان يرفع نظره عنها .كان ياسر يذهب بنظره على ايات رغم ان والدته كانت تقول :له بص يا ياسر البنات هنا ما شاء ..
الله حلوين بص كدا يمكن ربنا يسهل ؟
ياسر : ماشى يا ماما هبص .
وكان نظره مركز على ايات، كلما ينظر الى فتاه يرجع ينظر مره اخرى الى ايات .
وكانت هناك عيون تنظر الى سمر ياعجاب؛ انه احد أصدقاء محمود ويدا يسال عليها، وعرف انها ابنه د سليم .
وعند الرقصه السلو تقدم منها يطلبها للرقص وقامت بعد موافقه دسليم .وقام العروسين للرقص ، وكذلك كل الازواج والكابلز وبقى ياسر ينظر الى ايات وهند وهم يذهبون من هنا وهناك وكانهم يتمنون ان يرقصوا هم ايضا، قام ياسر وذهب الى هند واخذها للرقص معه ،ثم اخذ ايات بعد ذلك ولم يفسر سبب كل تلك السعادة وهو يرقص معها ...كان يريد ان يظل يرقص معها حتى اخر الحفل، ويظل ينظر الى عينيها ولكن فوجئ بانتهاء الرقصه .
بعد الحفل ذهبت كل عائلة الى منزلها وهم فرحين وسعداء
يجلس ياسر فى غرفته متذكرا الحفله ،ومتذكرا ايات وهى ترقص معه وكم كان سعيدا وهو يراقصها .ولكن تبدا معركه بين ال*قل والقلب
ال*قل : ايه مالك فرحان ومبسوط كدا ليه !!
القلب : ودا مزعلك ليه يعنى حرام افرح واتبسط ؟؟
ال*قل : افرح بس صح يعنى فرحان اوى بايات ليه ؟؟
القلب : ملها مفرحشى بيها ليه يعنى؟
ال*قل : دى طفله .دى قد اختك هند عارف الفرق بينكم كام سنه 11 سنه
القلب : بس هيه عقلها كبير وبعدين ايه 11 سنه يعنى !
ال*قل: فرق كبير ،دى صغيره دى بتبصلك على اساس انك اخوها زى هند بالظبط. ليه تهزا نفسك وتقلل من قيمتك وتبص لطفله .اعقل كدا وشوفلك دكتوره زميله اواصغر شويه او اى حد يبقى فيه فكر متقارب ما بينكم لكن 11 سنه دى صعبه اوى .طب انت تتكلم معاها فى ايه ولما تحب تخرج معاها تروح فين الملاهى وتجيب ايس كريم
القلب : كفايه
ال*قل : انا بقول كفايه دى ليك انت ووقف تهورك ده شوف انت مين ومركزك ايه وبلاش شغل مراهقه
القلب : مراهقه !!
ال*قل : اه مراهقه وانت مش صغير عليها .
القلب : خلاص ..خلاص كفااايه ...عايز ايه ؟
ال*قل : هيه اختك وبس ،وشوف لك عروسه قدك ...ده الصح .
قام ياسر وهو حزين يردد هيه مجرد طفله واختى ولازم اشوف لى عروسه بسرعه واقفل طريق ايات ده نهائي.
تمر الايام وياتى حفل خطوبه اسر ومى....
وخالد وسمر
قاعه كبيره بها كل الاطباء ورجال الاعمال والعاملين بمستشفى د سليم ، وكذلك مقاولين كبار واصدقاء العروسين من مختلف الطبقات .
تبحث عيون ياسر لا اراديا على ايات، بين كل الموجودين بالحفل وقلبه يدق ض*بات مختلفه حتى وقعت عينيه عليها ،لم يستطيع ان يمنع الابتسامه التى ظهرت على شفتيه ولم يكن يصدق شعور الراحه والسعاده عندما نظرت له وابتسمت، شعر ان قلبه يدق على الحان نظرتها كانت ترتدى فستانامجسما يظهر قدها النحيف، وكذلك كان فستان هند نفس اللون والتفصيله وكذلك صديقات العروسه لبسوا لون واحد باختلاق القصات ..
ذهب ياسر اليها ووقف امامها ينظر الى وجهها وملامحها الجميله واللتى برزها مكياجها الهادىء ..
ياسر بحب :اذيك يا ايات .
ايات : الله يسلمك يا ياسر .
ياسر عقبالكم يا بنات ايه القمرات دى ..
هند وايات بضحك : شكرا .
ويذهب ياسر سريعا من امامهم وعقله يؤنبه احنا مش قلنا صغيره واختك
ياتى عمرو ويذهب الى هند وايات ..
عمرو : اذيكم يا حلوين ايه القمر دا كله كنتم مخبيينه فين !!
هند :الله يسلمك يا اخويا كان مستخبى فى الثانويه العامه .
ايات : اه والله على رايك .
عمرو : لا بجد انتم احلى بنات فى الحفله .
هند ضاحكه لايات: اه لو سمر سمعتك كانت علقتك على باب القاعه علشان تبقى عبره لغيرك !!
يضحكون ثلاثتهم بصوت عالى ويلفت صوتهم نظر ياسر فياتى مسرعا لهم .
ياسر : اذيك يا عمر انت جيت امتى ؟
عمرو: من شويه ،دورت عليك ملقتكش بس لقيت القمرات دول قلت اقف معاهم..
ياسر محاولا مداراه غضبه : طب يلا نقعد هناك .
عمرو : لا روح انت انا الدكتور قالى اقعد فى حته طراوه .
هند وايات يضحكون ويضحك عمرو معهم ثم يتركونهم ويذهبون لصديقاتهم ويذهب عمرو مع ياسر
عمرو :ياسر بقول لك ايه .ايه نظام ايات
ياسر متعجبا : نظام ايات . ملها
عمرو :يعنى فى حد متكلم عليها .عارفه حد يعنى
ياسر بغضب :ايات دى ينت محترمه جدا ومؤدبه دى ينت رجل اعمال احمد الغندور وصغيره عليك
عمرو باندهاش : صغيره عليا .ليه بقى ان شاء الله حد قالك انها لسه فى حضانه دى كلها شهر وتدخل الجامعه يعنى عروسه واحلى عروسه كمان .
ياسر : عمرو بلاش كلام فى الموضوع ده خلينا دلوقتى فى الفرح
عمرو : الله منا فى الفرح اهه، بس فى الفرح بتاعى البت عجبانى اوى من يوم النادى والنهارده لما شفتها عجبتنى اكتر ،وانا عايز ادخل البيت من بابه قلى بقى فين الباب ؟؟
ياسر بدهشه: عمرو انت بتتكلم جد .انت عارف فرق السن بسنكم قد ايه دى لسه طفله .صغيره عليك دى تروح تجيبل لها ايس كريم وبيتزا .دى لسه مش ناضجه .
عمروبابتسامه : وماله اجيب ايس كريم وشيكولاته كمان وتكبر وتنضج على ايدى.. انت مالك طالما انا راضى وابوها راضى مالك انت يا قاضى ههههههههههه
ياسر باقتضاب : طب يعدين نتكلم بقى خلينا فى الفرح .
عمرو وهو عينيه على ايات وهى ذاهبه لمحادثه ابيها وامها وقد عرف اين يجلسون .
ياسر يتابع ايات ويشعر بالغضب والخوف
يقوم عمرو ويقول لياسر انه ذاهب للحمام ،ويذهب حيث يجلس والد ايات ويتحدث معه انه يريد التقدم لطلب يد ايات ويحدد معاد لزيارتهم فى المنزل، ويعطى له كارت باسمه وعنوانه لكى يسال عليه . بينما ياسر نظره منشغل مع ايات وهند وهم يرقصون مع اخواته البنات
تاتى الرقصه السلو ينزل العرسان ويبدؤن فى الرقص ،وينضم لهم الكثيرين منهم محمود ونورا ويذهب ياسر ليرقص مع ايات وعمرو مع هند .يظل ياسر ينظر الى ايات بحب وهيه م**وفه
ايات : فيه ايه يا ياسر فيه حاجه
ياسر بهدوء : حاجه ايه يا ايات
ايات بخجل: مالك حاسه انك مختلف او متغير النهارده فيك حاجه
ياسر بهمس : حاجات كتيره
ايات بدون فهم : حاجات ايه قولى
ياسر بهيام : اكيد هقولك ومش هخبى حاجه عنك .تعرفى انك حلوه اوى النهارده
ايات بضحكه: انهارده بس
ياسر بإبتسامه : النهارده وامبارح وبكره وكل وقت بس النهارده ذياده حبتين
ايات بضحكه : انا كده هتغر
ياسر بحب : اتغرى يا اختى براحتك حقك الصراحه ونظر الى عينيها العسليتين بحب شديد .تعرفى اول مره اشوف لون عنيكى حلوين اوى...
ايات وهى تنظر لاسفل يخجل : ياسر فيه ايه انا بت**ف على فكره
ياسر : خلاص هو الواحد حرام يعنى انه يشوف الجمال ويقول عليه الله دا حتى يبقى حرام
ايات فى محاوله لتغيير الكلام : هند اهه بترقص مع عمرو !
ياسر بنظر لهم ثم ينظر لها : خليهم فى حالهم واحنا فى حالنا
ايات : والله العظيم انت مش طبيعة النهارده، انت تعبان ولا حرارتك عاليه .
ياسر بضحكه عاليه : هو فعلا الحراره عندى عاليه، بس مش بعدى يعنى متخافيش
يفاجا ياسر بعمرو يقطع عليهم رقصتهم ويجذب ايات للرقص معه وهند ترقص مع ياسر
عمرو : تسمح لى بقى اكمل الرقصه دى ،وخد انت هند عنى شويه صدعتنى .
ايات بخجل و**وف ترقص مع عمرو وهيه تنظر لاسفل مش قادره ترفع عنيها وشاعره بالاحراج جدا .
عمرو : انتى م**وفه ولا ايه ؟
ايات : الصراحه اه
عمرو : امال مكنتيش م**وفه وانتى بترقصى مع ياسر ليه !
ايات : كنت م**وفه برده بس هو زى اخويا لكن حضرتك ...يعنى... .
عمرووهو يبتسم : متخافيش انا طيب اوى ،واتحط على الجرح بيرد
ايات بإبتسامه : لا دكتور دكتور صحيح
عمرو : يعنى ايه مش فاهم
ايات : يعنى مصطلحات دكاتره ،جرح بقى ،ومراهم يعنى
عمرو يضحك عاليا ،وتضحك ايات ثم تستاذن منه وتنصرف ،ويظل قلب عمرو يخفك لها ونظره عليها بينما ياسر تتجهم ملامحه بالغضب ويضغد على يد هند
- Writer
