NASAPO ni Anne ang kanyang noo pagmulat ng kanyang mga mata. Umupo siya sa kama at sumandal sa headboard. Niyakap niya ang kanyang mga binti at ipinatong doon ang kanyang ulo.
Hindi katulad ng ibang mga umaga, hindi maganda ang kanyang gising nang araw na iyon. Mabigat ang kanyang pakiramdam. Tila sasakit ang ulo ni Anne. Dahil iyon sa isang panaginip na hindi niya masabi kung maganda o masama.
Napanaginipan niya ang kanyang pamilya. Mula nang mamatay ang pag-asang mabuo ang kanyang pamilya sa kanyang puso, iyon ang unang pagkakataon na napanaginipan ni Anne ang kanyang pamilya. Madalas siyang dalawin ng kanyang ate sa panaginip, ngunit hindi niya napapanaginipan dati ang mga magulang.
Nakangiti ang kanyang ate sa kanya. Ang ama naman niya ay nakangiti rin ngunit hindi ito nakatingin sa
