HABANG masayang nagsasayaw si Serene sa dance floor ng bar ay hindi niya namalayan ang saglit na pagpuslit ni Lindsay sa mesa nila sa hindi kalayuan. Nagmatiyag muna ito sa paligid bago kinuha ang bag at inilabas ang isang botelya na may lamang gamot. Kaagad nitong kinuha ang isang tableta at inihalo sa baso ng alak na iniinom ni Serene. Matapos iyon ay ibinalik nito iyon sa bag at luminga-linga ito sa paligid upang masiguradong walang nakapansin sa ginawa nito. Matapos no’n ay kaagad bumalik sa dance floor si Lindsay at muling nakipagsayaw sa mga kaibigan kasama si Serene.
Maya-maya lamang ay nakaramdam na ng pagod ang apat kaya napagdesisyonan na nilang bumalik sa kanilang puwesto. Saglit na nagkasulyapan sina Lindsay at Stella. Isang makahulugang ngiti ang itinugon nila sa isa’t isa. M
