“Hala Nay, natanghalian ho ako ng gising!” aligagang sabi ni Cara pagbaba galing sa kwarto.
“Ayos lang anak. Nakapagtinda na kami ng suman, kasama pa namin si Lawrence bago ito magpunta sa sitio Balangay,” sagot ng kaniyang ina habang naghahanda ng makakain.
“Saka dapat diba tulog ka pa hanggang ngayon para maganda ka mamaya,” masayang turan ni Manang Rose.
“Ay nako Manang. Wala na hong igaganda,”
“Nako Mam, noong bata ka pa—”natigilan si Manang Rose at kabang-kaba na naupo sa tabi ng mesa.
“Ano po?”
“Ah anak, pinakita ko kay Manang Rose ang mga litrato mo noong bata ka pa,”
“Ah ganon ho ba,” tatango-tangong sabi ni Cara. “Nako Manang lahat naman talaga ng mga bata magagandang tingnan.”
“Oo nga. Siya pumarito ka na,” sabi na lamang ni Manang Rose.
Pagsapit ng hapon ay di na magka
