PAGPASOK nila Angelina sa fighting hall ay umagaw agad sa atensyon niya ang malaking tv sa loob na nakabukas at mayroong naka-flash na spin the wheel. Marami na rin estudyante sa loob kaya naghanap na sila ni Shaira ng mauupuan. Pumwesto sila sa kaliwa sa b****a sa bandang taas lang para hindi na sila mahirapan kapag lalabas na at doon din nila mas kita ang laban pati ang tv screen.
“Mukhang diyan na bobolahin pangalan ninyo,” wika ni Shaira habang nakatingin sa tv. Hindi siya umimik dahil nagmamasid siya sa loob ng hall. Napansin niyang halos lahat ng estudyante ay naroon na, pero napatingin siya sa pintuan nang pumasok ang grupo ng Noble gang. Nagkaroon ng katahimikan sa pagpasok nila dahil halos lahat ng mata ay nasa kanila. Napansin niyang magaan ang aura ni Vincent dahil ngumingiti
