LAMPAS alas tres na ng hapon nang umalis sila ni Rique sa bahay. Sa supermarket muna sila pupunta. Gusto nitong bumili siya ng groceries na pang-isang linggo. Siya na raw ang bahalang bumili kung anong mga kailangan niya sa bahay. Limang libo ang ibinigay ni Rique.
Sa supermarket na sila naghiwalay ng actor. Inihatid lang siya nito. May pupuntahan daw na event kaya hindi puwedeng magtagal. Nagpaalam na rin na hindi uuwi sa bahay. Mag-isa na naman siyang pain sa mumu.
Balak ni Diwa na umuwi muna sa apartment nila ni Maya pagkagaling sa supermarket. Mas panatag siyang magluto sa apartment kaysa sa bahay ni Rique. Pagkatapos na ng hapunan ang balik niya. Gabi naman nagpaparamdam ang mga kaluluwa kaya sa ganoong oras na lang din siya babalik.
Salamat sa taxi na deretso lang a
